完整藏文原文 · 德格版页 当前仅加载第 88 函德格 13a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་མགྲིན་གཅིག་དབྱངས་གཅིག་གིས་ལེགས་སོ་ལེགས་སོ། །དེ་བཞིན་གཤེགས་པ་འོད་ཟེར་དམ་པའི་རྒྱལ་མཚན་ཁྱེད་ཀྱིས་རྟོག་པའི་རྒྱལ་པོ་བྱང་ཆུབ་སྙིང་པོའི་རྒྱན་འབུམ་གྱི་གཟུངས་གསུངས་པ་ལེགས་སོ་ལེགས་སོ། །ལེགས་པར་གསུངས་སོ་ཞེས་
D508.088.0013a01.01གསུངས་སོ། །དེ་ནས་སྲིན་མོ་ལྷ་མིན་མཛེས་མ་འཁོར་དང་བཅས་པ་བཏུལ་ཞིང་དགེ་བ་བཅུའི་ལམ་ལ་འགོད། སྐྱེ་བོའི་ཚོགས་གྲངས་མེད་པ་མང་པོ་ཡང་ཕྱིར་མི་ལྡོག་པའི་ས་ལ་འགོད་དོ། །དེ་ནས་གྲོང་ཁྱེར་དེ་ཉིད་རིན་པོ་ཆེ་སྣ་བདུན་ལས་གྲུབ་པར་གྱུར་ཏེ། རིན་པོ་ཆེ་སྣ་བདུན་གྱི་ཆར་
D508.088.0013a02.01ཡང་བབས་སོ། །ཛམྦུ་གླིང་གི་སྐྱེ་རྒུ་ཐམས་ཅད་ཀྱང་སྡུག་བསྔལ་མེད་པའི་བདེ་བ་ཕུན་སུམ་ཚོགས་པ་ལ་ལོངས་སྤྱོད་པར་གྱུར་ཏོ། །བྲམ་ཟེ་ཆེན་པོ་ང་དེའི་དུས་ན་བྲམ་ཟེའི་ཁྱེའུ་ལོ་བདུན་ལོན་པ་ཞིག་སྟེ། གཟུངས་སྔགས་འདི་ཐོས་པས་དེ་བཞིན་གཤེགས་པ་དེའི་བསྟན་པ་ལ་རྣམ་པར་
D508.088.0013a03.01དག་པའི་དད་པ་ཐོབ་ཅིང་ད་ལྟ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་བརྙེས་པ་ཡིན་ནོ། །བྲམ་ཟེ་ཆེན་པོ་ཁྱོད་ཀྱིས་ཐེ་ཚོམ་དང་ཡིད་གཉིས་མ་བྱེད་ཅིག །བྲམ་ཟེ་ཆེན་པོ་ཁྱོད་དེའི་ཚེ་དེའི་དུས་ན་སྲིན་མོ་ལྷ་མིན་མཛེས་མ་ཞེས་བྱ་བར་གྱུར་ཏོ། །དེའི་དུས་དགེ་བའི་སེམས་མ་
D508.088.0013a04.01བཟུང་ཞིང་སེམས་ཅན་མང་པོ་ལ་གནོད་པ་བྱས་པའི་འབྲས་བུ་བསྐལ་པ་གྲངས་མེད་དུ་མར་ངན་སོང་མྱུལ་སྡུག་བསྔལ་དཔག་ཏུ་མེད་པ་མྱོངས་སོ། །མཐར་དེ་བཞིན་གཤེགས་པ་དེ་ལ་སྐྱབས་སུ་སོང་ཞིང་བསླབ་པ་བཟུང་བས་ད་ལྟ་བྲམ་ཟེ་ཤིང་སཱ་ལ་ཆེན་པོ་ལྟ་བུར་སྐྱེས་ཤིང་ཤེས་རབ་ཆེ་ལ་ལོངས་
D508.088.0013a05.01སྤྱོད་ཕུན་སུམ་ཚོགས་པ་དང་ལྡན་པར་གྱུར། འོན་ཀྱང་ལས་ཀྱི་ལྷག་མས་བུ་ཚ་མེད་པར་གྱུར་པའོ། །བྲམ་ཟེ་ཆེན་པོ་དེའི་དུས་ཀྱི་པ་ཐ་རིའི་གྲོང་ཁྱེར་ན་གནས་པ་སྐྱེ་བོ་དེ་དག་ནི། ད་ལྟ་ངའི་འཁོར་དུ་བྱུང་བའི་ལྷ་ཀླུ་གནོད་སྦྱིན་དྲི་ཟ་ལྷ་མིན་མཁའ་ལྡིང་མིའམ་ཅི་ལ་སོགས་པའི་འདུས་པའི་
D508.088.0013a06.01ཚོམས་ཆེན་པོ་འདི་དག་གོ། །བྲམ་ཟེ་ཆེན་པོ་ཁྱོད་དེའི་ཚེ་དེའི་དུས་ཀྱི་ལྷ་མིན་མཛེས་མའི་འཁོར་ཁྲི་ཕྲག་མང་པོ་དེ་དག་ད་ལྟ་གཞན་སུ་དག་ཡིན་ནམ་སྙམ་པའི་ཡིད་གཉིས་དང་། ནེམ་ནུར་བྱེད་ན་བྲམ་ཟེ་ཆེན་པོ་དེ་ལྟར་མ་བྱེད་ཅིག །དེ་ཅིའི་ཕྱིར་ཞེ་ན། དེའི་ཚེ་དེའི་དུས་ཀྱི་ལྷ་མིན་
D508.088.0013a07.01