完整藏文原文 · 德格版页 当前仅加载第 86 函德格 93a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིས། །བུད་མེད་ཚུལ་དུ་དགུག་པར་བྱ། །བསྒྲུབ་བྱ་སྒྲུབ་བྱེད་མིང་སྤེལ་ནས། །ཀ་བ་རྩིག་པ་དེ་བཞིན་ཁྱིམ། །དྲིལ་བུ་རྣམས་དང་བུམ་རྣམས་ལའང་། །ལྷ་མོ་ཡི་ནི་སྙིང་པོ་ཡི། །བརྒྱ་བཟླས་པས་ནི་འབེབས་པར་འགྱུར། །ཤེས་རབ་ཕ་རོལ་
D492.086.0093a01.01ཕྱིན་མ་མཆོག །ཁྲོ་བ་དང་ནི་ཡང་དག་ལྡན། །གསལ་བྱེད་ཀྱིས་ནི་གསལ་བྱས་པས། །ལས་རྣམས་དག་ནི་ཐམས་ཅད་བྱ། །དུར་ཁྲོད་རོ་ནི་མ་ཉམས་པ། །མར་ངོའི་བརྒྱད་ལ་བསྡུས་ནས་སུ། །བྱང་དུ་ཕྱོགས་ཏེ་གཞག་པར་བྱ། །དེ་ཡི་ཁར་ནི་མཉམ་གཞག་
D492.086.0093a02.01པས། །གསང་སྔགས་ལེགས་པར་བཟླས་ནས་སུ། །རྫས་ཀྱི་དམ་པ་ཅི་རིགས་པ། །བ་བླ་མིག་སྨན་རྡོ་ཆུ་དང་། །ལྡོང་རོས་དང་ཡང་ཡང་ན་བཙག །དཀར་རྩི་སོལ་བ་ཉིད་དང་ནི། །གུར་གུམ་དང་ནི་རྒྱ་སྤོས་སམ། །རུ་རྟ་ཤུ་དག་ག་པུར་དང་། །ཙནྡན་དེ་བཞིན་
D492.086.0093a03.01ཨ་ཀ་རུ། །ཤ་དང་ཁྲག་ནི་ཉིད་དང་ཡང་། །དེ་བཞིན་སོར་མོའི་གདུ་བུ་ནི། །རྣལ་འབྱོར་ལྡན་པས་བཞག་ནས་ཀྱང་། །དེ་ཡི་སྟེང་དུ་བསྡད་ལ་བཟླ། །ཉི་མ་ཤར་ནས་དེ་བླངས་པས། །གྲུབ་པའི་རིག་པ་འཛིན་པར་འགྱུར། །དམན་པས་དངོས་གྲུབ་དམན་པ་
D492.086.0093a04.01སྟེ། །རབ་ཀྱིས་རབ་ཏུ་རྣམ་པར་བསྟན། །བར་མས་བར་མར་ཤེས་པར་བྱ། །མཚན་མ་མེད་ན་དབང་དུ་བྱེད། །ཅེས་སོ། །སྐྱེས་བུ་དག་ནི་ཐམས་ཅད་དང་། །བུད་མེད་དག་ནི་ཐམས་ཅད་ལ། །རེག་པ་ཙམ་གྱིས་དབང་བྱེད་ཅིང་། །མིག་ལ་བྱུགས་པ་ཡིས་
D492.086.0093a05.01ཀྱང་ངོ་། །ཙནྡན་གྱིས་ནི་ཡོངས་བྱུགས་ཏེ། །གུར་གུམ་གྱིས་ནི་ཐིག་ལེའོ། །ལ་གུ་ཡིས་ནི་བདུག་པར་བྱ། །དཀར་རྩི་སོལ་བ་བཙག་གིས་ནི། །ཇི་ལྟར་འདོད་པའི་མིང་དང་ནི། །ཡོངས་སུ་སྤེལ་ཏེ་བྲིས་པ་ཡིས། །དབང་མ་སོང་བ་དབང་འགྲོ་སྟེ། །རྡོ་རྗེ་སེམས་
D492.086.0093a06.01དཔའི་བཀའ་བཞིན་ནོ། །ཁམས་ཀྱིས་མིང་ནི་བྲིས་པ་ན། དབང་དུ་བྱེད་པའི་མཆོག་ཡིན་ནོ། །སོལ་བས་ཡོངས་སུ་འགུགས་པར་བྱེད། །དཀར་རྩི་ཡིས་ནི་དུག་འཇོམས་སོ། །ལི་ཁྲིས་སྐད་ཅིག་དེ་ཉིད་ལ། །སྨྱོ་བར་འགྱུར་བར་ཐེ་ཚོམ་མེད། །རུ་རྟ་ཨ་ག་རུས་བདུག་
D492.086.0093a07.01