完整藏文原文 · 德格版页 当前仅加载第 86 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིས་སངས་རྒྱས་ཐམས་ཅད་མཆོད། །ཡིད་ནི་བདེ་བར་གནས་པར་བྱེད། །སློབ་དཔོན་རྡོ་རྗེ་ཅན་དང་ནི། །ཁྱད་པར་དུ་ནི་སྒྲུབ་པོས་བྱ། །དགོད་དང་སྒེག་དང་དེ་བཞིན་གླུ། །སིལ་སྙན་གར་ནི་རབ་དགའ་བ། །མཆོད་པའི་ལན་ཏེ་ཤིན་ཏུ་ནི། །སངས་རྒྱས་ཕྱག་རྒྱས་འགྲུབ་པར་འགྱུར། །
D492.086.0116b01.01གཟུགས་དང་སྒྲ་དང་དེ་བཞིན་དྲི། །རོ་དང་རེག་པ་ཡིད་འོང་བ། །འདི་ནི་མཆོད་པའི་ལན་དུ་འགྲུབ། །སངས་རྒྱས་བྱང་ཆུབ་བདེ་བ་ཆེ། །ཕྱག་རྒྱ་སྐྱེས་བུའི་རྣམ་པ་སྟེ། །ཕྱག་རྒྱའི་ལན་ནི་རང་གཟུགས་ཏེ། །གཉིས་པ་ཕྱག་རྒྱ་ཆེན་པོ་སྟེ། །ཕྱག་རྒྱའི་ལན་ནི་ལས་བཟང་ཅན། །
D492.086.0116b02.01ཕྱག་རྒྱ་རང་གི་བདག་པོར་ཤེས། །ཕྱག་རྒྱའི་ལན་ནི་སྒྲུབ་པ་པོ། །ཇི་སྲིད་དབྱེ་བ་སྟོང་ཕྲག་ནི། །དབྱེ་བའི་གཞི་རུ་བརྟག་པར་བྱ། །ཞེས་སོ། །གར་ནི་གར་གྱི་སྦྱོར་བ་ཡིས། །གར་གྱི་ལན་ནི་གར་མཁན་མའོ། །ཇི་སྲིད་དབྱེ་བ་སྟོང་ཕྲག་ཀྱང་། །དབྱེ་བ་བཞི་རུ་བརྟག་པར་བྱ། །ཀུན་
D492.086.0116b03.01ཏུ་བཟང་པོ་ལ་བརྟེན་ནས། །ཇི་སྲིད་ལས་ཀྱི་རྗེས་འབྲང་བའོ། །ལས་ཀྱི་སྦྱོར་ལ་ཡང་དག་བསྟེན། །ཇི་སྲིད་བཟང་པོའི་རྗེས་འབྲང་བའོ། །བླ་འོག་ཡང་དག་བསྐྱོད་པ་ཡིས། །གར་དང་སྟེང་གི་གར་བསྐོར་བ། །རྟོག་པའི་སྦྱོར་བས་བརྟག་པར་བྱ། །རྟོག་པ་ཡིས་ནི་རབ་ཏུ་གསུང་། །
D492.086.0116b04.01ཇི་ལྟའི་སིལ་སྙན་རྡུང་སྤྱད་ནི། །རྡུང་བའི་བདག་ཉིད་ཅན་གྱིས་དཀྲོལ། །དེ་ལས་བྱུང་བའི་སིལ་སྙན་ལན། །གསིལ་བས་སིལ་སྙན་ཉིད་དུ་བརྗོད། །སྔགས་ཀྱི་ཡི་གེའི་ཆོ་ག་སྦྱར། །ཇི་སྲིད་ལས་མཆོག་སྤྱོད་ཡུལ་བ། །དེ་ནས་སྦྱོར་བས་འཐོན་ནས་སུ། །ཀུན་ཏུ་བཟང་པོར་
D492.086.0116b05.01འགྲོ་བར་བྱ། །སྒྲོགས་པས་གྲུབ་ཅེས་བརྗོད་པ་སྟེ། །འདྲེན་པ་གསུམ་ལས་ལེགས་པར་འབྱུང་། །དབྱངས་རྣམས་རྣམ་དྲུག་ཤེས་པར་བྱ། །གླུ་ཡི་ཕྱག་རྒྱ་ཞེས་སུ་འགྲུབ། །དེ་ནས་སྦྱོར་བས་འཐོན་ནས་སུ། །ཇི་སྲིད་མགོ་དང་སྙིང་གར་སོན། །མགྲིན་པ་སྣ་ཡི་སྦྱོར་བ་དང་། །
D492.086.0116b06.01མགུལ་པ་གཡོ་བ་ཉིད་ཀྱིས་སོ། །འགྱུར་བས་རྣམ་པར་འགྱུར་བ་སྟེ། །ལན་དང་གཏོང་བའི་ཆོ་ག་རིམ། །ཆོས་རྣམས་ཐམས་ཅད་བླང་བ་དང་། །གདོན་གྱི་ཚོགས་རྣམས་ཟློག་པ་སྟེ། །རྣམ་འགྱུར་ལས་ནི་སླར་ཡང་འདིར། །སེམས་ཀྱི་རྣམ་པར་རྟོག་པའོ། །ཇི་སྲིད་ལས་ནི་རྗེས་
D492.086.0116b07.01