完整藏文原文 · 德格版页 当前仅加载第 88 函德格 19b 版页；藏文 NFD、目录标记与异常页序保留在来源切片中，重复版页行以稳定序号区分。
བསྙེན་ནམ། དགེ་བསྙེན་མ་ལ་སོགས་པ་རིགས་ཀྱི་བུའམ་རིགས་ཀྱི་བུ་མོ་དེ་ནི། འདས་པ་དང་མ་འོངས་པ་དང་ད་ལྟར་བཞུགས་པའི་སངས་རྒྱས་སྔར་བསྟན་པའི་དཔེས་བསྡུས་པ་ཐམས་ཅད་ལ་སྤྱོད་ལམ་རྣམ་པ་བཞི་ཡིས་བར་མ་ཆད་པར་བསྙེན་བཀུར་བྱས་པར་འགྱུར་རོ། །རིགས་ཀྱི་བུའམ་
D508.088.0019b01.01རིགས་ཀྱི་བུ་མོ་དེ་ལ་དུས་གསུམ་གྱི་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པར་འགྱུར། དེ་བཞིན་གཤེགས་པ་དེ་དག་ཐམས་ཅད་ཀྱིས་ལུང་སྟོན་པར་འགྱུར། དེ་དག་ཐམས་ཅད་ཀྱིས་དབུགས་དབྱུང་བར་འགྱུར་རོ། །སྐྱེ་བོ་དེ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D508.088.0019b02.01ལས་ཕྱིར་མི་ལྡོག་པའི་ས་ཐོབ་པར་འགྱུར་རོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་དང་། གསང་བའི་བདག་པོ་ཕྱག་ན་རྡོ་རྗེ་དང་། རྒྱལ་པོ་ཆེན་པོ་སྡེ་བཞི་རྣམས་ལ་བཀའ་སྩལ་པ། དེ་རིང་ངས་རྒྱལ་བའི་སྲས་པོ་ཁྱེད་ཅག་ལ་གཟུངས་
D508.088.0019b03.01སྔགས་རྟོག་པའི་རྒྱལ་པོ་འདི་ཡོངས་སུ་གཏད་དོ། །རྟོག་པའི་རྒྱལ་པོ་འདི་མ་འོངས་པའི་དུས་ལྔ་བརྒྱའི་ཐ་མར་འཇིག་རྟེན་དུ་སྣུབས་པར་མ་བྱེད་ཅིག །ལེགས་པར་བསྲུང་བ་དང་སྦ་བར་བྱོས་ཤིག །གཟུངས་སྔགས་འདི་འཆང་བའི་སྐྱེ་བོ་རྣམས་ལེགས་པར་བསྲུང་བ་དང་བསྐྱབ་པ་དང་སྦ་
D508.088.0019b04.01བར་མཛོད་ཅིག །ཕྱག་རྒྱ་ཇི་ལྟ་བ་བཞིན་དང་ཆོ་ག་ཚུལ་བཞིན་དུ་ཉམས་སུ་ལེན་པ་རྣམས་ལ་བྱིན་གྱིས་རློབས་ཤིག །འདོད་པ་རྣམས་བསྒྲུབ་པར་བྱོས་ཤིག །དེ་སྐད་ཅེས་བཀའ་སྩལ་པ་དང་། དེ་ནས་བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་དང་། གསང་བའི་བདག་
D508.088.0019b05.01པོ་ཕྱག་ན་རྡོ་རྗེ་དང་། རྒྱལ་པོ་ཆེན་པོ་སྡེ་བཞི་འཁོར་དང་བཅས་པ་སྟན་ལས་ལངས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་བཅོམ་ལྡན་འདས་ཀྱི་བཀའ་ཡང་དག་པར་ནོས་
D508.088.0019b06.01སོ། །རྟོག་པའི་རྒྱལ་པོ་ཆེན་པོ་འདི་འཆང་བའི་སྐྱེས་བུ་ཆེན་པོ་དེ་བདག་ཅག་གིས་བསྲུང་བ་དང་བསྐྱབ་པ་དང་སྦེད་པར་བྱེད་ཅིང་། དེའི་འབྱོར་པ་ཐམས་ཅད་ཕུན་སུམ་ཚོགས་པར་བྱེད་དོ། །མགོན་མེད་པ་སྐྱབས་མེད་པར་གྱུར་པ་རྣམས་ཀྱང་དབུགས་དབྱུང་ཞིང་མགོ་འདྲེན་པར་བགྱིད་ཅིང་།
D508.088.0019b07.01