完整藏文原文 · 德格版页 当前仅加载第 88 函德格 7b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། བོ་དྷི་མཎྜ་སྱ་ཡཀྵཱ་ལངྐཱ་ར་ནཱ་མ་དྷཱ་ར་ཎཱི། རྒྱ་ནག་སྐད་དུ། ཕུ་ཐི་ཋ་དྲ་ཨཱི་ཊཱ་ང་ཡནྲ་ཐོ་ལོ་ནི། བོད་སྐད་དུ། བྱང་ཆུབ་སྙིང་པོའི་
D508.088.0007b03.01རྒྱན་འབུམ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་ཝཱ་རཱ་ཎ་སཱིའི་གྲོང་ཁྱེར་ཆེན་པོའི་སྐྱེད་མོས་ཚལ་རྒྱ་ཆེན་པོ་ན། དགེ་སློང་གི་དགེ་འདུན་ཆེན་པོ་ལྔ་སྟོང་
D508.088.0007b04.01ཐམས་ཅད་ཀྱང་དགྲ་བཅོམ་པ། ཟག་པ་ཟད་པ། བྱ་བ་བྱས་པ། བྱེད་པ་བྱས་པ། ཁུར་བོར་བ། རང་གི་དོན་རྗེས་སུ་ཐོབ་པ། སྲིད་པར་ཀུན་ཏུ་སྦྱོར་བ་ཡོངས་སུ་ཟད་པ་ཤ་སྟག་དང་། བྱང་ཆུབ་སེམས་དཔའ་སེམས་དཔའ་ཆེན་པོའི་ཚོགས་ལྔ་བརྒྱ་བཅས་དང་ཐབས་ཅིག་ཏུ་བཞུགས་
D508.088.0007b05.01སོ། །དེའི་ཚེ་བཅོམ་ལྡན་འདས་ཀྱིས་དཀར་པོའི་ཕྱོགས་ཀྱི་ཟླ་བ་ཉ་བས་ཚེས་པའི་དུས་གཅིག་ན་འཁོར་རྣམ་པ་བཞི་ལ་ཆོས་སྟོན་ཅིང་མཆོག་ཏུ་དགའ་བས་ཚིམ་པར་བྱས་སོ། །ཡང་འཁོར་དེར་སེམས་ཅན་ཚད་མེད་པ་བྱེ་བ་ཁྲག་ཁྲིག་བརྒྱ་སྟོང་མང་པོ་འདུས་པ་འདི་ལྟ་སྟེ། རྒྱལ་རིགས་
D508.088.0007b06.01དང་། བྲམ་ཟེའི་རིགས་དང་། རིག་བྱེད་སྨྲ་བ་རྣམས་དང་། གཅེར་བུ་པ་དང་། ཡ་མཚན་ཅན་གཞན་དག་རྟོག་གེ་པ་མང་པོ་དང་། སྒྱུ་རྩལ་ཤེས་རིགས་དང་། དུར་ཁྲོད་པ་དང་། ཚེམ་བུ་པ་དང་། གླང་རུའི་བརྟུལ་ཞུགས་ཅན་དང་། རི་སུལ་ན་གནས་པའི་བརྟུལ་ཞུགས་ཅན་དང་།
D508.088.0007b07.01