完整藏文原文 · 德格版页 当前仅加载第 86 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱོར་བ། །སངས་རྒྱས་རྣམས་ཀྱི་རྗེས་སུ་འབྲང་། །སེམས་དང་ལུས་ཀྱི་རྣམ་བསྒྱིངས་པས། །གདུག་པ་ཐམས་ཅད་བཟློག་པར་བྱ། །ལག་པ་རྐང་པའི་རིམ་པ་ཀུན། །རྣམ་འགྱུར་གྱི་ནི་ལན་ཡིན་ནོ། །དབྲོག་པ་དགུག་པར་ཤེས་བྱ་སྟེ། །གཏོང་བ་དག་ནི་དབྲོག་
D492.086.0117a01.01པའི་ལན། །དབྲོག་པ་མཆོག་ཏུ་ཤེས་བྱ་བ། །བགེགས་ཀྱི་གནས་ནི་རབ་གནོན་པའོ། །དབྲོག་པའི་ལན་ནི་རབ་བཟློག་སྟེ། །བསྡིགས་པའི་རྐང་པ་དགོད་པར་ཤེས། །བརྡ་ནི་དྲན་པའི་དོན་དུ་སྟེ། །ཕན་ཚུན་ཡོངས་སུ་བརྗོད་པ་ཡིས། །འགྲུབ་དང་མི་འགྲུབ་སྦྱོར་བ་རྣམས། །སློབ་
D492.086.0117a02.01དཔོན་སློབ་མ་སོགས་པས་བསྒྲུབ། །བརྡ་ལན་ལྷ་མོ་རྣམས་ཀྱིས་ནི། །བསྐུལ་དང་སོ་སོར་བསྐུལ་བའོ། །དྲི་བ་སྨྲ་དང་འདྲི་བ་སྟེ། །མཐོང་ནས་འདྲི་བ་འདྲི་བའི་ལན། །ལེགས་པའི་གཟུགས་མཐོང་བལྟ་བ་སྟེ། །ལྷ་ཡི་ཡེ་ཤེས་སྤྱོད་ཡུལ་ལོ། །བལྟ་བའི་ལན་ནི་དེ་ལས་སླར། །སྦྱོར་
D492.086.0117a03.01བ་མཆོག་གིས་སྦྱོར་བའོ། །ལྷ་དང་ལྷ་མོ་རྣམས་ཀྱི་ནི། །གཡས་གཡོན་བལྟ་བ་བལྟ་བ་སྟེ། །ཇི་སྙེད་བལྟ་བའི་སྦྱོར་བ་ཡིས། །སྒྲུབ་པར་བྱེད་པའི་ལན་ཡིན་ནོ། །དམ་ཚིག་སངས་རྒྱས་ཐམས་ཅད། །བཀའ་རྟགས་བྱས་པ་ཉིད་དུ་འདོད། །གང་ཕྱིར་ཐོས་པ་འཛིན་པ་ཡི། །སྒྲུབ་
D492.086.0117a04.01པོ་ལན་དུ་ཤེས་པར་བྱ། །དཀྱིལ་འཁོར་ལུས་སུ་བཤད་པ་སྟེ། །ཡེ་ཤེས་ལྔ་ཡིས་བྱིན་བརླབ་པའོ། །དཀྱིལ་འཁོར་ལན་ནི་ལྷ་མོ་རྣམས། །གཅིག་ཏུ་བྱེད་པའི་དམ་པའོ། །གསང་བ་སྦས་པར་བཤད་པ་སྟེ། །གསང་བའི་ལན་ནི་ལེགས་སྦས་པའོ། །གསང་ཆེན་སེམས་ཀྱི་
D492.086.0117a05.01འདུ་ཤེས་ཏེ། །བདེ་བའི་རྣམ་པར་རྟོག་པའོ། །སོ་སོར་རྟོག་པ་ལྷ་མོ་དང་། །ལྷ་ཡི་བདེ་བ་བདེ་ཆེན་པོ། །སངས་རྒྱས་སྲས་བཅས་ཐམས་ཅད་ཀྱིས། །གསང་ཆེན་ལན་དུ་བརྗོད་པའོ། །ཞེས་བཅོམ་ལྡན་འདས་ཀུན་ཏུ་བཟང་པོས་བཀའ་སྩལ་ཏོ། །དེ་ནས་དེ་རྣམས་སླར་ཡང་
D492.086.0117a06.01འདུས་པར་གྱུར་ཏེ། ཡང་བཅོམ་ལྡན་འདས་ལ་ལེགས་པར་བསྐུལ་བ། རྡོ་རྗེ་སེམས་དཔའ་བདེ་རབ་མཆོག །ཤེས་རབ་མཆོག་རབ་གྲོལ་བའོ། །མཆོད་པའི་ཡེ་ཤེས་ལེགས་འགྲུབ་པའི། །གསང་བ་ཆེན་པོ་གསུང་དུ་གསོལ། །དེ་ནས་བཅོམ་ལྡན་འདས་ཀུན་ཏུ་བཟང་པོས་སླར་
D492.086.0117a07.01