完整藏文原文 · 德格版页 当前仅加载第 88 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
པ། ལེགས་སོ་ལེགས་སོ། །གསང་བའི་བདག་པོ་ལག་ན་རྡོ་རྗེ་ཁྱོད་ཀྱིས་དོན་འདི་འདྲི་བ་ནི་ཤིན་ཏུ་ལེགས་སོ། །དྲི་བ་འདི་ནི་མཆོག་གོ། །དམ་པའོ། །འོན་ཀྱང་ཁྱོད་སོང་ནས་འཇམ་དཔལ་གཞོན་ནུར་གྱུར་པ་ལ་དྲིས་ཤིག་དང་དེས་ཁྱོད་ལ་ལེགས་པར་སྟོན་པར་འགྱུར་རོ། །དེ་སྐད་ཅེས་གསུངས་པ་
D508.088.0016b01.01དང་། ཕྱག་ན་རྡོ་རྗེས་བྱང་ཆུབ་སེམས་དཔའ་འཇམ་དཔལ་གྱི་ཐད་དུ་ཕྱིན་ནས་གཡས་སྐོར་དུ་བསྐོར་བ་བྱས་ཏེ་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །སྐྱེས་བུ་གང་ལ་ལ་ཞིག་གིས། བྱང་ཆུབ་སྙིང་པོའི་རྒྱན་འབུམ་གྱི་གཟུངས་འདི་འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་།
D508.088.0016b02.01གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་པར་བྱེད་པ་དེའི་བསོད་ནམས་ཀྱི་ཕུང་པོའི་ཚད་ནི་ཇི་ཙམ་ཞིག་ལགས། འཇམ་དཔལ་གཞོན་ནུར་གྱུར་པས་སྨྲས་པ། ཕྱག་ན་རྡོ་རྗེ་ལེགས་པར་ཉོན་ཅིག །དཔེར་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཇི་སྙེད་ཡོད་པའི་ས་གཞི་རི་དང་ཐང་དང་།
D508.088.0016b03.01ལ་དང་སྒང་ཆེ་ཆུང་ཐམས་ཅད་བརྒྱ་ཆ་སྟོང་ཆ་ཐ་ན་སྤུ་ཙམ་གྱི་བར་གཤག་ཅིང་ཕྱེ་ཡང་རྡུལ་ཕྲ་རབ་ཀྱིས་མ་ཁྱབ་པའི་གནས་ཤིག་མཐོང་བར་མི་འགྱུར་རོ། །དེ་བཞིན་དུ་ངས་ལྷའི་མིག་གིས་བལྟས་པས། དེ་བཞིན་གཤེགས་པའི་སྐུའི་ཆ་ཐམས་ཅད་ཀྱང་རིང་བསྲེལ་གྱིས་ཁྱབ་པ་
D508.088.0016b04.01སྟེ། དེ་བཞིན་གཤེགས་པའི་ཆོས་ཀྱི་སྐུའི་ཆ་ཐམས་ཅད་ཆོས་ཀྱི་དབྱིངས་ཀྱི་རིང་བསྲེལ་དང་། རུས་པའི་རིང་བསྲེལ་དང་། ཤའི་རིང་བསྲེལ་དང་། ཡུངས་འབྲུ་ལྟ་བུའི་རིང་བསྲེལ་གྱིས་སྟོངས་པའི་གནས་ཤིག་ངས་མ་མཐོང་ངོ་། །ཕྱག་ན་རྡོ་རྗེ་མངོན་པར་ཤེས་པ་དང་རྫུ་འཕྲུལ་གྱི་
D508.088.0016b05.01རྩལ་དང་ལྡན་པའི་སྐྱེ་བོ་ཞིག་གིས་དེའི་གྲངས་ཇི་ཙམ་བགྲང་བར་ནུས་ན། ཕྱག་ན་རྡོ་རྗེ་སྐྱེ་བོ་དེ་བློ་གྲོས་དང་ཤེས་རྩལ་ཕུན་སུམ་ཚོགས་པ་ཞིག་ལགས་སམ། ཕྱག་ན་རྡོ་རྗེས་སྨྲས་པ། དེ་དེ་བཞིན་ནོ། །འཇམ་དཔལ་དེ་དེ་བཞིན་ཏེ། སྐྱེ་བོ་དེ་ནི་བློ་གྲོས་དང་ཤེས་རྩལ་ཕུན་སུམ་ཚོགས་པ་ངོ་
D508.088.0016b06.01མཚར་དུ་གྱུར་པ་ཞིག་གོ། །འཇམ་དཔལ་གྱིས་སྨྲས་པ། ཕྱག་ན་རྡོ་རྗེ་ཉོན་ཅིག་རྡུལ་ཕྲ་རབ་དེ་དག་དང་རིང་བསྲེལ་དེ་ལྟ་བུའི་གྲངས་དང་ཚད་ནི་བགྲང་བ་དང་དཔག་པར་རུང་གིས། ཕྱག་ན་རྡོ་རྗེ་རྡུལ་ཕྲ་རབ་དང་། རིང་བསྲེལ་དེ་དག་གི་གྲངས་རྣམས་དེ་ལྟར་བགྲང་བ་དང་དཔག་པ་ཇི་ལྟ་བ་བཞིན་དུ། དེ་
D508.088.0016b07.01