完整藏文原文 · 德格版页 当前仅加载第 94 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
དབང་དུ་འགྱུར་རོ། །རྒྱལ་རིགས་དབང་དུ་བྱེད་པ་ལ་ཚ་བའི་ཏིལ་མར་གྱིས་བཏགས་པའི་ཡུངས་ཀར་སེང་ལྡེང་གི་ཤིང་གི་མེ་ལ་སྦྱིན་སྲེག་བྱས་ན། སྔར་བཞིན་དབང་དུ་འགྱུར་རོ། །རྗེ་རིགས་དབང་དུ་བྱེད་པ་ལ་འབྲས་སཱ་ལུའི་ཟན་ཞོ་དང་ལྷན་ཅིག་པ་ཨ་མྲའི་ཤིང་གི་མེ་ལ་སྦྱིན་
D724.094.0104b01.01སྲེག་བྱ་སྟེ། སྔར་བཞིན་དབང་དུ་འགྱུར་རོ། །དམན་པ་ཐམས་ཅད་དབང་དུ་བྱེད་པ་ལ་ཚེར་མ་ཅན་གྱི་ཡམ་ཤིང་གིས་མེ་སྦར་ནས་སྐེ་ཚེ་དང་། དུག་དང་། ནིམ་པ་ལྷན་ཅིག་པའི་སྦྱིན་སྲེག་ཟླ་བ་གཅིག་ཏུ་ཇི་ལྟར་འདོད་པའི་ཐུན་མཚམས་ལ་བརྩམས་ནས་དུས་གཅིག་ལ་སྟོང་ཕྲག་བརྒྱད་བྱས་
D724.094.0104b02.01ན་དེ་དབང་དུ་འགྱུར་རོ། །གཞན་ཡང་འདིར་འབྱུང་བ་ནི་ཐུན་མོང་དུ་མཆོག་དང་། །འབྲིང་དང་ཐ་མ་སྒྲུབ་པའི་ལས་ནི་ཡུངས་ཀར་དཀར་པོ་སྟོང་ཕྲག་བརྒྱད་གང་བསྟན་བྱའི་སྦྱིན་སྲེག་བྱེད་པ་དེ་དབང་དུ་འགྱུར་རོ། །བུད་མེད་དབང་དུ་བྱེད་པ་ལ་ཏིལ་གྱི་སྦྱིན་སྲེག་སྟོང་ཕྲག་བརྒྱད་
D724.094.0104b03.01བྱ་སྟེ་དབང་དུ་འགྱུར་རོ། །ནག་པོའི་བཅུ་བཞི་པ་ལ་ཡུངས་ཀར་དཀར་པོ་ལ་མར་དང་། ཞོ་དང་སྦྲང་རྩིས་བཏགས་པའི་སྲེག་བླུགས་བདུན་སྦྱིན་སྲེག་བྱའོ། །གང་བསྟན་བྱ་ཉི་མ་གསུམ་ལ་དབང་དུ་འགྱུར་རོ། །གཞོན་ནུ་མ་དབང་དུ་བྱེད་པར་འདོད་པས་རམ་ག་
D724.094.0104b04.01ནའི་མེ་ཏོག་སྟོང་ཕྲག་བརྒྱད་ཀྱིས་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱས་ན་དབང་དུ་འགྱུར་རོ། །སྤྲ་ཚིལ་ལས་བྱུང་བའི་གཟུགས་བརྙན་བྱས་ནས་བདག་ཉིད་ཀྱི་ལག་པར་བཞག་སྟེ་སྟོང་ཕྲག་བརྒྱད་བཟླས་ན་གང་བསྟན་པ་དེ་དབང་དུ་འགྱུར་རོ། །རས་
D724.094.0104b05.01རིས་ཀྱིས་སྤྱན་སྔར་མེ་ཏོག་དཀར་པོ་བརྒྱད་བརྒྱ་དབུལ་བར་བྱ་སྟེ། གང་འདོད་པ་དེ་དབང་དུ་འགྱུར་རོ། །དུང་དང་གླ་རྩི་དང་། ཤུ་དག་དང་གི་ཝང་དང་། རྒྱ་སྤོས་རྣམས་གཅིག་ཏུ་བྱས་ནས་བཏགས་པར་བྱའོ། །སྟོང་ཕྲག་བརྒྱད་མངོན་པར་བསྔགས་པར་བྱས་ནས་
D724.094.0104b06.01འདི་བཏུངས་པས་སམ། གང་ལ་བྱིན་པ་དེ་དབང་དུ་འགྱུར་རོ། །བྲམ་ཟེ་མོ་དབང་དུ་བྱེད་པ་ལ་རས་རིས་ཀྱི་སྤྱན་སྔར་བིལ་བའི་མྱུ་གུ་སྟོང་ཕྲག་བརྒྱད་སྦྱིན་སྲེག་བྱས་ན་དབང་དུ་འགྱུར་རོ། །དུར་ཁྲོད་དུ་ལན་བདུན་བཟླས་པས་བུད་མེད་གང་ལ་སྐྱེས་བུ་གང་གིས་མདུན་དུ་
D724.094.0104b07.01