完整藏文原文 · 德格版页 当前仅加载第 88 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
ལག་ན་རྡོ་རྗེ་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། གཞན་ཡང་རིགས་ཀྱི་བུའམ་རིགས་ཀྱི་བུ་མོ་དེའི་བསོད་ནམས་ཀྱི་ཚད་ནི་དེ་བཞིན་གཤེགས་པའི་འོད་ཟེར་གྱིས་གཞལ། དེ་བཞིན་གཤེགས་པའི་མཁྱེན་པས་དཔག །
D508.088.0019a01.01དེ་བཞིན་གཤེགས་པའི་སངས་རྒྱས་ཀྱི་སྤྱན་གྱིས་གཟིགས་པས་སྔར་བསྟན་པའི་རིང་བསྲེལ་གྱི་གྲངས་ཇི་སྙེད་པ་དང་། རྒྱ་མཚོ་ཆེན་པོའི་ཆུ་ཐིགས་ཇི་ཙམ་གྱི་གྲངས་དང་མཉམ་པའི་མཆོད་རྟེན་དང་སྐུ་གཟུགས་བྱས་པ་དང་། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་
D508.088.0019a02.01མའམ། གཞན་ཡང་རིགས་ཀྱི་བུའམ་རིགས་ཀྱི་བུ་མོ་དེས་མཆོད་རྟེན་ནམ་སྐུ་གཟུགས་གཟུངས་འདིས་སྙིང་པོ་ཅན་གཅིག་ལ་ཕྱག་བྱ་བ་དང་མཆོད་པ་བྱས་པར་མི་འགྱུར་ལ། མཆོད་རྟེན་དེ་སྙེད་དང་། སྐུ་གཟུགས་དེ་སྙེད་པ་ཕྱག་དང་མཆོད་པ་བྱས་པའི་བསོད་ནམས་ཀྱི་འབྲས་བུ་ཐོབ་པར་
D508.088.0019a03.01འགྱུར་རོ། །དེ་ནས་བྱང་ཆུབ་སེམས་དཔའ་གསང་བའི་བདག་པོ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རྟོག་པའི་རྒྱལ་པོ་ཆེན་པོ་འདི་ནི་དཔལ་དང་གཟི་བརྗིད་ཆེན་པོ་དང་ལྡན་པ་ལགས་སོ། །བཀྲ་ཤིས་དང་ཕན་ཡོན་ཆེན་པོ་དང་ལྡན་པ་ལགས་
D508.088.0019a04.01སོ། །རྫུ་འཕྲུལ་དང་ནུས་སྟོབས་ཆེན་པོ་དང་ལྡན་པ་ལགས་སོ། །གཟུངས་སྔགས་འདིའི་མིང་ཙམ་འཛིན་པས་ཀྱང་དགེ་བའི་རྩ་བ་དཔག་ཏུ་མེད་པ་བསྐྱེད་ཅིང་བསོད་ནམས་དཔག་ཏུ་མེད་པ་ཐོབ་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་དགེ་སློང་ངམ། དགེ་
D508.088.0019a05.01སློང་མའམ། དགེ་བསྙེན་ནམ། དགེ་བསྙེན་མ་ལ་སོགས་པ་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་གིས་བསོད་ནམས་ཀྱི་ཚོགས་ཆེན་པོ་ཡོངས་སུ་རྫོགས་པར་ཀུན་ནས་བསླངས་པས། འདས་པ་དང་མ་འོངས་པ་དང་ད་ལྟར་བཞུགས་པའི་སངས་རྒྱས་ཐམས་ཅད་ལ་ཕྱག་དང་མཆོད་
D508.088.0019a06.01པ་དང་བསྙེན་བཀུར་བྱེད་པར་འདོད་པར་གྱུར་ཚེ། རིགས་ཀྱི་བུའམ་རིགས་ཀྱི་བུ་མོ་དེས་རྟོག་པའི་རྒྱལ་པོ་འདི་ཡི་གེར་བྲིས་ནས་ཟ་མ་ཏོག་ཏུ་བཅུག་ལ། ཉིན་རེ་བཞིན་དྲི་བཟང་གི་ཆུས་ཁྲུས་འབུལ་བ་དང་། མཆོད་པ་དང་ཕྱག་དང་བསྐོར་བ་བྱེད་ན། དགེ་སློང་ངམ། དགེ་སློང་མའམ། དགེ་
D508.088.0019a07.01