完整藏文原文 · 德格版页 当前仅加载第 88 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
བཞེངས་པར་འདོད་པས་གཙུག་ལག་ཁང་ངམ། ལྷའི་ཁང་པའམ། རི་སུལ་ལ་སོགས་དབེན་ཞིང་གཙང་ལ་ཡིད་དུ་འོང་བའི་གནས་སུ་རྒྱུད་ནས་གསུངས་པའི་ཆོ་ག་བཞིན་ས་བླངས་ལ། གཟུངས་སྔགས་ཀྱིས་བྱིན་གྱིས་བརླབས་པའི་ས་གཙང་དང་བ་ལྕི་བསྲེས་པས་ཁོར་ཡུག་ཏུ་ཁྲུ་བཅུ་
D508.088.0022b01.01དྲུག་ཡོད་པའི་སྟེགས་བུ་བྱས་ལ། དེར་གཙང་སྦྲ་དང་ལྡན་པས་དཀྱིལ་འཁོར་གྲུ་བཞི་སྒོ་བཞི་པ་རྟ་བབས་བཞི་དང་ལྡན་པ་བྲི་བར་བྱའོ། །དེའི་དབུས་སུ་དེ་བཞིན་གཤེགས་པའི་སྐུ་གཟུགས་དང་། གྲྭ་བཞིར་རྒྱལ་པོ་ཆེན་པོ་བཞི་བྲི་བར་བྱའོ། །སྒོ་བཞིའི་ནང་རིན་པོ་ཆེའི་ལྗོན་ཤིང་བྲིས་ལ་
D508.088.0022b02.01དེ་དག་གི་དྲུང་ན་ལྷ་མོ་བཞི་བྲི་བར་བྱ་སྟེ། ཤར་སྒོར་ནི་ལྷ་མོ་དཔལ་མོའོ། །ལྷོ་སྒོར་དབྱངས་ཅན་མའོ། །ནུབ་སྒོར་དུང་ཅན་མའོ། །བྱང་སྒོར་མེ་ཏོག་སོ་མའོ། །དེ་ལྟར་དཀྱིལ་འཁོར་བྲིས་ནས་ངོས་ལ་འབྲས་མ་གྲུགས་པ་དང་ཡུངས་ཀར་དང་དུས་ཀྱི་མེ་ཏོག་བཀྲམ་པར་བྱའོ། །དྲི་བཟང་གི་བྱུག་པ་དང་
D508.088.0022b03.01ཕྱེ་མ་ཕུར་མ་ཡང་བཤམ་མོ། །ཟུར་བཞིར་དྲི་བཟང་གི་ཆུས་གང་བའི་བུམ་པ་བཞི་གཞག་པར་བྱའོ། །ཞལ་ཟས་བཟའ་བཏུང་བཟང་པོ་སྡེར་མ་བཞི་ཡང་བཀོད་པར་བྱའོ། །སྒོ་བཞིར་བདུག་སྤོས་ཀྱི་པོག་ཕོར་བཞི་གཞག་པར་བྱའོ། །མེ་ཏོག་སྣ་ཚོགས་ཀྱི་ཆུན་པོ་དང་དཀར་གསུམ་གྱི་གཏོར་མ་ཡང་
D508.088.0022b04.01བཤམ་པར་བྱའོ། །ཡང་ཟུར་བཞིར་མར་མེ་བཞི་བུད་པར་བྱའོ། །རིག་པ་འཛིན་པ་ཁ་ཤར་དུ་བལྟས་ཏེ་བཟླས་བརྗོད་བྱ་བར་བྱ་ཞིང་། མཚན་གྱི་ཐུན་ཐ་མ་ལ་ལུས་བསྲུང་བ་དང་མཚམས་བཅིང་བ་སོགས་བྱས་ནས་དཀྱིལ་འཁོར་དུ་འཇུག་པར་བྱ་ལ། དཀྱིལ་འཁོར་དུ་ཞུགས་པ་ཙམ་གྱིས་སྡིག་པ་དང་
D508.088.0022b05.01སྒྲིབ་པ་ཐམས་ཅད་བྱང་བར་འགྱུར་རོ། །དངོས་གྲུབ་ཐམས་ཅད་བདེ་བླག་ཐོབ་པའི་སྐལ་བ་ཅན་དུ་འགྱུར་རོ། །བསོད་ནམས་ཀྱི་ཕུང་པོ་དཔག་ཏུ་མེད་པ་དང་ལྡན་པར་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་རྟག་ཏུ་དགོངས་པར་འགྱུར་རོ། །འབྱུང་པོ་ཐམས་ཅད་
D508.088.0022b06.01ཀྱིས་གནོད་པར་མི་འགྱུར་རོ། །ལྷ་ཐམས་ཅད་ཀྱིས་བསྲུང་བ་དང་བསྐྱབ་པ་དང་སྦ་བར་བྱེད་ཅིང་སྒྲུབ་པའི་སྟོང་གྲོགས་བྱེད་པར་འགྱུར་རོ། །དཀྱིལ་འཁོར་དུ་ཞུགས་པ་ཙམ་གྱིས་ཕྱིར་མི་ལྡོག་པའི་ས་ལ་གནས་པར་འགྱུར་རོ། །ཨོཾ་སརྦ་ཏ་ཐཱ་ག་ཏ་བྱཱ་བ་ལོ་ཀི་ཏེ། ཛ་ཡ་ཛ་ཡ་སྭཱ་ཧཱ། སྙིང་པོའོ། །
D508.088.0022b07.01