完整藏文原文 · 德格版页 当前仅加载第 94 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་དོ། །ཐམས་ཅད་ལ་ཟླ་བ་གཅིག་ཏུ་དུས་གཅིག་ཏུ་པ་ལཱ་ཤའི་མེ་ལ་སྦྱིན་སྲེག་སྟོང་ཕྲག་བརྒྱད་པའོ། །གཙང་མར་གྱུར་པས་ཉིན་མཚན་དུ་སྨྱུང་བར་གནས་ཏེ་གཟུགས་བརྙན་གྱི་སྤྱན་སྔར་བིལ་བའི་ཡམ་ཤིང་གིས་མེ་སྦར་ནས་བིལ་བའི་སྦྱིན་སྲེག་འབུམ་བྱའོ། །
D724.094.0109a01.01གཏེར་མཐོང་བར་འགྱུར་རོ། །མཚན་མོ་ཉི་ཤུར་འོ་མ་དང་ནས་ཟན་ཟ་ཞིང་པ་ལཱ་ཤའི་མེ་ལ་ཡུངས་ཀར་དཀར་པོའི་སྦྱིན་སྲེག་བྱ་སྟེ་ནོར་རྙེད་དོ། །འོ་མ་དང་ནས་ཟན་ཟ་ཞིང་འབུམ་ཕྲག་ལྔར་བཟླས་པར་བྱའོ། །དེ་ནས་རས་རིས་ཀྱི་སྤྱན་སྔར་ཟླ་བ་གཅིག་ཏུ་ཐུན་གསུམ་དུ་ཡུངས་
D724.094.0109a02.01ཀར་དཀར་པོ་ལ་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱ་སྟེ་ནོར་གྱི་རྒྱུན་གང་དུ་འདོད་པ་དེར་ལྟུང་བར་བྱེད་དོ། །ཟས་བཞིན་སྨྱུང་བར་གནས་པས་ཡུངས་ཀར་གྱིས་སྦྱིན་སྲེག་བྱའོ། །རྒྱུ་སྐར་གྱི་གནོད་པ་ཉེ་བར་ཞི་བར་བྱེད་དོ། །གཟུགས་བརྙན་གྱི་སྤྱན་སྔར་མཚན་
D724.094.0109a03.01བརྒྱད་དུ་བིལ་བའི་ཤིང་གིས་མེ་སྦར་ནས་ཏིལ་གྱིས་སྦྱིན་སྲེག་འབུམ་བྱའོ། །གཏེར་མཐོང་བར་བྱེད་དོ། །ཡང་ན་དབང་ཕྱུག་ཉིད་རྙེད་དོ། །གཟུགས་བརྙན་གྱི་སྤྱན་སྔར་མཆོད་པ་རྒྱ་ཆེན་པོ་བྱས་ནས་དཀར་པོའི་ཚེས་གཅིག་ནས་བརྩམས་ཏེ་ཟླ་བ་གཅིག་ཏུ་པ་ལཱ་ཤའི་
D724.094.0109a04.01མེ་ལ་མེ་ཏོག་བརྒྱ་པའི་སྦྱིན་སྲེག་སྟོང་ཕྲག་བརྒྱ་བྱའོ། །ཇི་ལྟར་འདོད་པའི་ནོར་རྙེད་དོ། །རིང་བསྲེལ་དང་བཅས་པའི་མཆོད་རྟེན་དུ་པ་ལཱ་ཤའི་ཤིང་གིས་མེ་རབ་ཏུ་སྦར་ནས་ཞོ་དང་སྦྲང་རྩི་དང་མར་གྱིས་བཏགས་པ་འབུམ་སྦྱིན་སྲེག་བྱའོ། །ཡུལ་གྲུ་བཅུ་ལ་སྤྱོད་པ་རྙེད་དོ། །
D724.094.0109a05.01གཟུགས་བརྙན་གྱི་སྤྱན་སྔར་དཀར་པོའི་ཚེས་གཅིག་ནས་བརྩམས་ཏེ་འོ་མ་དང་ནས་ཟན་ཟ་ཞིང་པདྨ་འབུམ་དབུལ་བར་བྱའོ། །གཏེར་རྙེད་དོ། །ཡང་ན་དབང་ཕྱུག་རྙེད་དོ། །འདི་རྣམས་ཁོ་ན་ཀུ་མུ་དའི་ཆོ་ག་སྟེ་རྒྱལ་པོ་ལ་གང་ཚོལ་བ་དེ་རྙེད་དོ། །གཟུགས་བརྙན་གྱི་སྤྱན་སྔར་
D724.094.0109a06.01བིལ་བ་དང་ཏིལ་ཕན་ཚུན་བསྲེས་པས་འབུམ་སྦྱིན་སྲེག་བྱའོ། །གཏེར་མཐོང་བར་བྱེད་དོ། །གཟུགས་བརྙན་གྱི་སྤྱན་སྔར་དཀར་པོའི་ཚེས་གཅིག་ནས་བརྩམས་ནས་པྲི་ཡང་ཀུའི་ཞོགས་མ་རྣམས་ཞོ་དང་སྦྲང་རྩི་དང་མར་གྱིས་བཏགས་པའི་བིལ་བའི་མེ་ལ་འབུམ་སྦྱིན་སྲེག་བྱའོ། །
D724.094.0109a07.01