完整藏文原文 · 德格版页 当前仅加载第 86 函德格 104a 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་པ་མོ། །བྱང་གི་སྒོ་རུ་བྲི་བྱ་བ། །སྟོབས་ཀྱི་ཕ་རོལ་ཕྱིན་མ་མཆོག །རྒྱལ་བ་ཐམས་ཅད་མཉེས་བྱེད་པ། །དྲིལ་བུ་བཟང་པོ་འཁྲོལ་བའི་བདག །གཤིན་རྗེ་ཆོ་འཕྲུལ་བྲི་བར་བྱ། །འབར་བའི་སྤྲིན་གྱིས་ཡང་དག་འཁྲུགས། །ཕྱག་ན་རྡོ་རྗེ་ཞགས་
D492.086.0104a01.01བཀྲ་བ། །རྡོ་རྗེའི་གློག་ཕྲེང་དང་མཚུངས་མའོ། །ང་ཡི་མདུན་དུ་ཤེས་ལྡན་གྱིས། །འདོད་པའི་དབང་ཕྱུག་བརྒྱན་པ་བྲི། །པདྨ་རཱ་གའི་འོད་གསལ་བ། །མདའ་དང་གཞུ་ནི་འཛིན་པའི་མཆོག །དེ་ཡི་མདུན་དུ་དཀར་པོ་བྲི། །ཟླ་བའི་འོད་འདྲ་གྲགས་ཆེན་པོ། །ཟླ་བ་ཤར་
D492.086.0104a02.01ཀའི་འོད་མཛེས་པ། །འཛུམ་བག་ཅན་ལ་གཞོན་ནུའི་གཟུགས། །རྡོ་རྗེ་འདུན་པ་ཆེར་དམར་བ། །མདའ་ལྔ་དང་ནི་གཞུ་འཛིན་པ། །སྐྱེ་བ་འཇོམས་པ་དཔའ་བོ་ནི། །ལག་ན་འཁོར་ལོ་གཟི་བརྗིད་མཆོག །དེ་ཡི་གཡོན་དུ་བྲི་བྱ་བ། །དཀར་དང་དམར་བའི་འོད་ཆེན་
D492.086.0104a03.01པོ། །རྡོ་རྗེ་ཛང་སྒྲོགས་རྒྱལ་པོ་ནི། །དྲིལ་བུ་འཁྲོལ་བ་དང་ལྡན་པ། །དེ་ཡི་རྒྱབ་ཏུ་བྲི་བར་བྱ། །གསེར་དང་གུར་གུམ་དང་འདྲ་བའོ། །ལྷོ་ཡི་ཕྱོགས་སུ་བྲི་བྱ་བ། །མཁའ་འགྲོའི་དབང་ཕྱུག་དཔལ་དང་ལྡན། །སྔོན་པོ་ཆར་སྤྲིན་དང་འདྲ་བ། །ལག་ན་རལ་གྲི་རིན་ཆེན་
D492.086.0104a04.01ལྡན། །དེ་མདུན་དཔའ་ཆེན་འདོད་པ་ཡི། །རྒྱལ་པོ་བདག་ཉིད་ཆེན་པོ་བྲི། །འོད་ཟེར་དམར་པོ་ལག་ན་གཞུ། །རིན་ཆེན་འབར་བས་རྣམ་པར་བརྒྱན། །དེ་ཡི་ལྷོ་རུ་བྲི་བྱ་བ། །རྡོ་རྗེ་རྣམ་པར་སྨོད་པ་མཆོག །ཉི་མའི་དཀྱིལ་འཁོར་ལག་པ་ཅན། །རབ་ཏུ་རྣོ་བའི་འབར་
D492.086.0104a05.01བའི་ཕྲེང་། །རྡོ་རྗེ་དམ་པ་འདུལ་མཛད་དཔལ། །རྡོ་རྗེ་རིན་ཆེན་མཆོག་གི་ཏོག །ཁ་དོག་དཀར་པོ་ཆེར་སྤྲོ་བ། །གོས་སྔོན་རྣམ་པར་འཕྱང་བ་བོ། །རྡོ་རྗེ་ཌཱ་ཀིའི་དབང་ཕྱུག་རིགས། །ལག་ན་རིན་ཆེན་ཤིན་ཏུ་མཛེས། །དེ་ཡི་རྒྱབ་ཏུ་བྲི་བྱ་བ། །དགོད་དང་བཅས་པའི་
D492.086.0104a06.01བཞིན་རས་མཆོག །ང་ཡི་རྒྱབ་ཏུ་བྲི་བྱ་བ། །དྲི་ཡི་དབང་ཕྱུག་དབང་ཕྱུག་ཆེ། །ལག་ན་པདྨ་སྙིང་གར་འཆང་། །བན་དུའི་མེ་ཏོག་རྣམ་པ་འདྲ། །དེ་ལ་མངོན་པར་ཕྱོགས་པ་ཡི། །རྡོ་རྗེ་སྒྲོལ་བ་སྤྱན་མཛེས་བྲི། །དཀར་སེར་བཟང་པོ་སྣ་ཚོགས་པ། །ལག་ན་ཨུཏྤལ་
D492.086.0104a07.01