完整藏文原文 · 德格版页 当前仅加载第 88 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སྙིང་པོ་ལ་བཞུགས་ཤིང་ཆོས་ཀྱི་འཁོར་ལོ་བསྐོར་བར་གྱུར་པའི་བར་རྣམ་པ་ཐམས་ཅད་དུ་བསྲུང་བ་དང་བསྐྱབ་པར་བགྱིད་དོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་དང་། གསང་བའི་བདག་པོ་ཕྱག་ན་རྡོ་རྗེ་དང་
D508.088.0020a01.01རྒྱལ་པོ་ཆེན་པོ་སྡེ་བཞི་ལ་ལེགས་སོ་ཞེས་བྱ་བ་བྱིན་ནས་ལེགས་སོ་ལེགས་སོ། །ཁྱོད་ཅག་གིས་དམ་བཅས་པ་དེ་བཞིན་དུ་བྱོས་ཤིག །དེ་ནས་བཅོམ་ལྡན་འདས་ཀྱིས་འཁོར་འདུས་པ་ཆེན་པོ་ལ་ཐུན་མོང་དུ་བཀའ་སྩལ་པ། གཟུངས་སྔགས་འདི་ནི་ལས་ཐམས་ཅད་གྲུབ་པར་བྱེད་པ། དངོས་
D508.088.0020a02.01གྲུབ་ཐམས་ཅད་སྟེར་བ། སྡིག་པ་དང་སྒྲིབ་པ་ཐམས་ཅད་ཞི་བར་མཛད་པ། དོན་ཐམས་ཅད་ཐོགས་པ་མེད་པར་འགྲུབ་པར་མཛད་པ་སྟེ། ལུས་དག་པར་བཀྲུས་ལ་གོས་གསར་གཙང་མ་གོན་ནས་ཉིན་རེ་བཞིན་བརྒྱ་རྩ་བརྒྱད་བཟླས་བརྗོད་བྱེད་ན། དེ་བཞིན་གཤེགས་པ་ཐམས་ཅད་ཀྱི་
D508.088.0020a03.01ཞལ་མཐོང་བར་འགྱུར་རོ། །ཚེ་ལོ་བརྒྱ་ཐུབ་པར་འགྱུར་རོ། །ནད་ཐམས་ཅད་རིང་དུ་སྤང་བར་འགྱུར་རོ། །འཕགས་པའི་ས་ལ་གནས་པ་ཐམས་ཅད་ཀྱིས་སྐྱོབ་པར་འགྱུར་རོ། །གསང་བའི་བདག་པོ་ལག་ན་རྡོ་རྗེ་དང་རྒྱལ་པོ་ཆེན་པོ་སྡེ་བཞི་འཁོར་དང་བཅས་པས་རྟག་ཏུ་བསྲུང་ཞིང་སྐྱོང་བ་དང་
D508.088.0020a04.01སྦ་བར་ཡང་བྱེད་དོ། །འདི་ནས་ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །སྐྱེ་ཞིང་སྐྱེ་བར་རིན་པོ་ཆེའི་པདྨ་ལས་རྫུས་ཏེ་སྐྱེ་བར་འགྱུར་ཞིང་། མངལ་གྱི་སྐྱེ་གནས་ཡོངས་སུ་སྤང་བ་ཡིན་ནོ། །སྐྱེ་བ་ཐམས་ཅད་དུ་ཚེ་རབས་དྲན་པར་འགྱུར་རོ། །ལན་ཉི་ཤུ་རྩ་
D508.088.0020a05.01གཅིག་བཟླས་ན་དམྱལ་བར་ལྟུང་ངེས་ཀྱི་སྡིག་པའི་ལས་ཐམས་ཅད་ཡོངས་སུ་བྱང་བར་འགྱུར་རོ། །ནམ་ཡང་ངན་སོང་དུ་ལྷུང་བར་མི་འགྱུར་རོ། །དགྲ་ཐམས་ཅད་དབང་དུ་འགྱུར་རོ། །ལན་བདུན་བཟླས་ན་རྩོད་པ་ལས་རྒྱལ་བར་འགྱུར་རོ། །དཀར་པོའི་ཕྱོགས་ཀྱི་ཚེས་བཅོ་ལྔ་ལ་ཉིན་མཚན་
D508.088.0020a06.01ཐོག་ཐག་གཅིག་ཏུ་སྨྱུང་བར་གནས་ཤིང་། ཁྲུས་བྱས་ལ་གོས་གསར་གཙང་མ་གྱོན་ནས་སྐུ་གཟུགས་ཀྱི་མདུན་དུ་སྐྱིལ་མོ་ཀྲུང་བཅས་ཏེ་འདུག་ལ། མེ་ཏོག་དང་། བདུག་སྤོས་དང་། མར་མེ་ལ་སོགས་པས་མཆོད་ནས། བྱང་ཆུབ་སྙིང་པོའི་རྒྱན་འབུམ་གྱི་གཟུངས་འདི་ལན་སྟོང་དུ་
D508.088.0020a07.01