完整藏文原文 · 德格版页 当前仅加载第 86 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་གྱི་ཡུམ་གྱུར་པ། །སྟོང་ཉིད་ཡེ་ཤེས་ཉིད་དུ་བཤད། །ཅི་ཞིག་ང་ཡིས་བསྟན་པར་བྱ། །རྟོག་པ་ཐམས་ཅད་རྣམ་པར་སྤངས། །སེམས་ཅན་རྣམས་ལ་ཕན་བཞེད་པ། །གང་ཞིག་ཅུང་ཟད་བསྟན་པར་བྱ། །དེ་ཀུན་སྒྱུ་མས་སྒྱུ་མའོ། །འགྲོ་
D492.086.0086a01.01བ་སྒྱུ་མ་ལྟ་བུར་ཤེས། །དེས་ན་སྒྱུ་མ་ལྟ་བུ་ཡིས། །སྒྱུ་མ་ལྟ་བུའི་དཀྱིལ་འཁོར་བྱ། །ནམ་མཁའི་ཁམས་ཀྱིས་ཁྱབ་པ་ཡི། །ཐམས་ཅད་ཡུམ་གྱིས་ཡང་དག་འཁྲུགས། །ཕྱི་རོལ་ཡང་ནི་བརྟག་པར་བྱ། །གསང་བའི་དཀྱིལ་འཁོར་ཡུམ་རྣམས་ཀྱིས། །དབེན་ཞིང་
D492.086.0086a02.01དགའ་བའི་གནས་སུ་ནི། །ཡིད་ཀྱི་ལེགས་པར་འདུས་བྱས་པ། །ནམ་མཁའ་ལ་ནི་ཐིག་གིས་གདབ། །ཐོག་མར་དེ་ཡིས་དམ་པས་སོ། །དེ་ནས་རྣལ་འབྱོར་ཆེན་པོས་ཐིག །གསང་བའི་ཡུམ་གྱི་དཀྱིལ་འཁོར་རོ། །མུ་ཁྱུད་དག་གི་རྣམ་མདུན་དུ། །ཀུན་ནས་ཡོངས་
D492.086.0086a03.01སུ་བསྐོར་བར་བྱ། །དབུས་ཀྱི་ཆ་རུ་དཀྱིལ་འཁོར་ནི། །འཁོར་ལོ་ལྟ་བུར་བྲི་བར་བྱ། །ཀུན་ནས་བརྒྱད་གཉིས་མཛེས་པ་ནི། །དཀྱིལ་འཁོར་བཞི་ཡི་དབུས་སུའོ། །འཁོར་ལོའི་ལྟེ་བའི་དབུས་སུ་ནི། །པདྨ་ཟེའུ་འབྲུ་ལྡན་པ་བྲི། །མཚམས་དང་མཚམས་སུ་འདབ་མ་ནི། །ཇི་ལྟ་
D492.086.0086a04.01བ་བཞིན་བསྙེམས་བཅས་པས། །སྲད་བུ་ལྔ་ཡིས་ཡང་དག་འཁྲུགས། །སྲད་བུ་བཞི་ཡིས་ཉེ་བར་སྤྲས། །སྒོ་བཞི་དང་ནི་ཡང་དག་ལྡན། །རྟ་བབས་སེང་གེ་དག་གིས་བརྒྱན། །གདུགས་དང་རྒྱལ་མཚན་བ་དན་སོགས། །བླ་རེས་སྟེང་དུ་བྲེས་པ་དང་། །རིན་ཆེན་རྡོ་རྗེས་
D492.086.0086a05.01པད་ལྡན་སྔོན། །དཔག་བསམ་ཤིང་གི་ལྕུག་མས་ཁྱབ། །བུམ་བཟང་རིན་ཆེན་ལྡན་པའི་མཆོག །རྒྱན་ཕྲེང་གླང་པོ་ལྡན་པ་ནི། །ཕྱི་རོལ་གནས་ཏེ་ལེགས་པར་བྲིས། །རྟོག་དང་མི་རྟོག་རྣམ་སྤངས་ཏེ། །དཀྱིལ་འཁོར་རྒྱལ་པོའི་དབུས་སུ་ནི། །གསང་བ་རྒྱན་གྱི་རྡོ་རྗེ་བྱ། །
D492.086.0086a06.01མཉམ་པར་གཞག་ཅིང་སྤྲོ་བ་ཡིས། །སེམས་ཀྱིས་བྲི་བ་ཉིད་དུ་བྱ། །དེ་ནས་ལྷ་མོ་ཞལ་བཞི་མ། །ཤེས་རབ་ཕ་རོལ་ཕྱིན་དགེ་བ། །ཕྱག་བཞི་པ་ལ་སྤྱན་ཡངས་མ། །ཕྱག་གཉིས་ཀྱིས་ནི་ཆོས་འཆད་ཅིང་། །བཞི་པའི་གཡས་པར་རྡོ་རྗེ་སྟེ། །གཡོན་པ་པདྨས་རྣམ་པར་བརྒྱན། །
D492.086.0086a07.01