完整藏文原文 · 德格版页 当前仅加载第 86 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་པ། །སེམས་ཅན་ཀུན་མཆོག་ལས་ཀྱི་མཆོག །སངས་རྒྱས་མཆོག་གཙོ་མངའ་བདག་ཆེ། །ཞེས་སོ། །དེ་ནས་བཅོམ་ལྡན་འདས་ཀུན་ཏུ་བཟང་པོ་ཡང་འཕགས་པ་སྤྱན་རས་གཟིགས་དབང་ཕྱུག་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་
D492.086.0112b01.01དག་ཐམས་ཅད་ལ་ཡང་དང་ཡང་དུ་གཟིགས་ཏེ། སེམས་ཅན་ཐམས་ཅད་བརྩོན་འགྲུས་ཞན་པ་སྤོབས་པ་དམན་པ་ལ་མོས་པར་གཟིགས་ནས་དེ་རྣམས་ལ་བཀའ་བསྒོ་བ། དབང་པོའི་མ་མོ་རྣམས་ཀྱིས་ཤོད། །རང་རང་གི་ནི་སྒྲུབ་སྣ་ཚོགས། །དེ་ནས་དེ་རྣམས་ལེགས་
D492.086.0112b02.01ཚིམ་ནས། །རྡོ་རྗེ་ཅན་ལ་གསོལ་བ་ནི། །ཉི་མའི་དཀྱིལ་འཁོར་དབུས་གནས་པར། །རྡོ་རྗེ་དཀྱིལ་འཁོར་བསྒོམ་པར་བྱ། །དེ་ཡི་སྟེང་དུ་རྡོ་རྗེ་ཆེ། །རྡོ་རྗེ་ལ་ནི་དང་པོ་མཆོག །ཉི་མ་གསེར་མདོག་དང་མཚུངས་པར། །གསང་སྔགས་ཤེས་པས་དེ་བསྒོམ་བྱ། །རང་གི་
D492.086.0112b03.01ལུས་ལས་སྤྲོས་ནས་སུ། །རང་གི་རྣམ་པར་བསམ་པར་བྱ། །དེ་ནས་སྔགས་བདག་འགྲུབ་པར་འགྱུར། །སྔགས་ཀྱི་དེ་ཉིད་བདག་པོ་ཆེར། །ཀུན་ཏུ་འགྲོ་བ་སྣ་ཚོགས་ཆེ། །རྡོ་རྗེ་སེམས་དཔའ་འདྲ་བ་གཞན། །གཉིས་པའི་དེ་ཉིད་བསྒོམ་པ་ནི། །དཀྱིལ་འཁོར་པདྨ་ལས་བྱུང་
D492.086.0112b04.01བ། །དམར་པོའི་གོས་ལ་གཟི་བརྗིད་ཆེ། །འབར་བ་དག་ནི་མེ་དང་མཚུངས། །རང་ལས་སྤྲོ་བྱ་ཐམས་ཅད་དུ། །འཇིག་རྟེན་དབང་ཕྱུག་ལྟ་བུར་འགྱུར། །དཀྱིལ་འཁོར་དབང་ཆེན་གཞག་པར་བྱ། །དཀྱིལ་འཁོར་ལ་ནི་ཆེར་དགེ་མ། །དང་པོའི་ལྷ་མོ་དྲོད་དང་ལྡན། །
D492.086.0112b05.01རང་གི་ལུས་ལ་ངེས་པར་ཁྱབ། །བསྡུས་ནས་བདག་དང་འདྲ་བའི་བདག །ཡིད་བཞིན་ནོར་བུའི་སྣང་བར་འགྱུར། །རླུང་གི་དཀྱིལ་འཁོར་དབུས་སོན་པར། །འགྲོ་བའི་སྒོ་གཏན་ལྷ་མོ་ནི། །རང་ལུས་ལུས་ལྡན་ཐམས་ཅད་དུ། །ལྗང་གུ་དང་ནི་ལྗང་སེར་མ། །ལས་ཀུན་སྒྲུབ་པའི་
D492.086.0112b06.01དམ་པ་ཡིས། །རྡོ་རྗེ་འཛིན་པ་དཔལ་ལྡན་འགྱུར། །མ་མོ་བཞི་དང་ཡང་དག་ལྡན། །ཤེས་རབ་ཡེ་ཤེས་དམ་པ་གནས། །དཀྱིལ་འཁོར་ཀུན་གྱི་དམ་པ་རུ། །མཁས་པ་ཡིས་ནི་བསྒོམ་པར་བྱ། །ཀུན་གྱི་བདག་པོ་དཔལ་དང་ལྡན། །ཀུན་བཟང་མངའ་བདག་ཆེན་པོར་འགྱུར། །
D492.086.0112b07.01