完整藏文原文 · 德格版页 当前仅加载第 94 函德格 136b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པ་སྣ་ཚོགས་ཁ་དོག་ཉིད། །ཁ་དོག་གསལ་བ་དེ་འདྲ་ཡོད། །མེ་ནི་འབར་བ་མཐོང་ནས་ནི། །སླར་ཡང་ལས་རྣམས་བརྩམ་པར་བྱ། །སྤྱན་དྲངས་བྱས་ལ་གཟུགས་ཁ་དོག །གལ་ཏེ་སྔགས་ཀྱི་དངོས་གྲུབ་འགྱུར། །སླར་ཡང་སྦྱིན་སྲེག་རབ་འཇུག་པ། །
D724.094.0136b01.01ལས་ཀྱི་ཆོ་ག་མཐོང་བ་ཡིས། །སྤྱན་དྲངས་གཤེགས་སུ་གསོལ་བ་ཉིད། །མེ་ལ་སྔགས་ནི་བརྗོད་པར་བྱ། །སྔར་ནི་རབ་ཏུ་བཏགས་པས་ཀྱང་། །དཀྱིལ་འཁོར་འདི་རུ་རྣམ་པ་གཞན། །མཆོག་དེ་ཉིད་ཀྱིས་དེ་གྱིས་ཤིག །སྦྱིན་སྲེག་འདི་ལ་སྤྱན་དྲང་དང་། །
D724.094.0136b02.01གཤེགས་སུ་གསོལ་བའི་ལས་ཅན་གྱིས། །ལས་རྣམས་དེ་ཉིད་ཀྱིས་བྱའོ། །དེར་ནི་མེ་ཡི་སྤྱོད་པའི་ལས། །དེ་བཞིན་གཟུགས་དང་རས་རིས་ཀྱི། །སྤྱན་སྔར་བརྩམས་ནས་འགྲུབ་པར་བྱེད། །དེ་ལ་སྔགས་ནི་སྔར་བརྗོད་པ། །དེ་བཞིན་གཤེགས་པ་
D724.094.0136b03.01རྒྱལ་བས་བསྔགས། །ལས་རྣམས་ཀུན་ནས་དེར་བྱའོ། །གཞན་པའི་ལས་རྣམས་མི་བྱ་སྟེ། །ཁྱད་པར་སྡིག་པ་ཅན་གྱི་ལས། །རྒྱལ་བ་མཆོག་གིས་སྨད་པ་དང་། །གང་དུ་འཇིག་རྟེན་དང་འགལ་སྨད། །འཁོར་ལོས་སྒྱུར་བ་ཉིད་དུ་ལངས། །དེ་ནས་བྱང་སེམས་
D724.094.0136b04.01ས་ཡི་བདག །དེ་བཞིན་མངོན་ཤེས་ལྔ་ཐོབ་པ། །དེ་ནས་ལྷ་ཉིད་འགྲུབ་པར་བྱེད། །འདིར་ནི་རྟག་ཏུ་སྦྱོར་ཤེས་པ། །རས་རིས་སྦྱིན་སྲེག་ལས་ལ་མཁས། །ས་འོག་བདག་པོ་ཉིད་དང་ནི། །བར་སྣང་ལ་ནི་སྤྱོད་པར་བྱེད། །དེ་ནས་ས་བླའི་ལྷ་དང་ནི། །གནོད་སྦྱིན་
D724.094.0136b05.01ཉིད་དམ་གནོད་སྦྱིན་མོ། །འགུགས་པར་བྱེད་ཅིང་རྟག་ཏུ་ཡང་། །རྒྱལ་སྲིད་ཀྱི་ནི་བདག་པོ་ཉིད། །ཡང་ན་ཡུལ་འདིར་འཁོར་བ་ཉིད། །ཡང་ན་རིག་དང་རིག་འཛིན་ཉིད། །ལྷ་མིན་ཉིད་དང་སེམས་ཅན་ཀུན། །དབང་བྱེད་རྗེས་འགྲོ་འགུགས་པར་བྱེད། །སེམས་
D724.094.0136b06.01དཔའ་ཆེན་པོ་ཡང་དག་པ། །བྱང་ཆུབ་སེམས་དཔའ་བདག་ཉིད་ཆེ། །སེམས་ཅན་ས་བཅུར་གནས་བཅས་པ། །སྦྱིན་སྲེག་ལས་ཀྱིས་འགུགས་པར་བྱེད། །ས་སྟེངས་མི་རྣམས་སྨོས་ཅི་དགོས། །ལྷག་མའི་བདག་པོ་ཉིད་དེ་བཞིན། །ཁྱད་པར་འཇིག་རྟེན་དབང་ཕྱུག་ཉིད། །
D724.094.0136b07.01