完整藏文原文 · 德格版页 当前仅加载第 88 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིར་རིན་པོ་ཆེ་སྣ་ཚོགས་ཀྱི་ཐེམ་སྐས་དང་ལམ་བཞི་ཡོད་པ། དཀྱིལ་ན་སོ་ཤིང་གནས་འགྱུར་བའི་རིན་པོ་ཆེའི་ལྗོན་ཤིང་སྲིད་དུ་དཔག་ཚད་བརྒྱད་ཡོད་ལ་ཆུ་ཞེང་གབ་པ། རྩ་བ་དང་སྡོང་པོ་དང་ཡལ་ག་དང་ལོ་འདབ་དང་མེ་ཏོག་དང་འབྲས་བུ་རྣམས་རིན་པོ་ཆེ་སྣ་བདུན་ལས་གྲུབ་པ། གནས་
D508.088.0010b01.01དེ་ཤིན་ཏུ་གཙང་ཞིང་ཐ་གྲུ་ཡངས་པ་ལོགས་བཞིའི་ངོས་རེ་ལ་དཔག་ཚད་བཅུ་གཉིས་རེ་ཡོད་པའི་དཀྱིལ་འཁོར་ངོ་མཚར་རྨད་དུ་བྱུང་བ། སྐྱེ་བོ་ཐམས་ཅད་ཀྱི་ཡིད་དུ་འོང་བ་བལྟ་ན་སྡུག་པ་ཕྱོགས་མཚམས་རྣམས་སུ་ཆུ་སྐྱེས་ཐང་སྐྱེས་ཀྱི་མེ་ཏོག་སྣ་ཚོགས་དང་། ཏ་མ་ལའི་ཤིང་དང་། ཙམྤ་ཀའི་
D508.088.0010b02.01ཤིང་དང་། ཀུ་ཤུའི་ཤིང་དང་། མྱ་ངན་མེད་དང་། ཨ་ཏི་མུཀྟ་ཀ་དང་། སུ་མ་ནཱ་དང་། ཀ་དམྤའི་ཤིང་དང་། ནྱ་གྲོ་དྷ་དང་ནྱ་གྲོ་དྷ་ཆེན་པོ་དང་། ག་བུར་གྱི་ཤིང་དང་། སེ་རྒོད་ཚེར་མ་ཅན་གྱི་ཤིང་དང་། ཤུག་པ་དང་། ཡུ་ཏི་ཀ་དང་ཏིནྟུ་ཀའི་ཤིང་ལ་སོགས་པའི་ལྗོན་པའི་ཕྲེང་བས་བརྒྱན་
D508.088.0010b03.01པ། དེ་རྣམས་ཀྱི་སྟེང་ན་ནེ་ཙོ་དང་རྨ་བྱ་དང་ཀ་ལ་པིངྐ་དང་ཤང་ཤང་ཏེའུ་ལ་སོགས་པ་བཀྲ་ཤིས་པའི་བྱ་སྣ་ཚོགས་གསེར་གྱི་མཆུ་དང་གསེར་གྱི་གཙུག་ཕུད་ཅན། སྤུ་དང་གཤོག་སྒྲོ་ཐམས་ཅད་རིན་པོ་ཆེ་སྣ་བདུན་ལས་གྲུབ་པ། སྙན་ཅིང་འཇེབས་པའི་སྐད་སྣ་མང་པོ་སྒྲོགས་པ། དེ་ཐམས་
D508.088.0010b04.01ཅད་ཀྱང་དེ་བཞིན་གཤེགས་པ་འོད་ཟེར་དམ་པའི་རྒྱལ་མཚན་གྱི་སྔོན་གྱི་སྨོན་ལམ་གྱི་མཐུ་དང་། བྱང་ཆུབ་སྙིང་པོའི་རྒྱན་འབུམ་གྱི་གཟུངས་སྔགས་རིག་པའི་བྱིན་རླབས་ལས་བྱུང་བ་ཤ་སྟག་གོ། །དེ་ནས་པ་ཐ་རིའི་གྲོང་ཁྱེར་གྱི་སྐྱེ་བོའི་ཚོགས་ཐམས་ཅད་ཤིན་ཏུ་ངོ་མཚར་བར་གྱུར་ནས་ཕན་
D508.088.0010b05.01ཚུན་དུ་གཅིག་གིས་གཅིག་ལ་འདི་སྐད་ཅེས་འདྲི་མོལ་བྱེད་དོ། །ཨེ་མའོ་ངོ་མཚར་ཆེའོ། །གྲོགས་པོ་དག་འདི་ལྟ་བུའི་ཆོ་འཕྲུལ་ཆེན་པོ་སྔོན་ཆད་མཐོང་མ་མྱོང་ཐོས་མ་མྱོང་བ་འཕྲལ་དུ་བྱུང་བ་འདི་སུ་ཞིག་གི་མཐུ་ཡིན། རྫུ་འཕྲུལ་ཆེན་པོ་འདི་སུས་བསྟན་པ་ཡིན། གོར་མ་ཆག་པར་ཛམྦུ་གླིང་འདིར་
D508.088.0010b06.01བཀྲ་ཤིས་པ་དང་ཕན་པ་དང་བདེ་བ་ཕུན་སུམ་ཚོགས་པ་འབྱུང་བར་འགྱུར་རམ་ཟེར་ཏོ། །དེའི་ཚེ་རྒན་རབས་དག་གིས་སྐྱེ་བོའི་ཚོགས་དེ་དག་ལ་འདི་སྐད་ཅེས་སྨྲས་སོ། །ཆོ་འཕྲུལ་ཆེན་པོ་འདི་ནི་གདོན་མི་ཟ་བར་དེ་བཞིན་གཤེགས་པ་འོད་ཟེར་དམ་པའི་རྒྱལ་མཚན་གྱི་མཐུ་ཡིན་ནོ། །དེ་བཞིན་
D508.088.0010b07.01