完整藏文原文 · 德格版页 当前仅加载第 94 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་འོ་མ་དང་ནས་ཟན་ཟ་ཞིང་ཇི་ལྟར་འབྱོར་པའི་མཆོད་པ་བྱས་ནས་སྟོང་ཕྲག་བརྒྱ་བཟླས་པར་བྱའོ། །རྨུགས་པར་བྱེད་པ་དང་། རྨོངས་པར་བྱེད་པ་ལ་སོགས་པའི་ལས་རྣམས་ནུས་པར་འགྱུར་རོ། །ཕྱེ་ཟ་ཞིང་ཆུ་ཀླུང་གི་ཆུར་ཞུགས་ནས་འབུམ་བཟླས་
D724.094.0114a01.01པར་བྱའོ། །དབང་དུ་བྱེད་པ་དང་། མི་སྣང་བ་དང་། ལྡོང་རོས་ལ་སོགས་པས་སྒྲུབ་པ་རྣམས་ནུས་པར་འགྱུར་རོ། །ཀླུའི་གནས་སུ་ཀརྦཱ་པའི་བཏུས་པའི་སྦྱིན་སྲེག་བྱའོ། །ཀླུ་རྣམས་དབང་དུ་འགྱུར་རོ། །གང་ཚོལ་བ་དེ་རྙེད་དོ། །ལག་པ་གཡས་པའི་སོར་མོ་
D724.094.0114a02.01ལ་སྲུང་བ་མངོན་པར་བསྔགས་པ་བྱས་ནས་རྒྱལ་པོའི་མཐར་ཟློས་ཤིག །དབང་དུ་འགྱུར་རོ། །ཆོ་ག་འདི་ཉིད་ཁོ་ནས་རྒྱལ་པོ་དང་། མ་ཧེ་དང་། སྟག་དང་། གཟིག་ལ་སོགས་པ་འཇིགས་པར་བྱེད་དོ། །ཏིལ་གྱི་སྦྱིན་སྲེག་གིས་རོ་ལྡན་མ་དབང་དུ་བྱེད་དོ། །ཤ་འཚོང་
D724.094.0114a03.01བས་བདག་ཉིད་སྲུང་བ་དང་གཞན་སྲུང་བའོ། །ལན་བདུན་མངོན་པར་བསྔགས་པས་གཙུག་ཏོར་བཅིང་བའོ། །གཡུལ་དང་རྒྱལ་པོའི་ཕོ་བྲང་དུ་རྩོད་པ་ལ་བཟླས་པས་རྒྱལ་བར་འགྱུར་རོ། །ཆུས་མངོན་པར་དབང་སྐུར་བར་བྱེད་པར་འདོད་པས་རྩ་བ་དང་།
D724.094.0114a04.01ནག་པོ་ལ་སོགས་པ་མེད་པའི་བུམ་པ་བཞི་ཡལ་འདབ་ཀྱིས་ཁ་བརྒྱན་ཏེ་འབབ་ཆུ་དང་། དྲི་དང་ས་བོན་ཐམས་ཅད་བཅུག་ནས་སྟོང་ཕྲག་བརྒྱད་མངོན་པར་བསྔགས་པ་བྱས་ཏེ་ཆུ་དེས་བདག་ཉིད་ལ་མངོན་པར་དབང་བསྐུར་ན་བདག་བགེགས་དང་ལོག་པར་འདྲེན་པ་
D724.094.0114a05.01ཐམས་ཅད་ལས་གྲོལ་ལོ། །སྐོམ་པ་ངང་རིམས་ལས་དྲིའི་ཆུ་ལ་བརྒྱད་བརྒྱར་མངོན་པར་བསྔགས་པ་བྱས་ནས་མངོན་པར་གཏོར་བར་བྱ་སྟེ་རང་གནས་སུ་འགྱུར་རོ། །རོ་ལངས་ལ་སང་ལྡེང་གི་ཕུར་བུས་བྱས་པའི་སྦྱོར་བས་རབ་ཏུ་འབད་པ་འཁྲུལ་འཁོར་ལེགས་པར་
D724.094.0114a06.01བྱས་ནས་ཕྱོགས་བཞིར་སྐྱེས་དུ་ལག་ན་རལ་གྲི་ཐོགས་པ་བཞི་བཞག་སྟེ་སྟིང་གར་ཉེ་བར་འདུག་སྟེ་ལྕགས་ལས་བྱས་པའི་བླུགས་གཟར་གྱིས་ལྕགས་ཀྱི་བྱེ་མའི་སྦྱིན་སྲེག་བྱའོ། །འདིའི་ཁ་ནས་ལྕེ་ངེས་པར་འབྱུང་སྟེ་རལ་གྲི་རྣོན་པོས་བཅད་ནས་ཨུཏྤལ་སྔོན་པོ་དང་
D724.094.0114a07.01