完整藏文原文 · 德格版页 当前仅加载第 94 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དབང་དུ་འགྱུར་རོ། །དུར་ཁྲོད་དུ་གཟུགས་བརྙན་བྱས་ནས་རྐང་པ་ལ་ཕུར་བུས་གདབ་པར་བྱའོ། །དེ་ནས་རིག་པ་བཟླས་པར་བྱའོ། །དེ་ལ་ཡང་བ་ལང་གི་པགས་པའི་ཚད་ཙམ་གྱི་དཀྱིལ་འཁོར་ཉེ་བར་བྱུགས་ནས་མཆོད་པ་རྒྱ་ཆེན་པོ་བྱས་ནས་རིག་
D724.094.0035a01.01པ་འབུམ་བཟླས་པར་བྱའོ། །དུར་ཁྲོད་དུ་ཏིལ་གྱི་སྦྱིན་སྲེག་སྟོང་ཕྲག་བརྒྱད་བྱ་སྟེ་ཉི་མ་བདུན་དུ་མཚན་མོ་སྦྱིན་སྲེག་བྱའོ། །ཉི་མ་རེ་རེ་ལ་དངུལ་ལྔ་ལྔ་སྦྱིན་པར་བྱེད་དོ། །ཀུ་མུ་ཏ་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་འབུམ་བྱས་ན་ངེས་པར་མཐོང་ངོ་། །
D724.094.0035a02.01དུར་ཁྲོད་ཀྱི་ཐལ་བ་ལ་གཟུགས་བརྙན་བྱས་ཏེ་དེ་ལ་ཉེ་བར་འདུག་ནས་ཨརྒའི་ཤིང་ལ་མེ་སྦར་ནས་དྲི་ཞིམ་པོའི་ཏིལ་མར་གྱིས་བཏགས་པའི་སྣ་མའི་མེ་ཏོག་གིས་སྦྱིན་སྲེག་སྟོང་ཕྲག་བརྒྱད་བྱས་ན་མི་སྣང་བར་འགྱུར་རོ། །ཆོ་ག་འདི་ཁོ་ནས་མིང་ནས་སྨོས་ན་ལཱནྫའི་རྒྱལ་པོ་དང་བློན་པོར་
D724.094.0035a03.01འགྱུར་རོ། །བུད་མེད་དབང་དུ་བྱེད་ན་ཨ་ཏི་མུཀྟའི་མེ་ཏོག་གི་སྦྱིན་སྲེག་བྱས་ན་དབང་དུ་འགྱུར་ཏེ། ཉི་མ་བདུན་ནས་ཡིད་ཀྱིས་གང་གི་ཚེ་བསམས་པ་དེའི་ཚེ་འོང་ངོ་། །དུར་ཁྲོད་དུ་སོང་ནས་དཀྱིལ་འཁོར་ཉེ་བར་བྱུགས་ཏེ། ཤ་ཆེན་གྱིས་སྦྱིན་སྲེག་བྱས་ནས་ཉི་མ་བདུན་པ་ལ་ཤ་
D724.094.0035a04.01ཟས་ཟིན་པ་རྣམས་བལྟས་པས་ཐར་བར་འགྱུར་རོ། །དུར་ཁྲོད་དུ་ཤ་ཆེན་གྱིས་སྦྱིན་སྲེག་སྟོང་ཕྲག་བཅུ་བྱས་ན་ཤ་ཟ་ཐམས་ཅད་ཀྱང་དབང་དུ་འགྱུར་རོ། །ནེ་ལེའི་སྤུའི་སྦྱིན་སྲེག་སྟོང་ཕྲག་བརྒྱད་བྱས་ན་འབྱུང་པོ་ཐམས་ཅད་ཀྱང་དབང་དུ་འགྱུར་རོ། །དུར་ཁྲོད་དུ་བཤང་བའི་སྦྱིན་
D724.094.0035a05.01སྲེག་བྱས་ན་སྲུལ་པོས་ཟིན་པ་རྣམས་ཡིད་ཀྱིས་ཀྱང་ཐར་རོ། །ཁྲག་གིས་སྦྱིན་སྲེག་བྱས་ན་མཁའ་འགྲོ་མ་རྣམས་དབང་དུ་འགྱུར་རོ། །དུར་ཁྲོད་དུ་བོཌྜ་ཀའི་སྦྱིན་སྲེག་བྱས་ནའང་ཤ་ཟ་མི་འོང་ངོ་། །སྦྲུལ་གྱི་ཤུན་པའི་སྦྱིན་སྲེག་བྱས་ན་སྦྲུལ་རྣམས་འབྲོས་པར་བྱེད་དོ། །དེ་ནས་
D724.094.0035a06.01སྒྲུབ་པ་པོས་གཏོར་མ་བྱས་ནས་ཨརྒའི་ཡམ་ཤིང་གིས་སྦྱིན་སྲེག་སྟོང་ཕྲག་བརྒྱད་བྱའོ། །རྣམ་པར་འགྱུར་བའི་གཟུགས་ཅན་གྱི་གནོད་སྦྱིན་མ་འོང་བར་འགྱུར་ཏེ་འཇིགས་པར་མི་བྱ་བར་རིག་པ་དྲན་པས་སྟོད་ཅིག་སྟོང་ཅིག་ཅེས་སོ། །དེ་དེའི་ཚེ་མཆོག་གསུམ་པོ་རྣམས་ཀྱི་གཅིག་
D724.094.0035a07.01