完整藏文原文 · 德格版页 当前仅加载第 86 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
པར་མཛད་པའི་པད་བཟང་པོ། །སྣ་ཚོགས་དཔལ་ལྡན་ཀུན་གྱི་བདག་པོ་སྣ་ཚོགས་མཁྱེན། །སྣ་ཚོགས་དབང་ཕྱུག་སྣ་ཚོགས་ཡུམ་གྱིས་མ་གོས་པ། །སེམས་ཅན་རྣམས་ནི་འདུལ་ལེགས་འཇོག་མཛད་སྣ་ཚོགས་པ། །ཅི་དགའ་འདོད་ལ་རིག་པ་དམ་པ་གནང་དུ་གསོལ། །
D492.086.0119a01.01ཞེས་སོ། །དེ་ནས་དེ་རྣམས་ཀྱིས་སླར་ཡང་སེམས་ཅན་མ་ལུས་པ་འདུལ་བའི་དོན་དུ་འདི་སྐད་ཅེས་བསྟོད་པ། སངས་རྒྱས་ཚུལ་ཁྱོད་ཕྱག་འཚལ་ལོ། །སངས་རྒྱས་འབྱུང་བ་ཁྱོད་ལ་འདུད། །སངས་རྒྱས་ཡེ་ཤེས་ཁྱོད་ཕྱག་འཚལ། །སངས་རྒྱས་གཟི་བརྗིད་ཕྱག་འཚལ་འདུད། །སངས་
D492.086.0119a02.01རྒྱས་དཔའ་བོ་ཁྱོད་ལ་འདུད། །རྡོ་རྗེ་ཁྲོ་བོའི་ཡིད་ལས་འཁྲུངས། །སྡིག་པ་བཅོམ་པ་ཁྱོད་ཕྱག་འཚལ། །སྡིག་པ་བསལ་ལ་ཕྱག་འཚལ་འདུད། །ཕྱག་ན་རིན་ཆེན་ཁྱོད་ཕྱག་འཚལ། །གཙུག་ན་རིན་ཆེན་གཟི་བརྗིད་ཅན། །སྡུག་བསྔལ་བཅོམ་པ་ཁྱོད་ལ་འདུད། །ཐམས་ཅད་གྲུབ་
D492.086.0119a03.01ལ་ཕྱག་འཚལ་འདུད། །ཆོས་ཀྱི་དག་པ་ཁྱོད་ལ་འདུད། །པདྨ་དག་པ་རྟོགས་པའི་ཕྱིར། །འདོད་ཆགས་ཆགས་པ་ཁྱོད་ལ་འདུད། །འདོད་ཆགས་བྲལ་ལ་ཕྱག་འཚལ་འདུད། །སྣ་ཚོགས་རྡོ་རྗེ་ཁྱོད་ལ་འདུད། །སྣ་ཚོགས་སྦྱོར་བ་ཁྱོད་ཕྱག་འཚལ། །སྣ་ཚོགས་ཚུལ་ཅན་ཁྱོད་ལ་འདུད། །
D492.086.0119a04.01སྣ་ཚོགས་བདེ་ལྡན་ཕྱག་འཚལ་འདུད། །བསྟོད་པའི་རྒྱལ་པོ་འདི་ཡིས་ནི། །ཆོས་དང་ལྡན་པ་ཐམས་ཅད་དུ། །ཉིན་རེ་ཞིང་ནི་སྟོད་བྱེད་ན། །བསམ་པའི་དངོས་གྲུབ་ཐོབ་པར་འགྱུར། །དེ་ནས་བཅོམ་ལྡན་འདས་ཀུན་ཏུ་བཟང་པོས་སླར་ཡང་དེ་བཞིན་གཤེགས་པ་ཐམས་ཅད་ཀྱི་ཆོས་ཤེས་
D492.086.0119a05.01རབ་དང་ཡེ་ཤེས་རྣམ་པར་བསྒྱིངས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆོས་ཀྱི་དབང་ཕྱུག་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །དེ་བཞིན་གཤེགས་པ་ཀུན་གྱི་གསང་། །གསང་བ་རྒྱན་ཅེས་བྱ་བ་ནི། །སེམས་དཔའ་ཆེན་པོ་
D492.086.0119a06.01ལེགས་པར་ཟུང་། །སེམས་དཔའ་ཆེན་པོ་ནི་དགའ་བས། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དབང་ཕྱུག་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དཔའ་བོ་ཆེན་པོ་ཅི་གསུང་བ། །རང་བྱུང་ཡེ་ཤེས་ཕ་རོལ་སོན། །ཆོས་ཀུན་དབང་ཕྱུག་
D492.086.0119a07.01