完整藏文原文 · 德格版页 当前仅加载第 94 函德格 131a 版页；藏文 NFD、目录标记与异常页序保留在来源切片中，重复版页行以稳定序号区分。
གང་ལ་རེག་པ་དེ་དབང་དུ་འགྱུར་རོ། །ཀུ་ཤ་ལས་བྱུང་བའི་འཁོར་ལོ་བྱས་ནས་ལན་བདུན་བཟླས་པ་ཆུར་བཅུག་སྟེ་ཀླུ་རྣམས་ལངས་ནས་ཅི་བགྱི་ཞེས་སྨྲ་བར་བྱེད་དོ། །དོང་ཙེ་འབུམ་བྱིན་ཅིག་ཅེས་བརྗོད་པར་བྱའོ། །སློང་མོ་ཟ་ཞིང་རིའི་རྩེ་མོར་འཛེགས་ཏེ་སྟོང་
D724.094.0131a01.01ཕྲག་བརྒྱ་བཟླས་པར་བྱ་སྟེ། དེ་བཞིན་གཤེགས་པའི་སྐུ་མངོན་དུ་འགྱུར་རོ། །དེ་མཐོང་ནས་འགྲུབ་པར་བྱེད་དོ། །རྒྱ་མཚོར་འགྲོ་བའི་ཆུ་ཀླུང་དུ་ཞུགས་ནས་ཨརྒའི་མེ་ཏོག་གིས་སྦྱིན་སྲེག་གྱིས་ཤིག །ཉི་མ་མཆོག་སྦྱིན་པར་འགྱུར་རོ། །ཆུ་ཀླུང་དེ་ཉིད་དུ་རྐེད་པ་ནུབ་ཙམ་
D724.094.0131a02.01དུ་ཞུགས་ནས་བིལ་བའི་མེ་ཏོག་རབ་ཏུ་ལྷུག་ཅིག །མེས་པོས་མཆོག་སྦྱིན་པར་འགྱུར་རོ། །མནྡཱ་ར་བའི་མེ་ཏོག་གིས་སྦྱིན་སྲེག་གྱིས་ཤིག །དབང་པོས་མཆོག་སྦྱིན་པར་འགྱུར་རོ། །དེ་ཉིད་ཆུ་ལ་མནྡཱ་ར་བའི་མེ་ཏོག་གིས་ནོར་སྦྱིན་མཆོག་སྦྱིན་པར་འགྱུར་རོ། །འབུམ་ཕྲག་
D724.094.0131a03.01གཉིས་བཟླས་པར་བྱའོ། །རྒྱལ་པོར་འགྱུར་བར་བྱེད་དོ། །འབུམ་ཕྲག་གསུམ་བཟླས་པར་བྱའོ། །སེམས་ཅན་ཐམས་ཅད་འགུགས་པར་བྱེད་དོ། །རྒྱས་ཚོར་འགྲོ་བའི་ཆུ་ཀླུང་དུ་ཞུགས་ཏེ་མྱ་ངན་མེད་པའི་ཤིང་གི་མེ་ཏོག་སྟོང་ཕྲག་བརྒྱ་བླུག་པར་བྱའོ། །མཚན་
D724.094.0131a04.01མོ་བདུན་གྱིས་གནོད་སྦྱིན་མོ་རྣམས་འགུགས་པར་བྱེད་དོ། །ཤིང་ལ་མི་སྨྲ་བར་ཟླ་བ་དྲུག་ཏུ་བཟླས་པར་བྱའོ། །མངོན་པར་འདོད་པའི་རྫས་སོ་སོར་རྙེད་དོ། །ཨརྒ་ལས་བྱུང་བའི་རྒྱལ་པོའི་གཟུགས་བརྙན་སོར་དྲུག་པ་བྱས་ནས་ཁ་དོག་མ་འདྲེས་པས་རྒྱན་ཐམས་ཅད་
D724.094.0131a05.01ཀྱིས་རྣམ་པར་བརྒྱན་པ་འདྲིར་གཞུག་པར་བྱའོ། །དཀྱིལ་འཁོར་པའི་རྒྱལ་པོར་འགྱུར་རོ། །ཡང་ན་རིག་པ་འཛིན་པ་ཉིད་དོ། །རས་རིས་ཀྱི་སྤྱན་སྔར་མི་སྨྲ་བར་ཟླ་བ་དྲུག་ཏུ་ལག་པ་གཡོན་པ་ལ་མངོན་པར་བསྔགས་ནས་ཁྲི་ཡོངས་སུ་བཟླས་ཏེ་ཉེ་བར་གྱུར་པའི་གཏེར་
D724.094.0131a06.01འབུམ་འབྱུང་ངོ་། །འབྲས་ཡོས་ལ་ཞོ་དང་སྦྲང་རྩི་དང་མར་གྱིས་བཏགས་པ་སྟོང་ཕྲག་བཅུ་དང་། ཨ་བཱ་མརྒའི་ཡམ་ཤིང་ལ་ཞོ་དང་སྦྲང་རྩི་དང་མར་གྱིས་བཏགས་པ་སྟོང་ཕྲག་བཅུ་སྦྱིན་སྲེག་གྱིས་ཤིག །གསེར་སྟོང་ཕྲག་བཅུ་སོ་སོར་རྙེད་དོ། །གི་ཝང་བླངས་ཏེ་རིལ་
D724.094.0131a07.01