完整藏文原文 · 德格版页 当前仅加载第 88 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
སྣ་ཚོགས་དཀྲོལ། མེ་ཏོག་གི་ཆར་དེ་ཡང་འདི་ལྟ་སྟེ། ཨུཏྤ་ལ་དང་པདྨ་དམར་པོ་དང་པདྨ་ལེ་བརྒན་རྩི་དང་བུཎྜ་རཱི་ག་དང་། མནྡཱ་ར་བ་དང་མནྡཱ་ར་བ་ཆེན་པོ་དང་། མེ་ཏོག་རོ་ཙ་དང་མཉྫུ་ཀ་དང་མཉྫུ་ཀ་ཆེན་པོ་དང་སུ་མ་ནཱ་དང་། ཝཱ་ཪྴི་ཀ་དང་ཙམྤ་ཀ་དང་སཽ་གནྡྷི་ཀ་ལ་སོགས་
D508.088.0016a01.01པའི་མེ་ཏོག་སྣ་ཚོགས་ཀྱི་ཆར་བབས་ཤིང་བཅོམ་ལྡན་འདས་ལ་མཆོད་པ་དང་བསྟོད་བསྔགས་བྱས་སོ། །དེ་ལྟར་བཅོམ་ལྡན་འདས་ཀྱིས་འདུས་པའི་འཁོར་ཚོགས་ཆེན་པོའི་ནང་། གཟུངས་ཀྱི་རྒྱལ་པོ་འདི་གསུངས་པས་ལ་ལ་ནི་རང་སངས་རྒྱས་ཀྱི་བྱང་ཆུབ་ཐོབ་པར་གྱུར་ཏོ། །ལ་ལ་ནི་དགྲ་བཅོམ་
D508.088.0016a02.01པའི་འབྲས་བུ་ཐོབ་པར་གྱུར་ཏོ། །ལ་ལས་ཕྱིར་མི་འོང་བའི་འབྲས་བུ། ལ་ལས་ལན་ཅིག་ཕྱིར་འོང་བའི་འབྲས་བུ། ལ་ལས་རྒྱུན་ཏུ་ཞུགས་པའི་འབྲས་བུ་ཐོབ་པར་གྱུར་ཏོ། །འགའ་ཞིག་ནི་བྱང་ཆུབ་ཏུ་སེམས་བསྐྱེད་དོ། །འགའ་ཞིག་ཕྱིར་མི་ལྡོག་པའི་ས་ལ་གནས་པར་གྱུར་ཏོ། །འགའ་ཞིག་བླ་ན་མེད་པའི་
D508.088.0016a03.01བྱང་ཆུབ་ཏུ་ལུང་བསྟན་ཐོབ་པོ། །སེམས་ཅན་ལ་ལས་ལྷར་སྐྱེ་བའི་འབྲས་བུ་ཐོབ་བོ། །སེམས་ཅན་དམྱལ་བར་སྐྱེས་པ་རྣམས་ནི་སྡུག་བསྔལ་ཐམས་ཅད་ལས་ཐར་བར་གྱུར་ཏོ། །གཤིན་རྗེའི་འཇིག་རྟེན་དུ་ལྟུང་བ་དང་{ཡི་དགས་,ཡི་དྭགས་}དང་དུད་འགྲོའི་སྐྱེ་གནས་སུ་སོང་བ་ཐམས་ཅད་ཀྱང་སོ་སོའི་སྐྱེ་གནས་ཀྱི་
D508.088.0016a04.01སྡུག་བསྔལ་ལས་གྲོལ་ཏེ་མིའི་ལུས་ཐོབ་ནས་བྱང་ཆུབ་ཀྱི་ལམ་ལ་ཞུགས་པར་གྱུར་ཏོ། །དེ་ལྟར་ཛམྦུ་གླིང་འདིར་ངོ་མཚར་བའི་རྫུ་འཕྲུལ་བྱུང་ཞིང་སེམས་ཅན་ཐམས་ཅད་ཕན་པ་དང་བདེ་བ་ཕུན་སུམ་ཚོགས་པ་ཐོབ་པར་གྱུར་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་གསང་བདག་ཕྱག་
D508.088.0016a05.01ན་རྡོ་རྗེས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཐལ་མོ་སྦྱར་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གཟུངས་རྟོག་པའི་རྒྱལ་པོ་འདི་ནི་ཤིན་ཏུ་རྙེད་པར་དཀའ་བའོ། །དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། རིགས་ཀྱི་
D508.088.0016a06.01བུའམ་རིགས་ཀྱི་བུ་མོ་གང་ལ་ལ་ཞིག་གིས་གཟུངས་འདི་འཆང་བ་དང་། ཀློག་པོ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་དག་པར་རབ་ཏུ་སྟོན་པར་བྱེད་པ་དང་ཚུལ་བཞིན་དུ་ཡིད་ལ་བྱེད་པ་དེའི་བསོད་ནམས་ཀྱི་ཕུང་པོའི་ཚད་ནི་ཇི་ཙམ་ཞིག་ལགས། བཅོམ་ལྡན་འདས་ཀྱིས་བཀའ་སྩལ་
D508.088.0016a07.01