完整藏文原文 · 德格版页 当前仅加载第 86 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
དམར་པོའི་རང་བཞིན་འབར་དག་པ། །བསྒྲུབ་བྱའི་སེམས་ལ་འཕྲོ་བར་བྱ། །སླར་ཡང་སྡུད་པའི་སྦྱོར་བ་ཡིས། །རང་གི་ལུས་ལ་གཞུག་པར་བྱ། །འཁོར་ལོས་སྒྱུར་བ་ལྟ་བུ་ཡང་། །དེ་ནི་ཅི་ནས་དབང་དུ་འགྲོ། །ལས་ཀྱི་དཀྱིལ་འཁོར་དབུས་གནས་པར། །སྣ་ཚོགས་རྡོ་རྗེ་
D492.086.0092b01.01བསྒོམ་པར་བྱ། །དེ་ཡི་དབུས་སུ་ཡི་གེ་ནི། །མ་རྒད་འོད་འདྲ་བསྒོམ་པར་བྱ། །འོད་ཟེར་སྤྲིན་གྱིས་ཡང་དག་འཁྲུགས། །མཁས་པ་ཡིས་ནི་སྙིང་གར་བསམ། །བསྒྲུབ་བྱ་ལ་ནི་སྙིང་པོའི་འོད། །བསྟིམས་པའི་སྐད་ཅིག་དེ་ལ་འབབ། །རྡོ་རྗེ་གར་གྱིས་གར་བྱེད་ཅིང་། །
D492.086.0092b02.01ཕྱག་རྒྱ་སྦྱོར་བའི་རྣལ་འབྱོར་དང་། །རྡོ་རྗེ་རྣལ་འབྱོར་མ་སྦྱོར་བའི། །ཕྱག་རྒྱས་ཐམས་ཅད་སྟོན་པར་འགྱུར། །འདས་དང་མ་འོངས་ཅི་འདོད་པ། །ལྕེ་བརྐྱང་བས་ནི་སྨྲ་བར་བྱེད། །འདོད་དང་མི་འདོད་དགེ་མི་དགེ། །རྡོ་རྗེའི་ངག་གིས་སྨྲ་བར་འགྱུར། །ཡང་ན་ལེགས་
D492.086.0092b03.01པར་སྦྱོར་བའམ། །གྲོང་གིའམ་ཐ་མལ་སྐད་དག་གིས། །འདོད་དང་མི་འདོད་དགེ་མི་དགེ། །འཚོ་བའམ་ནི་འཆི་བ་དང་། །ཉམས་དང་མི་ཉམས་རང་བཞིན་གྱི། །དེ་དག་ཐམས་ཅད་དེ་ཡིས་སྨྲ། །དེ་ལས་གཞན་དུ་དེ་མི་སྨྲ། །འདི་ནི་བཅོམ་ལྡན་རྡོ་རྗེ་ཅན། །དབང་
D492.086.0092b04.01བདག་རྡོ་རྗེའི་དབྱངས་ཀྱིས་གསུངས། །ཁྲོས་ཏེ་ལྕེ་རྩེར་བསྒོམས་ནས་སུ། །ལྷ་མོ་ཡི་ནི་སྙིང་པོའི་མཆོག །ལྕགས་ཀྱུའི་རྣམ་པ་སྤྲོས་ནས་སུ། །ཕྱག་རྒྱ་དང་ནི་ཕྱག་རྒྱའི་ལན། །རླུང་ལ་བཞག་སྟེ་སྐད་ཅིག་ལ། །ཁྲག་རྣམས་ཐམས་ཅད་དགུག་པར་བྱ། །ཆར་
D492.086.0092b05.01རྒྱུན་འབབ་པའི་སྦྱོར་བ་ཡིས། །རང་གི་ཁ་རུ་དབབ་པར་བྱ། །དེ་ནི་འཐུངས་པས་སྔགས་ཤེས་ཏེ། །མངའ་བདག་རྡོ་རྗེ་འཛིན་པར་འགྱུར། །ནམ་མཁའ་ཀུན་ཏུ་སྤྱོད་དཔལ་ལྡན། །ཉི་མའི་སྣང་བ་ལྟ་བུར་འགྱུར། །འདི་ཉིད་ཀྱི་ནི་རྣལ་འབྱོར་གྱིས། །འོ་མ་ཞོ་དང་མར་བཟང་པོ། །
D492.086.0092b06.01མར་ཁུ་ཆུ་དང་མེ་ཏོག་ཀུན། །རླུང་གིས་དགུག་པ་ཉིད་དུ་བྱ། །ཞགས་པས་མགྲིན་པ་བཅིངས་བྱས་ཏེ། །ལྕགས་ཀྱུ་ཡིས་ནི་སྙིང་ག་ནས། །རླུང་གིས་ཀུན་ནས་བཏེག་ནས་སུ། །ལྷ་མོ་དེ་བཞིན་གནོད་སྦྱིན་མོ། །མི་མོ་དེ་བཞིན་ལྷ་མིན་མོ། །བརྒྱད་བརྒྱ་ཁོ་ན་བཟླས་པ་
D492.086.0092b07.01