完整藏文原文 · 德格版页 当前仅加载第 88 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བཅོམ་ལྡན་འདས་ཀྱིས་བཀའ་སྩལ་པ། བུམ་པ་སོ་ཤིང་དང་བཅས་པ་འདི་པ་ཐ་རིའི་གྲོང་ཁྱེར་ཆེན་པོ་ནས་འོངས་པ་སྟེ་ས་ཕྱོགས་དེ་རང་སྤྱན་འདྲེན་པའི་ཕྱིར་རོ། །རྣམ་དག་དམ་པའི་བློ་གྲོས་ཁྱོད་འཁོར་རྣམས་ལ་འདི་སྐད་དུ། ངའི་ཕྱག་ཕྱིར་བསོད་སྙོམས་ལ་འགྲོ་བར་འདོད་པ་རྣམས་
D508.088.0011b01.01ཚུལ་ཤིང་ལོངས་ཤིག་ཅེས་འགྲེམས་ཤིག །སང་སྔ་བར་པ་ཐ་རིའི་གྲོང་ཁྱེར་ཆེན་པོར་རྫུ་འཕྲུལ་གྱིས་འགྲོའོ་ཞེས་གསུངས་སོ། །དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་དག་དམ་པའི་བློ་གྲོས་ཀྱིས་ཚུལ་ཤིང་བཟུང་ནས་འདུས་པའི་འཁོར་
D508.088.0011b02.01བྱང་ཆུབ་སེམས་དཔའ་དང་ཉན་ཐོས་ཀྱི་ཚོགས་ཐམས་ཅད་ལ་བྲིམ་ཞིང་། རྫུ་འཕྲུལ་ཆེན་པོ་དང་ལྡན་པས་རྫུ་འཕྲུལ་གྱི་ཡུལ་ལ་འཇུག་ནུས་པ་རྣམས་ཚུལ་ཤིང་ལོངས་ཤིག་བཅོམ་ལྡན་འདས་ཀྱིས་སང་སྔ་བར་པ་ཐ་རིའི་གྲོང་ཁྱེར་ཆེན་པོར་བསོད་སྙོམས་ལ་ཆའོ། །བྱང་ཆུབ་སེམས་དཔའ་
D508.088.0011b03.01རྣམ་དག་དམ་པའི་བློ་གྲོས་ཀྱིས་དེ་ལྟར་ཚུལ་ཤིང་བྲི་མས་ཚར་ནས་སླར་བཅོམ་ལྡན་འདས་ལ་གསོལ་ཞིང་བཅོམ་ལྡན་འདས་གདན་འདྲེན་པར་བསྐུལ་ཏོ། །དེ་ནས་དེའི་སང་ཞོགས་སྔ་བར་དེ་བཞིན་གཤེགས་པ་འོད་ཟེར་དམ་པའི་རྒྱལ་མཚན་གྱིས་ཆོས་གོས་གསུམ་ལེགས་པར་གསོལ་ནས། དཔལ་
D508.088.0011b04.01དང་གཟི་བརྗིད་ཀྱི་རྒྱན་མཆོག་ཏུ་འབར་ཞིང་། འདུས་པའི་འཁོར་མང་པོ་དང་བཅས་རྫུ་འཕྲུལ་ཆེན་པོ་རྣམ་པར་རོལ་བའི་སྟོབས་ཀྱིས་བར་སྣང་ལ་འཕགས་ཏེ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོའི་
D508.088.0011b05.01འཁོར་གྱི་ཚོགས་མང་བོས་རོལ་མོ་དང་སིལ་སྙན་སྣ་ཚོགས་དཀྲོལ་ཞིང་བདུག་སྤོས་དང་། མེ་ཏོག་དང་བྱུག་པ་དང་ཕྱེ་མ་ཕུར་མ་དང་ན་བཟའ་དང་རྒྱན་ལ་སོགས་པའི་མཆོད་པའི་བྱེ་བྲག་སྣ་ཚོགས་ཀྱིས་མཆོད་པས་ཡོངས་སུ་བསྐོར་བཞིན་པར་ནམ་མཁའི་ལམ་ནས་ཡུད་ཙམ་གཅིག་ལ་པ་ཐ་
D508.088.0011b06.01རིའི་གྲོང་ཁྱེར་ཆེན་པོར་ཕེབས་ཏེ། བཅོམ་ལྡན་འདས་ཀྱིས་སྤྲུལ་བའི་དཀྱིལ་འཁོར་ཆེན་པོའི་དབུས་སུ་པདྨའི་སྙིང་པོ་སེང་གེའི་ཁྲི་ལ་བཞུགས་སོ། །འཁོར་ཐམས་ཅད་ཀྱང་རང་རང་གི་སྤྲུལ་པའི་པདྨའི་ཁྱིམ་གྱི་ཐེག་པ་དང་བཅས་འདུས་ཏེ་འཁོད་པར་གྱུར་ཏོ། །དེ་ནས་པ་ཐ་རིའི་གྲོང་ཁྱེར་གྱི་སྐྱེ་
D508.088.0011b07.01