完整藏文原文 · 德格版页 当前仅加载第 88 函德格 9b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ལན་བཏབ་པ། དེ་བཞིན་གཤེགས་པ་དེ་དུས་སྐབས་ད་ལྟ་ན་ལྔ་ལེན་གྱི་ལྗོངས་ན་བཞུགས་ཟེར་རོ། །སླར་དྲིས་པ། བཞིན་བཟང་དག་དེ་བཞིན་གཤེགས་པ་དེ་དང་མཇལ་བའི་ཐབས་བསྟན་དུ་གསོལ། སྨྲས་པ། ཁྱེད་ཅག་སླར་ལོག་ལ། དབེན་ཞིང་གཙང་བའི་གནས་ཤིག་
D508.088.0009b01.01བཙལ་ཏེ་ས་ཕྱོགས་དེར་བ་ལྕི་བསྲེས་པའི་ས་གཙང་གི་དཀྱིལ་འཁོར་གྲུ་བཞི་མཐའ་ལོགས་ཆ་མཉམ་པ་བཞེངས། སྤོས་འདམ་དང་བ་བྱུང་ལྔས་བྱུག་ལ། མེ་ཏོག་སྣ་ཚོགས་གཅལ་དུ་བཀྲམ་ནས་བདུག་པའི་སྤོས་ཕོར་བཞི་དང་། དྲི་བཟང་གི་ཆབ་ཀྱི་བུམ་པ་བཞི་དང་། ཞལ་ཟས་སྡེར་
D508.088.0009b02.01མ་བཞི་གཞག་པར་བྱའོ། །མར་མེ་བཞི་བུད་པར་བྱའོ། །དབུས་སུ་དྲི་བཟང་གི་ཆུས་གང་བའི་བུམ་པ་དམར་སེར་ཅིག་བཀོད་ལ། དེའི་ཁར་སོ་ཤིང་གཅིག་གཞག་པར་བྱའོ། །དེ་ནས་དེ་བཞིན་གཤེགས་པ་དེ་ལ་མངོན་པར་དད་པས་དམིགས་ཏེ། བཅོམ་ལྡན་འདས་བདག་ཅག་རྣམས་
D508.088.0009b03.01ལ་ཐུགས་བརྩེ་བའི་སླད་དུ། སང་ཉིན་བསོད་སྙོམས་ཀྱི་དུས་ལ་བབ་པ་ན་གནས་འདི་ཉིད་དུ་གཤེགས་པར་ཅི་གནང་ཞེས་གསོལ་བ་གདབ་པར་བྱའོ། །དེ་བཞིན་གཤེགས་པ་དེ་ནི་འདས་པ་དང་། མ་འོངས་པ་དང་། ད་ལྟར་བྱུང་བའི་སེམས་ཅན་ཐམས་ཅད་ཀྱི་བསམ་པ་དང་། མོས་པ་
D508.088.0009b04.01དང་། བྱ་བ་སྤྱོད་པ་ཇི་ལྟ་ཇི་སྙེད་ཐམས་ཅད་ཡོངས་སུ་མཁྱེན་ཅིང་གཟིགས་པ་སྟེ། སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོའི་སྐྱེ་གནས་སུ་ལྟུང་བ་རྣམས་ཀྱང་ཐབས་མཁས་པས་ཐར་བར་མཛད། ཕན་པ་དང་བདེ་བའི་ཐབས་སྟོན་པར་འགྱུར་རོ། །དེ་ལྟར་བྱས་པས་དེ་
D508.088.0009b05.01བཞིན་གཤེགས་པ་དེས་མངོན་པར་མཁྱེན་ཅིང་གཟིགས་ནས། རྫུ་འཕྲུལ་ཐོགས་པ་མེད་པའི་སྟོབས་ཀྱིས་འཁོར་དང་བཅས་པ་ཁྱེད་ཅག་གི་བསྟི་གནས་སུ་འབྱོན་པར་འགྱུར་རོ། །དེ་སྐད་ཅེས་སྨྲས་པ་དང་། སྐྱེ་བོ་དེ་རྣམས་ཀྱིས་ཐོས་པ་ཇི་ལྟ་བ་བཞིན་བློ་ལ་བཟུང་ནས་སླར་ལོག་སྟེ་འདུ་འཛིས་
D508.088.0009b06.01དབེན་ཞིང་གཙང་ལ་མཐོ་ཞིང་ངོས་ཡངས་པའི་གནས་ཤིག་བཙལ་ནས། བ་ལྕི་བསྲེས་པའི་ས་གཙང་གི་དཀྱིལ་འཁོར་བཤམས་ཏེ། མེ་ཏོག་སྣ་ཚོགས་བཀྲམ། དཀྱིལ་འཁོར་གྱི་རྒྱན་བུམ་པ་བཟང་པོ་དང་བཟའ་བཏུང་གཙང་མ་སྣ་ཚོགས་དང་བྱུག་པ་དང་བདུག་སྤོས་དང་མར་མེ་རྣམས་
D508.088.0009b07.01