完整藏文原文 · 德格版页 当前仅加载第 88 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
ཚུལ་འདི་ནི་བཅོམ་ལྡན་འདས་ལ་གསོལ་བར་རིགས་སོ། །བཅོམ་ལྡན་འདས་ཀྱིས་ཚུལ་འདི་མ་ལུས་པར་མཁྱེན་ཏོ། །དེ་ནས་གསང་བའི་བདག་པོ་ཕྱག་ན་རྡོ་རྗེས་བཅོམ་ལྡན་འདས་ཀྱི་གན་དུ་ཕྱིན་ནས་བཅོམ་ལྡན་འདས་ལ་བསྐོར་བ་ལན་གསུམ་བྱས་ཏེ་འདི་སྐད་ཅེས་གསོལ་ཏོ། །
D508.088.0017b01.01བཅོམ་ལྡན་འདས་ཚུལ་ཇི་ལྟ་བུར་བྱང་ཆུབ་རྒྱན་འབུམ་གྱི་གཟུངས་འདི་ལ་བརྟེན་ནས་དགེ་བའི་རྩ་བ་ཐམས་ཅད་བསྐྲུན་པར་མཛད་བསྐྱེད་པར་མཛད། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་ཁྱོད་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག །ལག་ན་རྡོ་རྗེ་གཟུངས་
D508.088.0017b02.01འདི་ལ་བརྟེན་ནས་དགེ་བའི་རྩ་བ་ཐམས་ཅད་བསྐྲུན་པ་དང་སྐྱེད་པར་བྱེད་པའི་ཐབས་ངས་ཁྱོད་ལ་བཤད་དོ། །འདི་ལྟ་སྟེ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། གཞན་ཡང་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་གིས།
D508.088.0017b03.01ལུས་དང་ཡན་ལག་བཀྲུས་ཤིང་གོས་གསར་གཙང་མ་གོན་ཏེ། བ་ལྕི་དང་དྲི་བཟང་བསྲེས་པའི་ས་གཙང་གིས་མཎྜལ་གྲུ་བཞི་པ་བྱས་ལ། བ་བྱུང་ལྔ་དང་དྲི་བཟང་གི་ཆུས་ལེགས་པར་ཆག་ཆག་གདབ། མེ་ཏོག་ལེགས་པར་བཀྲམ་ཞིང་མཆོད་པ་ཡང་བཤམ། གཟུངས་འདིས་བྱིན་གྱིས་
D508.088.0017b04.01བརླབས་པའི་ཆུས་སངས་རྒྱས་ཀྱི་སྐུ་གཟུགས་ལ་ཁྲུས་བྱ། དེ་བཞིན་དུ་གཟུངས་འདིས་བྱིན་གྱིས་བརླབས་པའི་ཙནྡན་དཀར་པོའི་ཕྱེ་མ་སྦྱར་བའི་གུར་གུམ་གྱིས་བྱུག །དེ་ནས་ཅི་འབྱོར་པའི་མཆོད་པ་འབུལ་ཞིང་བསྐོར་བ་དང་ཕྱག་བྱས་ནས་སྐུ་གཟུགས་ཀྱི་སྤྱན་སྔར་འདུག་ལ་གཟུངས་སྔགས་ལན་
D508.088.0017b05.01ཅིག་བརྗོད་ཅིང་མར་མེ་གཅིག་བུད་པར་བྱའོ། །ལག་ན་རྡོ་རྗེ་དགེ་བའི་རྩ་བ་བསྐྲུན་པ་དང་བསྐྱེད་པའི་ངས་དཔེ་གཅིག་སྟོན་གྱིས་ཉོན་ཅིག །དཔེར་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་གནས་པའི་ཀླུའི་རྒྱལ་པོ་ཆེན་པོ་ཐམས་ཅད་ཀྱིས་སོ་སོ་ནས་ཆར་གྱི་ཐིགས་པ་རྡུལ་ཕྲ་རབ་ཙམ་
D508.088.0017b06.01པའི་ཆར་ཆེན་པོ་འབེབས་པར་བྱས་ཏེ། དེ་ལ་མི་རྫུ་འཕྲུལ་གྱི་སྟོབས་ཆེན་པོ་དང་ལྡན་པ་ཞིག་ཡོད་ལ། མི་དེས་ཆར་དེའི་ཐིགས་པ་རེ་རེ་ནས་བགྲངས་པས་དེའི་གྲངས་དང་ཚད་རྟོགས་ནུས་ཀྱིས། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མའམ།
D508.088.0017b07.01