完整藏文原文 · 德格版页 当前仅加载第 88 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
བཟླས་བརྗོད་བྱས་ཚེ། བཟླས་པ་ཟིན་པ་དང་། དེ་བཞིན་གཤེགས་པ་ཤཱཀྱ་ཐུབ་པའི་ཞལ་མཐོང་བར་འགྱུར་རོ། །དེ་བཞིན་གཤེགས་པས་ཕྱག་གསེར་གྱི་མདོག་ཅན་བརྐྱང་ནས་སྒྲུབ་པ་པོའི་སྤྱི་བོར་བཞག་སྟེ་དབུགས་དབྱུང་བར་མཛད་ཅིང་ལེགས་སོ་ལེགས་སོ། །རིག་པ་འཛིན་
D508.088.0020b01.01པ་ཆེན་པོ། སྐྱེས་བུ་ཆེན་པོ་ཁྱོད་ཀྱིས་བསྒྲུབ་པའི་བྱང་ཆུབ་སྙིང་པོའི་རྒྱན་འབུམ་གྱི་གཟུངས་ལེགས་པར་གྲུབ་བོ། །རིག་པ་འཛིན་པ་ཆེན་པོ་ཁྱོད་སྙིང་སྟོབས་ཆེན་པོའོ། །འབད་རྩོལ་ཆེན་པོས་དཀའ་ཐུབ་བྱས་ཏེ་དགེ་བའི་རྩ་བ་དཔག་ཏུ་མེད་པ་ཐོབ་བོ། །གང་འདོད་པའི་
D508.088.0020b02.01སངས་རྒྱས་ཀྱི་ཞིང་དུ་བགྲོད་པར་གྱིས་ཤིག་ཅེས་གསུང་བར་འགྱུར་རོ། །དེ་ལྟར་གསུངས་མ་ཐག་ཏུ་རིག་པ་འཛིན་པ་དེའི་ལུས་ལ་འོད་ཟེར་གྱི་ཕུང་པོ་ཆེན་པོ་འབར་བར་འགྱུར་རོ། །དེ་ནས་སྔགས་ཀྱི་རྒྱུད་ཐམས་ཅད་ལས་ཇི་སྙེད་གསུངས་པའི་དངོས་གྲུབ་ཐམས་ཅད་མ་ལུས་པར་གྲུབ་པར་
D508.088.0020b03.01འགྱུར་རོ། །བསམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །རིག་པ་འཛིན་པ་དེས་སྔོན་མཚམས་མེད་པ་ལྔའི་ལས་བྱས་པ་ཡིན་ཀྱང་དེའི་སྡིག་པ་དང་སྒྲིབ་པ་ཐམས་ཅད་ཉིན་མཚན་ཐོག་ཐག་གཅིག་ལ་སྨྱུང་བ་བྱས་ཞིང་བཟླས་བརྗོད་བྱེད་པ་དེས་ཡོངས་སུ་བྱང་བར་འགྱུར་རོ། །དངོས་
D508.088.0020b04.01གྲུབ་ཐམས་ཅད་ཚེ་འདི་ཉིད་ལ་ཐོབ་པར་འགྱུར་རོ། །ཟླ་བའི་དམར་ཕྱོགས་ཀྱི་ཚེས་བཅུ་བཞི་ལ་ལུས་ལེགས་པར་བཀྲུས་ལ་གོས་གསར་གཙང་མ་གོན་ནས་ཉིན་མཚན་ཐོག་ཐག་གཅིག་སྨྱུང་བ་བྱས་ཤིང་སྐུ་གདུང་དང་བཅས་པའི་མཆོད་རྟེན་གྱི་དྲུང་དུ་ཟངས་ཀྱི་སྣོད་གཅིག་ཡུངས་ཀར་གྱིས་གང་བར་
D508.088.0020b05.01བྱས་ཏེ། གཟུངས་སྔགས་འདི་ལན་སྟོང་བཟླས་བརྗོད་བྱས་པས་བྱིན་གྱིས་བརླབས་ནས་ལས་སྦྱོར་གྱི་དུས་སུ་ཀླུ་གནས་པའི་རྫིང་བུར་ཡུངས་ཀར་དེ་སྤར་གང་བླུགས་ན། ཀླུ་དེ་དག་དགའ་ཞིང་རིག་པ་འཛིན་པ་དེའི་དབང་དུ་འགྱུར། ཀླུའི་ཕོ་བྲང་དུ་གདན་འདྲེན་ནས་ཞབས་ལ་ཕྱག་བགྱིད་ནས་འདོད་པ་
D508.088.0020b06.01ཐམས་ཅད་སྟེར་བར་འགྱུར། གང་དུ་གནས་པའི་ས་ཕྱོགས་སུ་ཕྱི་བཞིན་འབྲངས་ལ་བཀའ་ནོད་པར་འགྱུར་རོ། །ཡུངས་ཀར་དེ་ཕྱོགས་བཞིར་གཏོར་ན་རྫི་ཆར་དྲག་པོ་བཟློག་གོ། །ཤ་སྦྲང་དང་། ནེ་ཙོ་དང་། ཁུ་བྱུག་དང་། ཆ་ག་པ་ལ་སོགས་པའི་སྲོག་ཆགས་མ་རུངས་པ་ཐམས་ཅད་
D508.088.0020b07.01