完整藏文原文 · 德格版页 当前仅加载第 86 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་བརྒྱན། །དྲི་ཞིམ་ལུས་ལ་ཆ་ལུགས་བཟང་། །ལག་ན་དྲི་ཡི་སྣོད་མཛེས་མ། །ཨུཏྤལ་སྔོན་པོའི་ལོ་མ་མཚུངས། །མཛེས་པའི་གཟུགས་ལ་ཡིད་འཕྲོག་མའོ། །གཟུགས་ཀྱི་རྡོ་རྗེ་མཛེས་པའི་གཟུགས། །རྒྱན་རྣམས་ཀུན་གྱིས་རྣམ་པར་བརྒྱན། །ལག་ན་
D492.086.0106b01.01རྡོ་རྗེ་མེ་ལོང་འཛིན། །འཛུམ་བཅས་དགོད་པའི་དཀྱིལ་འཁོར་ཅན། །སྒྲ་ཡི་རྡོ་རྗེ་སྣ་ཚོགས་ལུས། །དཀར་དང་སྔོ་བའི་ལུས་དང་ལྡན། །པི་ཝང་གླིང་བུ་ཏིང་ཏིང་སོགས། །སྒྲོགས་པ་ཤེས་རབ་ཅན་གྱིས་བྲི། །རོ་ཡི་རྡོ་རྗེ་སྐལ་ཆེན་མོ། །ལག་ན་རོ་ཡི་སྣོད་འཛིན་
D492.086.0106b02.01པ། །རྒྱན་རྣམས་ཐམས་ཅད་ཡང་དག་རྫོགས། །མཚན་ཉིད་ཀུན་དང་ཡང་དག་ལྡན། །རྡོ་རྗེ་རེག་བྱ་སྔོ་བསངས་ཆེ། །ཆུ་སྐྱེས་སྔོན་པོ་འདབ་འདྲའི་མིག །རྣམ་པར་གསལ་ཞིང་ཆེར་དགོད་པ། །རང་གི་དཔུང་པ་བསྡམས་པ་མོ། །བཞད་པའི་རྡོ་རྗེ་བོད་བཅས་པ། །
D492.086.0106b03.01རྣལ་འབྱོར་པས་ནི་མདོར་བསྡུས་ཏེ། །བྲི་བྱ་སྣ་ཚོགས་གོས་འཛིན་དཀར། །རྒྱན་རྣམས་ཐམས་ཅད་འཛིན་པ་མའོ། །རྡོ་རྗེ་སྒེག་མོ་དཀར་མོ་ཆེ། །སྒེག་དང་བཅས་ཤིང་ཡིད་དུ་འོང་། །རྐེད་པར་ཁུ་ཚུར་གཉིས་བཞག་ཅིང་། །མཛེས་པའི་ཕྲེང་བའི་ཆུན་པོ་བཙུགས། །
D492.086.0106b04.01རྡོ་རྗེ་གླུ་མཁན་ལེགས་དམར་ལུས། །གླུ་ལེན་པ་ལ་རབ་ཏུ་བརྩོན། །ཆུ་སྐྱེས་དམར་པོ་རྒྱས་འདྲའི་བཞིན། །གླུ་ལེན་ལག་པ་རབ་ཏུ་མཛེས། །རྡོ་རྗེ་གར་མ་མཁས་པས་བྲི། །གར་དང་བཅས་པའི་ལག་པ་ཅན། །སྔོ་བསངས་དཀར་པོ་ཆེར་དཀར་བ། །མིག་ཆེ་བ་ལ་འཛུམ་
D492.086.0106b05.01བཅས་མཆོག །རྡོ་རྗེ་སིལ་སྙན་དྲག་མོ་ཆེ། །དུར་དུ་ར་ཡི་རྔ་མཛེས་རྡུང་། །རྡོ་རྗེ་རྔ་ཆེན་ལྷ་མོ་ཆེ། །རྔ་ཆེན་རྡུང་བ་བྲི་བར་བྱ། །རྫ་རྔ་མ་ནི་མཁས་པས་བྲི། །རྫ་རྔ་རྡུང་བར་བྱེད་པ་མོ། །ལྷ་མོ་མུ་ཀུཎྜ་རྡུང་མ། །མུ་ཀུཎྜ་མ་བཞིན་མཛེས་མའོ། །པ་ཊ་ཧ་ནི་རྡུང་
D492.086.0106b06.01བྱེད་མ། །རྡོ་རྗེ་པ་ཊ་ཧ་ཞེས་བྱ། །རྫ་རྔ་ཆེན་པོ་རྡུང་བྱེད་མ། །རྡོ་རྗེ་རྫ་རྔ་མཛེས་མ་བྲི། །གུཉྫ་རྡུང་བྱེད་དགའ་བ་མོ། །དགོད་བཅས་པདྨའི་མིག་ཅན་མ། །རྡོ་རྗེ་གུཉྫ་དཔའ་བོས་བྲི། །ལས་ཀུན་གྱི་ནི་དམ་པ་འགྲུབ། །ལག་ན་རྡོ་རྗེ་ཏིང་ཏིང་ཤག །རྡོ་རྗེ་ཏིང་ཏིང་ཤག་བྲི་
D492.086.0106b07.01