完整藏文原文 · 德格版页 当前仅加载第 88 函德格 23b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཡང་ཁྲི་བཟླས་ན་དེ་བཞིན་གཤེགས་པ་ཐམས་ཅད་ཀྱི་ཞལ་མཐོང་བར་འགྱུར་རོ། །མཆོད་རྟེན་གྱི་སྲོག་ཤིང་གི་རྩེ་མོའི་གདུགས་ལ་ལན་སྟོང་རྩ་བརྒྱད་བཟླས་ནས་བཏེག་བྱས་ན་དེ་བཞིན་གཤེགས་པ་ཐམས་ཅད་ཀྱི་རིང་བསྲེལ་མ་ལུས་པར་བཞུགས་པའི་མཆོད་རྟེན་ཆེན་པོའི་རང་
D508.088.0023b01.01བཞིན་དུ་འགྱུར་རོ། །འཇམ་དཔལ་གྱི་ཕྱག་མཚན་ལྷུང་བཟེད་བླངས་ནས་དེ་ལ་སྔགས་སྟོང་རྩ་བརྒྱད་བཟླས་ལའོ་ཐུག་གིས་གང་བར་བྱས། སླར་འཇམ་དཔལ་གྱི་ཕྱག་ལ་འཇོག་སྟེ་གདུགས་ཚོད་འབུལ་ན་བསོད་སྙོམས་པ་སྟོང་ཡང་ཚིམ་པར་འགྱུར་རོ། །གཞན་ཡང་རྒྱུད་གཞན་དག་ནས་གསུངས་
D508.088.0023b02.01པའི་ལས་ཚོགས་ཐམས་ཅད་ཀྱང་གཟུངས་སྔགས་འདིས་བྱིན་གྱིས་བརླབས་ན་འདོད་པ་ཐམས་ཅད་འབད་མེད་དུ་འགྲུབ་པར་འགྱུར་རོ། །ད་ནི་ཕྱག་རྒྱའི་རིམ་པ་བཤད་པར་བྱ་སྟེ། ལག་པ་གཉིས་ཐལ་མོ་གན་རྐྱལ་དུ་བྱས་ལ་སྙིང་གའི་ཐད་དུ་ཐལ་མོ་གཡས་པའི་མཐིལ་ན་གཡོན་པ་ཡང་གན་རྐྱལ་དུ་
D508.088.0023b03.01བཟེད་དེ་བཞག་པ་ནི་བྱང་ཆུབ་སྙིང་པོའི་རྒྱན་འབུམ་གྱི་གཟུངས་ཀྱི་རྩ་བའི་ཕྱག་རྒྱའོ། །ཕྱག་རྒྱ་འདི་བཅིང་བ་ཙམ་གྱིས་སྡིག་པ་ཐམས་ཅད་བྱང་བར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་དབུགས་དབྱུང་བར་མཛད་པར་འགྱུར་རོ། །ཕྱག་རྒྱ་དེས་དེ་བཞིན་གཤེགས་པ་ཐམས་ཅད་
D508.088.0023b04.01བསྐུལ་བར་འགྱུར་ཞིང་། དེ་བཞིན་གཤེགས་པ་ཐམས་ཅད་ཀྱིས་རྗེས་སུ་འཛིན་པར་འགྱུར་རོ། །ཕྱག་རྒྱ་དེ་ཉིད་ལས་ལག་པ་གཡས་པ་བཏེག་སྟེ་ཕྱག་རྒྱ་གཞན་གང་དགོས་སུ་བསྒྱུར་བས་ཕྱག་རྒྱ་ཐམས་ཅད་བྱུང་བར་གྱུར་ཏེ་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབ་པར་འགྱུར་རོ། །
D508.088.0023b05.01ཕྱག་རྒྱ་དེ་ཉིད་ལས་ལག་པ་གཡས་པ་བསྒྱུར་ནས་ལྟེ་བར་བཞག་པའི་མཐེབ་ཆེན་དང་མཛུབ་མོ་གཉིས་ཕན་ཚུན་དུ་སྦྱར་བ་ནི་ཕྱག་རྒྱ་ལས་ཐམས་ཅད་པའི་ཕྱག་རྒྱ་སྟེ་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་ཤིང་ལས་ཀྱི་སྒྲིབ་པ་ཐམས་ཅད་ཡོངས་སུ་བྱང་བར་འགྱུར་རོ། །དེ་ནས་བྱང་
D508.088.0023b06.01ཆུབ་སེམས་དཔའ་འཇམ་དཔལ་གཞོན་ནུར་གྱུར་པས་གཟུངས་འདི་བསྲུང་ཞིང་མཚམས་སྦྱོར་བའི་གཟུངས་སྔགས་འདི་སྨྲས་སོ། །ན་མོ་མཉྫུ་ཤྲཱི་ཡ་ཡེ། ཀུ་མཱ་ར་བྷཱུ་ཏ་ཡེ། ཏདྱ་ཐཱ། ཛ་ཡེ། བི་ཛ་ཡེ། ཛ་ཡ་ཤྲཱི། ཛིཥྚི། ཧཱུྃ་སྭཱ་ཧཱ། སྒྲུབ་པ་པོས་ཐོག་མར་འཇུག་པའི་སྐབས་དང་། ལས་
D508.088.0023b07.01