完整藏文原文 · 德格版页 当前仅加载第 86 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡི་ཡང་གར་སྦྱོར་ལས། །རྡོ་རྗེ་བསྡམས་པའི་སྦྱོར་བ་ཡིས། །སྙིང་གར་དེ་བཞིན་བསྒྲེང་བར་བྱ། །ཡང་ནི་གཉིས་པ་ཉིད་ཀྱང་སྟེ། །ཤེས་རབ་གང་ཡིན་རྡོ་རྗེར་བྱ། །སྐར་མ་ལྕགས་ཀྱུ་དེ་བཞིན་འདིར། །འདིར་ནི་བསྙེམས་བཅས་རྗེས་སུ་ཆགས། །དེ་ལས་རྡོ་རྗེའི་སྦྱོར་བ་
D492.086.0118a01.01སྦྱར། །ཡང་དང་ཡང་དུ་དགྲོལ་བར་བྱ། །འདི་ཡིས་ལས་རྣམས་ཐམས་ཅད་ནི། །བྱེད་འགྱུར་འདི་ལ་གདོན་མི་ཟ། །དེ་ཉིད་སྙིང་གར་ཁུ་ཚུར་ཏེ། །རྡོ་རྗེ་གདོང་པ་སྐར་མའི་ཁ། །རང་གི་གནས་སུ་བཞག་པ་དེ། །དབང་བསྐུར་བ་ནི་གཉིས་པའོ། །དེ་ཉིད་བསྙེམས་པས་ཆེར་བསྟན་
D492.086.0118a02.01ཏེ། །ཡང་དང་ཡང་དུ་ཡོངས་སུ་བསྐྱོད། །དེ་ཉིད་འོད་ཟེར་རྣམ་པ་རུ། །ཐམས་ཅད་དུ་ནི་སྤྲོ་བར་བྱ། །དེ་ཉིད་ཁ་རུ་བསྟན་པ་ནི། །རྡོ་རྗེ་བཤད་པར་རྣམ་པར་བ་ཤད། །འདི་རྣམས་ཀྱིས་ནི་དོན་རྣམས་ཀུན། །མཁས་པ་ཡིས་ནི་བསྒྲུབ་པར་བྱ། །དེ་ཉིད་པདྨའི་སྦྱོར་བ་དང་། །མིག་
D492.086.0118a03.01གིས་སྦྱོར་བ་གཉིས་པའོ། །ཤེས་རབ་སྐར་མ་དེ་ནས་བསྒྲེང་། །ལྟེ་བར་བྱས་པ་འཁོར་ལོ་ཅན། །རྡོ་རྗེ་སྨྲ་བ་ལྕེ་ཡི་རྩེར། །རོ་རྣམས་མ་ལུས་འཕྲོག་པར་བྱེད། །འདི་དག་གིས་ནི་ལས་རྣམས་ཀུན། །པདྨའི་འོད་ཀྱིས་རབ་ཏུ་བྱ། །དེ་བཞིན་ཁུ་ཚུར་ལེགས་པར་སྦྱར། །ཤེས་རབ་ཀྱིས་
D492.086.0118a04.01ནི་སྙིང་གར་བསྣུན། །དེ་ལས་གཉིས་པ་སྣ་ཚོགས་ཆེ། །སྙིང་གར་ཡོངས་སུ་བསྐོར་བར་བྱ། །སྐར་མ་རྡོ་རྗེའི་རྣམ་པ་མཆོག །བཟོད་དང་གཟི་བརྗིད་མཆེ་བ་མཛེས། །དེ་ཉིད་དམ་དུ་བསྡམས་པ་ནི། །འཆིང་བའི་ལས་ནི་བྱེད་པའི་མཆོག །འདི་རྣམས་ཀྱིས་ནི་ཐམས་ཅད་སྒྲུབ། །
D492.086.0118a05.01ཕྱག་རྒྱ་དང་ནི་ཕྱག་རྒྱའི་ལན། །གཡས་དང་གཡོན་གྱི་སྦྱོར་བ་ཡིས། །ལས་ཀྱི་དམ་པ་མ་ལུས་པའོ། །ཞེས་བཅོམ་ལྡན་འདས་ཀུན་ཏུ་བཟང་པོས་བཀའ་སྩལ་ཏོ། །དེ་ནས་བཅོམ་ལྡན་སྣ་ཚོགས་ཆེ། །པདྨ་རིན་ཆེན་རྡོར་མཆོག་འཛིན། །གསང་བ་རྒྱན་གྱིས་དཀྱིལ་འཁོར་གྱི། །དཔལ་
D492.086.0118a06.01ཆེན་ལ་ནི་ཞུ་བ་ཞུས། །སངས་རྒྱས་དཀྱིལ་འཁོར་དོན་ཕྱིར་དང་། །མ་མོ་རྣམས་ཀྱི་དོན་དམ་ནི། །ཡོངས་སུ་རྟོག་པ་ཐམས་ཅད་སྤངས། །སངས་རྒྱས་ཀུན་མཆོག་དམ་པའི་གསང་། །དཀྱིལ་འཁོར་ཐམས་ཅད་བརྒྱན་པ་ཡིས། །མཛེས་པས་བཅོམ་ལྡན་གསུང་དུ་གསོལ། །དེ་ནས་
D492.086.0118a07.01