完整藏文原文 · 德格版页 当前仅加载第 88 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
བཀོད་ནས་སྙན་པའི་རོལ་མོ་སྣ་ཚོགས་ཀྱང་དཀྲོལ། དབུས་སུ་རིན་པོ་ཆེ་སྣ་ཚོགས་ཀྱིས་བརྒྱན་པའི་གསེར་གྱི་བུམ་པ་དམར་སེར་དྲི་བཟང་གི་ཆུས་བཀང་བ་སོ་ཤིང་དང་བཅས་པ་བཞག་ལ། ཐམས་ཅད་ཡིད་མཐུན། མོས་པ་མཐུན། སྤྱོད་ལམ་མཐུན་པར་དད་
D508.088.0010a01.01པས་ཀུན་ནས་བསླང་བའི་དབྱངས་སྙན་ལ་སྐད་གསང་མཐོན་པོས་མགྲིན་གཅིག་ཏུ་འདི་སྐད་ཅེས་གསོལ་བ་བཏབ་བོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་ཟེར་དམ་པའི་རྒྱལ་མཚན་ལ་ཕྱག་འཚལ་ལོ་མཆོད་དོ་སྐྱབས་སུ་མཆིའོ། །
D508.088.0010a02.01སེམས་ཅན་ཐམས་ཅད་ལ་བརྩེ་བ་དང་སྐྱོབ་པའི་བདག་ཉིད་ཅན། ཐུབ་པ་ཆེན་པོ་སངས་རྒྱས་བཅོམ་ལྡན་འདས་ཁྱེད་ལ་ཕྱག་འཚལ་ལོ་མཆོད་དོ་སྐྱབས་སུ་མཆིའོ། །ཆོས་ཉིད་བསམ་མི་ཁྱབ་ཅིང་རྨད་དུ་བྱུང་བའི་བདག་ཉིད་ཆེན་པོ་སངས་རྒྱས་བཅོམ་ལྡན་འདས་ཁྱེད་ལ་ཕྱག་འཚལ་ལོ་
D508.088.0010a03.01མཆོད་དོ་སྐྱབས་སུ་མཆིའོ། །བདག་ཅག་མགོན་མེད་སྐྱབས་མེད་ཅིང་སྡུག་བསྔལ་གྱི་འདམ་དུ་བྱིངས་པའི་སེམས་ཅན་རྣམས་ལ་རྗེས་སུ་བརྩེ་བའི་སླད་དུ། སང་བསོད་སྙོམས་ཀྱི་དུས་ཚོད་ལ་གནས་འདིར་གཤེགས་སུ་གསོལ་ལོ། །གཤེགས་ཤིང་བཞུགས་ནས་ཀྱང་བདག་ཅག་གིས་ལེགས་
D508.088.0010a04.01པར་སྦྱར་བའི་མཆོད་པ་རྣམས་བཞེས་ལ་བདག་ཅག་ལ་སོགས་པ་སེམས་ཅན་ཐམས་ཅད་ཀྱི་མགོན་དང་སྐྱབས་དང་དཔུང་གཉེན་མཛད་དུ་གསོལ། ཕན་པ་དང་བདེ་བ་དང་། རྣམ་པར་གྲོལ་བའི་ལམ་བསྟན་དུ་གསོལ། འཇིགས་པ་ཐམས་ཅད་དང་། གནོད་པ་ཐམས་ཅད་དང་། ཉམ་
D508.088.0010a05.01ང་བ་ཐམས་ཅད་བསལ་དུ་གསོལ། དེ་ལྟར་གསོལ་བ་བཏབ་མ་ཐག་ཏུ་ས་རྣམ་པ་དྲུག་ཏུ་གཡོས་སོ། །བུམ་པ་ཡང་འགུལ་ཞིང་ས་ལ་འགྱིལ་ཏོ། །བུམ་ཆུ་ས་ལ་ཕོས་ཏེ་པདྨའི་རྫིང་བུ་ཆེན་པོར་གྱུར་ཏོ། །དེ་ཡང་ལྷའི་ཆུ་དང་མཉམ་པ། དྲི་བཟང་འཐུལ་བ། གཙང་བ། ཧ་ཅང་མི་གྲང་ཧ་
D508.088.0010a06.01ཅང་མི་དྲོ་ཡིད་དུ་འོང་བ། ཡན་ལག་བརྒྱད་དང་ལྡན་པ་རྫིང་བུ་ཡོངས་སུ་གང་བའི་གཏིང་གསེར་གྱི་བྱེ་མ་བརྡལ་བ། ཨུཏྤ་ལ་དང་པདྨ་དང་པདྨ་དམར་པོ་དང་། པུཎྜ་རཱི་ཀ་ལ་སོགས་པ་རིན་པོ་ཆེའི་མེ་ཏོག་སྣ་ཚོགས་ཀྱིས་ཁེབས་པ། དབུས་སུ་གསེར་གྱི་ས་གཞིའི་གླིང་ཆེན་པོ། ཕྱོགས་
D508.088.0010a07.01