完整藏文原文 · 德格版页 当前仅加载第 88 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
མཛེས་མའི་འཁོར་ཁྲི་ཕྲག་མང་པོ་ནི། ད་ལྟ་ངའི་འཁོར་འདུས་པ་ཆེན་པོའི་ནང་དུ་བྱུང་བའི་བྲམ་ཟེ་དང་། རྒྱལ་རིགས་དང་། རིག་བྱེད་སྨྲ་བ་རྣམས་དང་། གཅེར་བུ་པ་དང་། རྟོག་གེ་པ་གཞན་དག་སྒྱུ་རྩལ་ཤེས་རིགས་དང་། དུར་ཁྲོད་ན་གནས་པའི་བརྟུལ་ཞུགས་ཅན་དང་། ཚེམ་
D508.088.0013b01.01བུ་པ་དང་། གླང་རུའི་བརྟུལ་ཞུགས་ཅན་དང་། རི་སུལ་ན་གནས་པའི་བརྟུལ་ཞུགས་ཅན་འདི་དག་གོ། །དེ་བཞིན་གཤེགས་པ་ཤཱཀྱ་ཐུབ་པས་དེ་དག་གི་སྔོན་གྱི་སྦྱོར་བ་རྣམས་དེ་ལྟར་བཤད་ནས་ཅང་མི་གསུང་བར་བཞུགས་སོ། །དེ་ནས་འཁོར་འདུས་པ་ཆེན་པོ་དེ་དག་གིས་སྔོན་གྱི་སྦྱོར་བའི་
D508.088.0013b02.01རྒྱུ་རྐྱེན་དེ་ལྟ་བུ་ཐོས་ནས་ཤིན་ཏུ་ངོ་མཚར་བར་གྱུར་ཏེ་དགའ་ཞིང་མགུ་ནས། བདུག་སྤོས་དང་མེ་ཏོག་དང་བྱུག་པ་དང་ཕྱེ་མ་ཕུར་མ་དང་། མེ་ཏོག་གི་ཕྲེང་བ་དང་ན་བཟའ་དང་། རྒྱལ་མཚན་དང་བ་དན་ལ་སོགས་པའི་མཆོད་པའི་བྱེ་བྲག་སྣ་ཚོགས་བསྣམས་ནས་བཅོམ་ལྡན་འདས་ལ་མཆོད་ཅིང་
D508.088.0013b03.01གཡས་སྐོར་དུ་བསྐོར་བ་ལན་གསུམ་བྱས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཞིང་ཐལ་མོ་སྦྱར་བ་བཏུད་ནས་ཚིག་གཅིག་གིས་མཐུན་པར་གསོལ་བ། བཅོམ་ལྡན་འདས་བདག་ཅག་ལ་སོགས་པའི་སེམས་ཅན་ཐམས་ཅད་ལ་ཐུགས་བརྩེ་བའི་སླད་དུ། རྟོག་པའི་རྒྱལ་པོ་
D508.088.0013b04.01བྱང་ཆུབ་སྙིང་པོའི་རྒྱན་འབུམ་གྱི་གཟུངས་བཤད་དུ་གསོལ། བཅོམ་ལྡན་འདས་བཤད་དུ་གསོལ། བདེ་བར་གཤེགས་པ་བཤད་དུ་གསོལ། རིག་པའི་རྒྱལ་པོ་དེ་ནི་སེམས་ཅན་ཐམས་ཅད་ཀྱི་དམིགས་བུ་དང་སྒྲོན་མེར་གྱུར་པ་སྟེ། ཁྱད་པར་དུ་ཡང་མ་འོངས་པའི་དུས་ལྔ་བརྒྱའི་ཐ་མ་ལ་བབས་
D508.088.0013b05.01པའི་ཚེ་སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་བྱེད་པའོ། །དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་ཅང་མི་གསུང་བར་གནང་ནས། ཞལ་འཛུམ་པ་མཛད་དོ། །ཞལ་འཛུམ་པ་མཛད་པས་བཅོམ་ལྡན་འདས་ཀྱི་ཞལ་གྱི་སྒོ་ནས་འོད་ཟེར་རྣམ་པ་སྣ་ཚོགས་འཕྲོས།
D508.088.0013b06.01ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་གསལ་བར་བྱས་ཏེ། དེ་དག་ན་བཞུགས་པའི་སངས་རྒྱས་ཐམས་ཅད་མངོན་སུམ་དུ་ལྷམ་མེ་ལྷམ་མེར་སྣང་བར་གྱུར་ཏོ། །དེ་དག་གི་ཆོས་བཤད་པ་ཡང་ལྷང་ངེ་ལྷང་ངེར་ཐོས་པར་གྱུར་ཏོ། །གནས་དེ་ཉིད་རིན་པོ་ཆེའི་ལྗོན་ཤིང་རྩ་བ་སྡོང་པོ་ཡལ་ག་ལོ་འདབ་མེ་ཏོག་
D508.088.0013b07.01