完整藏文原文 · 德格版页 当前仅加载第 88 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པའི་སྐུ་གཟུགས་ཀྱི་ཞབས་ལ་འཇུས་ཤིང་ཕྱི་ཉིན་ཚེས་བཅོ་ལྔའི་ཐོ་རངས་ཀྱི་བར་དུ། བར་མི་ཆད་པར་བཟླས་བརྗོད་བྱས་ན། བྱང་ཆུབ་སེམས་དཔའ་འཇམ་དཔལ་སྒྲུབ་པ་པོའི་མདུན་དུ་འོངས་ནས་འདོད་པ་ཐམས་ཅད་སྩོལ་བར་འགྱུར་རོ། །
D508.088.0021b01.01བྱང་ཆུབ་སེམས་དཔའ་ལག་ན་རྡོ་རྗེའི་ཞབས་ལ་འཇུས་ཤིང་། གཟུངས་འདི་ལན་སྟོང་རྩ་བརྒྱད་བཟླས་ཏེ་བྱིན་གྱིས་བརླབས་པའི་གུ་གུལ་དང་ཞུན་མར་སྦྱར་བས་བདུག་པ་ཕུལ་ན། བྱང་ཆུབ་སེམས་དཔའ་ལག་ན་རྡོ་རྗེ་དེའི་མདུན་དུ་ལུས་སྣང་བར་བྱས་ཏེ། འདོད་པ་ཐམས་ཅད་སྩོལ་བར་
D508.088.0021b02.01བྱེད། ལས་ཐམས་ཅད་གྲུབ་པར་བྱེད། བུ་བཞིན་དུ་སྐྱོང་ཞིང་གསང་སྔགས་ཀྱི་རྒྱུད་ཡོངས་སུ་གཏད་པར་བྱེད་དོ། །གནོད་སྦྱིན་ནོར་བུ་བཟང་པོ་ལ་འཇུས་ཤིང་བཟླས་བརྗོད་སྟོང་རྩ་བརྒྱད་བྱས་ན་ནོར་གྱི་ཕུང་པོ་རྒྱ་ཆེན་པོ་དང་བཅས་ལུས་སྣང་བར་བྱས་ཏེ་ནོར་ཆེན་པོ་སྟེར་བར་འགྱུར་རོ། །རྣམ་
D508.088.0021b03.01ཐོས་ཀྱི་བུའི་མགོ་ལ་བཞག་སྟེ། ཨ་ཀ་རུ་ནག་པོའི་དུད་པས་བདུག་ཅིང་ལན་སྟོང་རྩ་བརྒྱད་བཟླས་ན་གསེར་སྲང་སྟོང་རྙེད་པར་འགྱུར་རོ། །དཔལ་གྱི་ལྷ་མོའི་གདོང་ལ་བལྟ་ཞིང་སྟོང་རྩ་བརྒྱད་བཟླས་ན་ཡང་གསེར་སྲང་སྟོང་རྙེད་པར་འགྱུར་རོ། །གཞན་ཡང་ཚོན་སྣ་ལྔས་གནོད་སྦྱིན་གྱི་གཟུགས་
D508.088.0021b04.01བྲིས་ལ་ལན་སྟོང་དང་ཉི་ཤུ་བཟླ་ཞིང་སརྫ་ར་ཛའི་སྤོས་ཀྱིས་བདུགས་ན་གནོད་སྦྱིན་མོ་མདུན་དུ་བྱུང་ནས་མངགས་གཞུག་ཏུ་ཁས་བླངས་ཏེ། ཅི་བཅོལ་བའི་ལས་རྣམ་པ་བརྒྱའམ་སྟོང་ཡང་རུང་སྟེ་མ་ལུས་པར་གྲུབ་པར་བྱེད་དོ། །ད་ནི་རས་བྲིས་ཀྱི་ཆོ་ག་བཤད་པར་བྱ་སྟེ། རས་བྲིས་ལ་བརྟེན་ནས་
D508.088.0021b05.01ལས་ཐམས་ཅད་སྒྲུབ་པའི་ཐབས་ལ། ཁ་ཚར་མ་ཉམས་ཤིང་ལོངས་མ་སྤྱད་པའི་རས་གཙང་མ་སྲིད་དུ་ཁྲུ་བཞི་ཡོད་པ་ཞིག་ལྤགས་པ་ལས་བྱུང་བ་མིན་པའི་སྦྱིན་གཙང་མས་བཏུལ་ཞིང་ལེགས་པར་བརྡར་བ་ལ་བཟོ་བོ་གསོ་སྦྱོང་ཡན་ལག་བརྒྱད་པ་ལ་གནས་ཤིང་གཙང་སྦྲ་དང་ལྡན་པས་བྲི་
D508.088.0021b06.01བར་བྱ་སྟེ། དབུས་སུ་ཤཱཀྱ་ཐུབ་པ་རིན་པོ་ཆེ་སྣ་ཚོགས་ཀྱིས་བརྒྱན་པའི་བྱང་ཆུབ་ལྗོན་ཤིང་གི་དྲུང་ན་སེང་གེའི་ཁྲི་ལ་བཞུགས་པ་བྲི་བར་བྱའོ། །དེའི་སྟེང་ན་དེ་བཞིན་གཤེགས་པ་འོད་ཟེར་དམ་པའི་རྒྱལ་མཚན་ཆོས་འཆད་ཀྱི་ཕྱག་རྒྱ་ཅན་བྲི་བར་བྱའོ། །གཡས་སུ་འཕགས་པ་འཇམ་
D508.088.0021b07.01