完整藏文原文 · 德格版页 当前仅加载第 86 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
ཅུ་རྩ་བཞི་ཡི། །དཔག་ཚད་ཀྱི་ནི་ཚད་ཙམ་པ། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡི་རྩེ་མོ་ཅན། །རི་བོ་ཆེན་པོ་ཅོག་བརྒྱད་པ། །དབུས་སུ་རྡོ་རྗེའི་རི་བོ་མཆོག །དེ་ཡི་སྟེང་དུ་རྡོ་རྗེ་ཆེ། །ཀུན་ཏུ་ཕྱོགས་པ་ཡོངས་སུ་བསྒོམ། །སྔོ་བསངས་མརྒད་ཏ་འདྲ་
D492.086.0090a01.01བ། །སྣ་ཚོགས་འོད་ཀྱིས་ཡང་དག་འཁྲུགས། །དེ་ཡི་སྟེང་དུ་རྡོ་རྗེ་ཆེ། །རྩེ་མོ་ལྔ་པ་རྣམ་པར་བསམ། །དཀར་པོ་ཤེལ་དང་འདྲ་བའོ། །འོད་ཟེར་ལྔ་ཡིས་རྣམ་པར་སྤྲས། །དེ་ཡི་སྟེང་དུ་རིན་པོ་ཆེ། །ཆུ་སྐྱེས་སྔོན་པོའི་འདབ་འདྲ་བ། །སྣ་ཚོགས་འོད་ཟེར་སྟོང་གི་ཕྲེང་། །
D492.086.0090a02.01ཕྱོགས་བཅུ་ནམ་མཁའ་ཁྱབ་པའོ། །དེ་ཡི་གཙུག་ཏུ་པདྨ་ཆེ། །ནམ་མཁའ་ཁྱབ་པ་ཡི་ནི་མཆོག །ལོ་མ་སྟོང་ཕྲག་དུ་མ་ཅན། །ལྟེ་བ་དང་ནི་ཟེའུ་འབྲུས་དཀྲིགས། །དེ་ཡི་མདུན་དུ་ཉི་མ་ཆེ། །འོད་ཟེར་སྟོང་ཕྲག་དུ་མ་ཅན། །དེ་ཡི་སྟེང་དུ་ཟླ་བ་ཆེ། །དཀར་པོའི་འོད་ཟེར་འབར་
D492.086.0090a03.01བས་དཀྲིགས། །ནམ་མཁའི་ཁམས་ནི་གང་བ་ཡི། །གཟི་བརྗིད་དཀར་པོ་འཕྲོ་བའོ། །དེ་ཡི་དབུས་སུ་མ་མོ་བྲི། །དུས་གསུམ་བཞུགས་པའི་སངས་རྒྱས་ཀྱང་། །ཡོངས་སུ་དག་པ་མཁའ་འདྲ་མ། །ཟླ་བའི་དཀྱིལ་འཁོར་འཕྲོ་བ་མོ། །ཕྱག་གཉིས་མ་ལ་ཐུགས་ཞི་བ། །
D492.086.0090a04.01བསམ་གཏན་སྤྱན་ལྡན་བསམ་གཏན་ཡིད། །བསམ་གཏན་མཆོག་གི་ཕྱག་རྒྱ་ཡི། །སེར་མོ་གཞོན་ནུ་རབ་བཞག་པ། །དཀར་པོའི་གོས་འཛིན་མཛེས་པ་མོ། །དཀར་པོ་ཡི་ནི་རྒྱན་གྱིས་བརྒྱན། །རལ་པའི་ཐོར་ཚུགས་ཅོད་པན་བཟང་། །གཙུག་གི་ནོར་བུ་འོད་ལྡན་པ། །
D492.086.0090a05.01ཡེ་ཤེས་གདན་ལ་མཉམ་པར་བཞུགས། །བ་སྤུ་རྣམས་ཀྱི་རྩེ་བུག་གནས། །རྒྱལ་བ་རབ་ཏུ་ཁྲོས་པ་སྟེ། །བྱང་ཆུབ་ཕ་རོལ་སོན་པར་མཛད། །དེ་ཡི་ཐུགས་ཀར་རྣམ་བསམ་པ། །ཡི་གེ་མཆོག་ཏུ་མི་འགྱུར་བ། །ཡི་གེ་རྣམས་ཀྱིས་ཡང་དག་དཀྲིགས། །ཐམས་ཅད་དུ་ནི་
D492.086.0090a06.01ལེགས་འཕྲོ་བའོ། །སངས་རྒྱས་རྣམས་ནི་མདུན་གནས་པ། །རབ་ཏུ་ཐལ་མོ་སྦྱོར་བའོ། །དེ་བཞིན་བྱང་ཆུབ་སེམས་དཔའ་རྣམས། །རིག་སྔགས་ཁྲོ་བོའི་ཚོགས་ཀྱང་ནི། །ཆོས་ཉན་པ་ཡི་ཚུལ་དུ་ཡང་། །དཀྱིལ་འཁོར་དུ་ནི་གཞག་པར་བྱ། །སྒོ་ཡི་ཕྱོགས་ནི་ཐམས་ཅད་
D492.086.0090a07.01