完整藏文原文 · 德格版页 当前仅加载第 86 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
བཞུགས་ཏེ། རྡོ་རྗེ་འཛིན་པ་ཐམས་ཅད་ཀྱི་ཡུམ་རྣམས་ཀྱི་དམ་ཚིག་བཀའ་སྩལ་པ། །རིན་ཆེན་སེམས་ཀྱི་དམ་ཚིག་གིས། །རྣམ་པ་གསུམ་ནི་སྦྱང་བར་བྱ། །ཐོག་མཐའ་བར་གྱི་སྦྱོར་བ་ཡིས། །ཆུང་འབྲིང་མཆོག་གི་དབྱེ་བ་ཡིས། །དེ་འདྲའི་དམ་ཚིག་ཡང་
D492.086.0088a01.01དག་པ། །སངས་རྒྱས་ཀུན་གྱིས་བཀའ་སྩལ་ཏོ། །ཇི་སྲིད་སེམས་ནི་སྦྱངས་ཀྱི་བར། །འབད་པ་ཡིས་ནི་བསྒོམ་པར་བྱ། །བུད་མེད་ཐམས་ཅད་མཐོང་བ་ན། །ལན་གསུམ་དུ་ནི་བསྐོར་ནས་ཀྱང་། །སྤྱི་བོར་ཕྱག་ནི་བྱས་ནས་སུ། །ལན་གསུམ་བར་དུ་གསོལ་བ་གདབ། །
D492.086.0088a02.01བདག་ནི་མ་ཁྱོད་བུ་ཡིན་ཏེ། །ཇི་སྲིད་བྱང་ཆུབ་ཐོབ་པར་འགྱུར། །བྱང་ཆུབ་ཡན་ལག་ནུ་མ་ལས། །བྱུང་མ་རང་གི་འོ་མས་སྐྱོངས། །དེ་ནས་སྦྱོར་ལྡན་རབ་དགེ་བའི། །དབང་བསྐུར་བ་ནི་སྦྱིན་པར་བྱ། །གསེར་ལ་སོགས་པའི་བུམ་པ་རུ། །དྲི་ཡི་ཆུས་ནི་ཡོངས་བཀང་ལ། །
D492.086.0088a03.01དར་དང་རས་སོགས་ཀྱིས་གཡོགས་ཏེ། །མེ་ཏོག་ཆུན་པོས་མགུལ་བརྒྱན་ནས། །རིན་ཆེན་སྨན་གྱིས་རབ་བཀང་བའི། །གཅིག་ལྷག་བཅུ་དྲུག་བཟང་པོ་ལ། །མ་མོའི་སྙིང་པོ་ཉིད་ཀྱིས་ནི། །བརྒྱ་རྩ་བརྒྱད་དུ་བཟླས་པ་ཡིས། །སྔགས་ཤེས་པས་ནི་དབང་བསྐུར་རོ། །
D492.086.0088a04.01སློབ་མ་ཞི་བ་བཟང་པོ་ཡིས། །ཐོག་མར་ཞུ་བ་བྱས་ནས་ཀྱང་། །ཞབས་གཉིས་ལ་ནི་མགོས་བཏུད་ནས། །བདག་ནི་ཆེ་གེ་མོ་རྡོ་རྗེ། །བྱང་ཆུབ་སེམས་ནི་རྣམ་བསྒོམས་པའོ། །སློབ་དཔོན་ཞབས་ཀྱི་ཆུ་སྐྱེས་ལ། །དབང་བསྐུར་ཕྱིར་ནི་ཞུ་བ་བགྱིད། །སྐལ་བ་ཆེན་པོ་བདག་
D492.086.0088a05.01ལ་སྩོལ། །སློབ་དཔོན་མཆོག་ཏུ་རྨད་བྱུང་བ། །དབང་བསྐུར་རྒྱལ་བ་ཐམས་ཅད་ཀྱིས། །སངས་རྒྱས་བྱང་ཆུབ་རབ་སྒྲུབ་པ། །དེས་ནི་བདག་གི་སེམས་ཅན་རྣམས། །དོན་གྱི་དམ་པ་བདག་གིས་བགྱི། །སངས་རྒྱས་ཀུན་གྱིས་དོན་བགྱིད་པ། །བརྟུལ་ཞུགས་བཟང་
D492.086.0088a06.01པོ་ཁྱོད་ཀྱི་དྲིན། །དེ་ནས་དབང་བསྐྲུར་སྦྱོར་བ་ཡིས། །རྡོ་རྗེ་སེམས་དཔའི་གོ་འཕང་གནས། །སློབ་མས་ཡེ་ཤེས་རྡོ་རྗེ་ཡི། །གོ་འཕང་ལ་ནི་བཞག་ནས་སུ། །བུམ་པ་བཟང་པོ་གཅིག་གམ་ནི། །ཡང་ན་བཅུ་དྲུག་དག་གམ་ནི། །ལྔའམ་ཡང་ན་བཅུ་ཡིས་ནི། །དཀྱིལ་འཁོར་
D492.086.0088a07.01