完整藏文原文 · 德格版页 当前仅加载第 94 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
དབང་དུ་བྱེད་པ་ལ་རྒྱལ་པོའི་སྒོར་སོ་ཤིང་ཟ་བ་ལ་སོ་ཤིང་སྦྱིན་པ་དང་། འབྲས་བུ་སྦྱིན་པ་དང་། དྲི་སྦྱིན་པའོ། །ས་གཞི་བཅིང་བ་དང་། ཆོམ་རྐུན་བཅིང་བ་དང་། མཆེ་བ་ཅན་ཐམས་ཅད་རེངས་པ་དང་། གཏན་པ་གཅོག་པ་དང་། མེ་རེངས་པ་དང་།
D724.094.0118a01.01དུག་འདྲེན་པ་དང་། དུག་འཕོ་བ་དང་། དུག་བཅིང་བ་དང་། འབྱུང་པོ་དབང་དུ་བྱེད་པ་དང་། མཁའ་འགྲོ་མའི་གདོན་ལས་དགྲོལ་བ་དང་། རིམས་མངག་པ་དང་། བདག་ཉིད་སྲུང་བ་དང་། གཞན་སྲུང་བ་དང་། རོ་ལངས་སློང་བར་བྱེད་པ་དང་། ཕུག་ཏུ་འཇུག་པར་བྱེད་པ་དང་།
D724.094.0118a02.01མཚམས་བཅིང་བ་རྣམས་ལ་ཡང་བཟླས་པ་ཙམ་གྱིས་སོ། །མི་སྣང་བར་འདོད་པས་ཤིང་ཤ་ཏཱ་བ་རིའི་རྩ་བ་ལ་སྟོང་མངོན་པར་བསྔགས་པ་བྱས་ན་ལག་པས་ཆིངས་ཤིག་མི་སྣང་བར་འགྱུར་རོ། །རས་རིས་ཀྱི་སྤྱན་སྔར་བཟླས་པ་བྱས་ནས་ཕྱི་ནས་མེ་ཏོག་བརྒྱད་པ་དཔའ་བོའི་རིན་གྱིས་
D724.094.0118a03.01ཉོས་པ་བླངས་ཏེ། ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་བྱའོ། །ཇི་སྲིད་རྩ་བའི་རིན་གྱི་ཚད་དུ་བྱས་པས་བརྒྱ་འགྱུར་གྱི་རིན་རྙེད་དོ། །དེ་ནས་ཟླ་བ་གཟས་བཟུང་བ་ན་བྱང་ཆུབ་ཤིང་གི་འོག་ཏུ་དྲི་དང་མེ་ཏོག་དང་། བདུག་པས་མཆོད་པ་བྱས་ནས་ལྡོང་རོས་སྲང་གཅིག་
D724.094.0118a04.01བླངས་ཏེ། ཨ་ཤྭཏྠའི་འདབ་མ་བདུན་གྱི་སྟེང་དུ་བཞག་ནས་ལུས་རྣམ་པར་བཅོམ་ནས་གཞག་པར་བྱ་སྟེ་སྐད་ཅིག་དེ་ཉིད་ལ་དེ་སྐྱེ་སྟེ་རིག་པ་འཛིན་པར་འགྱུར་རོ། །ལྷ་དང་། ཀླུ་དང་གནོད་སྦྱིན་ཐམས་ཅད་ལ་ཐོགས་པ་མེད་པར་འགྱུར་རོ། །ལྷའི་རྣ་བ་དང་ཡིད་ལྟར་མགྱོགས་པ་དང་།
D724.094.0118a05.01ཉི་མ་འཆར་ཀའི་མདོག་ཅན་རིག་པ་འཛིན་པ་ཐམས་ཅད་ཀྱིས་མང་དུ་འདོད་པར་འགྱུར་རོ། །རིག་པ་འཛིན་པ་བརྒྱ་ཕྲག་གིས་ཡོངས་སུ་བསྐོར་བར་འགྱུར་རོ། །གི་ཝང་སྒྲུབ་པར་འདོད་པས་འོ་མ་དང་ནས་ཟན་ཟ་ཞིང་འབུམ་བཟླས་པར་བྱའོ། །ཟླ་བ་གཟས་བཟུང་བ་ན་ལོ་མ་བདུན་
D724.094.0118a06.01པའི་འདབ་མའི་སྟེང་དུ་བྱིན་ནས་རིང་བསྲེལ་དང་བཅས་པའི་མཆོད་རྟེན་དུ་གི་ཝང་རྣམ་པར་དོར་ནས་ཇི་སྐད་གསུངས་པའི་ཆོ་གས་བསྒྲུབ་པར་བྱའོ། །ཇི་སྲིད་འབར་བར་གྱུར་པར་རོ། །ཐིག་ལེ་བྱས་ན་རྒྱན་གྱིས་བརྒྱན་པའི་རིག་པ་འཛིན་པ་འདོད་པའི་གཟུགས་ཅན་དུ་འགྱུར་རོ། །
D724.094.0118a07.01