完整藏文原文 · 德格版页 当前仅加载第 94 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྲག་སྦྱིན་སྲེག་གྱིས་ཤིག །ཕྱོགས་གཅིག་ལ་གཡུལ་དུ་གཞན་གྱིས་མི་ཐུབ་པར་འགྱུར་རོ། །གཞོན་ནུ་མས་བཀལ་བའི་སྲད་བུ་ལ་བརྒྱད་བརྒྱར་མངོན་པར་བསྔགས་པ་བྱས་ནས་མདུད་པ་བདུན་བྱའོ། །ལག་པ་ལ་བཅིངས་ནས་བརྟན་པ་དང་གཡོ་བའི་དུག་
D724.094.0167a01.01མཐུ་མེད་པར་འགྱུར་རོ། །དེ་ནས་མི་བཟད་པའི་སྦྲུལ་གྱི་མཆེ་བའི་དུག་ལ་སྭཱ་ཧཱའི་ཡི་གེའི་བར་དུ་ཁྱོར་བའི་ཆུ་བླངས་ནས་བརྒྱད་བརྒྱར་བ་སྔགས་ཏེ་བཏུང་བ་སྦྱིན་པར་བྱའོ། །དུག་ཉལ་བ་ཡང་སློང་བར་བྱེད་དོ། །དེ་ནས་མ་ལངས་ན་ཕྱོགས་བཞི་རྣམས་སུ་མངོན་པར་བསྔགས་པ་
D724.094.0167a02.01བྱས་ཏེ་བཏུང་བ་སྦྱིན་པར་བྱའོ། །འཇོག་པོས་ཀྱང་མཆེ་བའི་དུག་སློང་བར་བྱེད་དོ། །སྟན་གནྟི་ཀ་ལ་ལན་བདུན་མངོན་པར་བསྔགས་པས་ལ་བྱུག་པ་སྦྱིན་པར་བྱའོ། །མ་བཅིངས་པར་ཡང་དེ་ཉིད་དུ་སྐམ་པར་བྱེད་དོ། །ཚོར་བ་མེད་པར་བྱེད་དོ། །ཡམས་ཀྱིས་ཉེ་བར་འཚེ་
D724.094.0167a03.01བ་རྣམས་ལ་གྲོང་ངམ་གྲོང་ཁྱེར་གྱི་དབུས་སུ་མཚན་མོ་ཕྱེད་ནས་བ་ལང་གི་པགས་པའི་ཚད་ཀྱི་ཐང་ལ་ཉེ་བར་བྱུག་པ་བྱ་སྟེ། དཀར་གསུམ་གྱི་གཏོར་མ་བྱིན་ནས་དྲི་དང་མེ་ཏོག་ལག་པའི་གཏོར་མ་བྱིན་ཏེ་ལོ་མའི་ཤིང་གིས་མེ་རབ་ཏུ་སྦར་ནས་འོ་མའི་སྲེག་བླུགས་སྟོང་ཕྲག་བརྒྱད་
D724.094.0167a04.01སྦྱིན་སྲེག་གྱིས་ཤིག །ཉི་མ་གསུམ་གྱི་གྲོང་གསུམ་གྱི་དང་། ཉི་མ་བདུན་གྱིས་ཁོང་བའི་ཡམས་ཉེ་བར་ཞི་བར་བྱེད་དོ། །དེ་ནས་ཉེ་བར་ཞི་བར་མ་གྱུར་ན་འདིར་ཉི་མ་བདུན་དུ་བད་ཀན་མཐར་བྱེད་ཀྱི་ཡམ་ཤིང་གིས་མེ་སྦར་ནས། ཨཀྵའི་ཏིལ་མར་གྱིས་བཏགས་པའི་འབྲས་
D724.094.0167a05.01ཡོས་སྟོང་ཕྲག་བརྒྱད་སྦྱིན་སྲེག་གྱིས་ཤིག །ཉི་མ་གསུམ་ལ་འཕྲལ་གྱི་ཡམས་ཉེ་བར་ཞི་བར་བྱེད་དོ། །ཐལ་བས་འགྲམ་བཅིངས་ཏེ་ཟློས་བཞིན་པས་གང་མཐོང་བ་དེ་དགའ་བར་འགྱུར་རོ། །གང་མ་བསྒྲུབས་པར་ཡང་བཅོམ་ལྡན་འདས་མ་འཕགས་མ་སྒྲོལ་མའི་རས་རིས་
D724.094.0167a06.01ཀྱི་སྤྱན་སྔར་འགྱུར་རོ། །ཆོ་ག་གཞན་ནི་རིང་བསྲེལ་དང་བཅས་པའི་མཆོད་རྟེན་དུ་གཟུགས་བརྙན་གྱི་སྤྱན་སྔར་ཟླ་བ་ཉ་ལ་གཟུགས་བརྙན་ལ་དང་པོར་ནག་པོ་ཕྱོགས་ལ་མཆོད་པ་རྒྱ་ཆེན་པོ་བྱ་སྟེ། ཨརྒའི་ཡམ་ཤིང་གིས་མེ་སྦར་ནས་ཞོ་དང་སྦྲང་རྩི་དང་མར་གྱིས་བཏགས་པས་ཐུན་
D724.094.0167a07.01