完整藏文原文 · 德格版页 当前仅加载第 86 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
དུ། །སྒོ་སྐྱོང་བ་ནི་བཞི་རྣམས་སོ། །སྦྱིན་པ་ལ་སོགས་ཅི་རིགས་པར། །བཅུ་དྲུག་པོ་ཡང་གཞག་པར་བྱ། །མེ་ཏོག་བདུག་པ་མར་མེ་ཆེ། །ཇི་ལྟ་བ་བཞིན་གཞག་པར་བྱ། །ལྷ་ཀླུ་དེ་བཞིན་གནོད་སྦྱིན་དང་། །དྲི་ཟ་ལྷ་མིན་དམྱལ་ལས་བྱུང་། །འདི་རྣམས་ཐམས་ཅད་ལྷུན་པོ་ལ། །
D492.086.0090b01.01ཀུན་ནས་ཡོངས་སུ་གཞག་པར་བྱ། །དེ་ནས་མེ་ཏོག་ཕྲེང་ལྡན་འཇུག །དྲི་དང་མེ་ཏོག་ཡང་དག་ལྡན། །གོས་དཀར་འཛིན་པ་དཔལ་དང་ལྡན། །རྒྱན་རྣམས་ཀུན་གྱིས་རྣམ་པར་བརྒྱན། །ཤེས་རབ་འཕྲོ་དང་ལྷན་ཅིག་ཏུ། །རྡོ་རྗེ་སེམས་དཔའ་རྗེས་དྲན་པས། །བདག་དག་པས་
D492.086.0090b02.01ནི་དག་པར་བྱ། །ཤེས་རབ་སྦྱོར་བས་གང་གནས་པས། །སྒོ་ཡི་དྲུང་དུ་ལེགས་འཁོད་ལ། །གླུ་འདི་ཡིས་ནི་སྤྱན་དྲང་བྱ། །ཐུགས་རྗེ་མངའ་བ་ཆོས་ཀྱི་དབང་ཕྱུག་སངས་རྒྱས་ཡུམ། །རང་གི་ཡབ་ཀྱི་ཚོགས་དང་སྲས་དང་བཅས་ཏེ་བྱོན། །སྤྱོན་ཅིག་སྤྱོན་ཅིག་ལྷ་དང་སྲིན་པོར་
D492.086.0090b03.01བཅས་མཆོད་པའི། །འཇིག་རྟེན་དབང་ཕྱུག་ཡང་དག་བྱང་ཆུབ་ཐུགས་མངའ་བ། །སྤྱོན་ཅིག་སྤྱོན་ཅིག་ཐུགས་རྗེའི་བདག་ཉིད་འཇིག་རྟེན་གཉེན། །ཆོས་ཀྱི་ཡི་གེ་བདེ་བར་གཤེགས་པས་རྗེས་བསྐོས་པ། །མཁའ་ལྟར་ཡོངས་དག་དྲི་མེད་དམ་བཅའ་དྲན་པར་མཛོད། །མ་མོ་
D492.086.0090b04.01རྣམས་ནི་མཆོག་གི་གླུས་བསྐུལ་བྱོན་པར་འགྱུར། །དེ་ནས་བཅོམ་ལྡན་འདས་མ་བྱོན་པར་མཐོང་ནས་རང་གི་མེ་ཏོག་གི་སྙིམ་པ་དང་། མཆོད་ཡོན་དང་། ཞབས་བསིལ་དབུལ་བར་བྱའོ། །ཨོཾ་བདག་གི་མཆོད་ཡོན་ཞབས་བསིལ་འདི། །ཅི་བདེ་བར་ཡང་བཞེས་སུ་གསོལ། །དེ་ནས་
D492.086.0090b05.01དེ་དང་ལྷན་ཅིག་ཏུ། །འདྲེས་པ་རུ་ནི་གྱུར་པར་བསམ། །ཨོཾ་སརྦ་ཏ་ཐཱ་ག་ཏ་པྲཛྙཱ་ཛྙཱ་ན་ས་མ་ཡེ་ཧཱུྃ་ས་མ་ཡ་སྟྭྃ། དེ་ནས་འདི་ཡིས་བརྟན་པར་བྱ་སྟེ། ཨོཾ་སརྦ་ཏ་ཐཱ་ག་ཏ་ཙ་ལ་ས་མ་ཡ་མ་ཙ་ལ་སྟྭྃ། དེ་ནས་འདིས་མཉེས་པར་བྱ། ཨོཾ་སརྦ་ཏ་ཐཱ་ག་ཏ་མ་ན་སན་ཏུ་སྟི་ས་མ་ཡེ་ཧཱུྃ། ཨེ་ཧྱེ་ཧི་ཛཿ
D492.086.0090b06.01ཨེ་ཧྱེ་ཧི་ཛཿ། དེ་ནས་དཔག་ཏུ་མེད་པའི་ངོ་མཚར་ཆེན་པོ་ལྟ་བའི་ཕྱིར། ཨོཾ་སརྦཱངྒ་པུཎྜ་ར་མ་ཧཱ་བྷ་ག་བཱན་ས་ལེ་སྨ་ར་སྨ་ར་སྥ་ར་སྥ་ར་སརྦཱངྒཱ་བཱ་ཡུ་པིཋྞུ་མ་ཧཱ་བུདྡྷ་སམུ་དྲྭན་ཧཱུྃ་ཧཱུྃ་ཨྃ། འདི་ཡིས་མ་མོ་བསྐུལ་ནས་སུ། །སངས་རྒྱས་སྤྲིན་ནི་འོད་པོ་ཆེ། །དཀྱིལ་འཁོར་བ་ལ་སྤྲོ་བར་བྱ། །དེ་
D492.086.0090b07.01