完整藏文原文 · 德格版页 当前仅加载第 86 函德格 89a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་དགའ་བའི་བདེ་ཆེན་དང་། །བཟའ་བཏུང་བཅའ་བ་ལ་སོགས་པའི། །རྣམ་པ་དུ་མ་ཐམས་ཅད་ཀྱིས། །མཆོད་ནས་གཤེགས་སུ་གསོལ་བར་བྱ། །སེམས་ཅན་ཀུན་གྱི་དོན་དང་ནི། །བདག་གི་ཡང་ནི་ཆེད་ཆེར་མཛད། །བདེ་གཤེགས་གང་དུ་གཤེགས་
D492.086.0089a01.01པ་དེར། །མ་མོ་ཐམས་ཅད་གཤེགས་སུ་གསོལ། །ཤེས་རབ་ལྡན་པས་ཡོན་ཕུལ་ཏེ། །སློབ་མའི་མཆོག་དང་བཅས་པ་ཡིས། །གར་བྱས་ལག་པ་མགོར་བཞག་སྟེ། །རིམ་གྱིས་འགྱེད་དང་འདུད་པར་བྱ། །དེ་ནས་བཟང་མོ་རྣམས་མཉེས་ཏེ། །ཐམས་ཅད་སྒྲུབ་
D492.086.0089a02.01པར་བྱེད་པའི་མཆོག །བདག་གིས་སྐལ་བཟང་སྩལ་ནས་ཀྱང་། །རང་གི་སྲས་ཀྱི་གནས་སུ་གཤེགས། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་ཡེ་ཤེས་ཡུམ་ཆེན་མོ་རྣམས་ཀྱི་ཕྱག་རྒྱ་ཡེ་ཤེས་ཀྱི་དཀྱིལ་འཁོར་ཡོངས་སུ་རྫོགས་སོ།། །།
D492.086.0089a03.01དེ་ནས་དེ་བཞིན་གཤེགས་པ་ཐམས་ཅད་ཀྱི་གསང་བའི་ཡུམ་བཅོམ་ལྡན་འདས་མ་རྣམས་ཀྱིས་ཡང་གསང་བ་འདུས་པ་ལས་བྱུང་བ་རང་རང་གི་སྒྲུབ་པའི་ཐབས་རྒྱས་པ་བཅོམ་ལྡན་འདས་ལ་འདི་སྐད་ཅེས་ཞུས་སོ། །ཤེས་རབ་ཡེ་ཤེས་མཆོག་སྒྲུབ་པའི། །སེམས་དཔའ་ཆེན་པོས་
D492.086.0089a04.01གསུང་དུ་གསོལ། །ཐབས་ཀྱིས་སེམས་ཅན་ཐམས་ཅད་ཀུན། །སངས་རྒྱས་བྱང་ཆུབ་འབྲས་ཐོབ་པ། །རྡོ་རྗེ་ཡེ་ཤེས་མཆོག་གྱུར་པ། །རྡོ་རྗེའི་སྐུ་སྟེ་རྡོ་རྗེ་མཆོག །དངོས་གྲུབ་ཀུན་གྱི་བདེ་སྟེར་བ། །རྡོ་རྗེ་ཆེན་པོས་གསུང་དུ་གསོལ། །ཐུགས་ཀྱི་རིན་ཆེན་ལྡན་པའི་
D492.086.0089a05.01མཆོག །གཟི་བརྗིད་རྡོ་རྗེ་སྣང་བ་ཅན། །སེམས་ཅན་རྣམས་ཀྱི་རྫུ་འཕྲུལ་དང་། །འགྲུབ་པའི་ཡོན་ཏན་འབྱུང་གནས་གསུངས། །སངས་རྒྱས་ཀུན་གྱི་རྣལ་འབྱོར་ཆེ། །རྣལ་འབྱོར་ཆེན་པོ་དབང་ཕྱུག་ཆེ། །དཔའ་བོའི་སྦྱོར་བས་གར་གནས་པའི། །དཔའ་བོ་ཆེན་པོས་
D492.086.0089a06.01བཤད་དུ་གསོལ། །ལས་ཀུན་གྱི་ནི་འབྲས་བརྙེས་པས། །སྣ་ཚོགས་མཁྱེན་པ་དབང་ཕྱུག་ཆེ། །སེམས་ཅན་རྣམས་ཀྱི་ཡབ་ཆེན་པོ། །སྣ་ཚོགས་དམ་པ་བཤད་དུ་གསོལ། །ཞེས་བྱ་བས་སོ། །དེ་ནས་བཅོམ་ལྡན་རྟག་པའི་རྒྱལ། །དམ་པའི་དབང་ཕྱུག་ཀུན་མཁྱེན་
D492.086.0089a07.01