完整藏文原文 · 德格版页 当前仅加载第 94 函德格 36a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་དབེན་པའི་ཕྱོགས་སུ་བ་བྱུང་གིས་དཀྱིལ་འཁོར་ཉེ་བར་བྱུགས་ཏེ་བཅོམ་ལྡན་འདས་ལ་གཏོར་མ་ཡང་ཕུལ་ནས། ཀུ་ཤའི་ཁྲེས་ལ་ཉེ་བར་འདུག་སྟེ་ཀཱ་མཱ་ཛའི་ཡམ་ཤིང་ལ་ཞོ་དང་སྦྲང་རྩི་དང་། མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་
D724.094.0036a01.01བྱའོ། །སྦྱིན་སྲེག་ཡོངས་སུ་རྫོགས་པ་ན་རྫས་ལག་ཏུ་ཕྱིན་པར་འགྱུར་རོ། །རྡོ་རྗེའི་རིགས་ལ་ཡང་སྦྱིན་སྲེག་ནི་རིང་བསྲེལ་དང་བཅས་པའི་མཆོད་རྟེན་ལ་དྲི་དང་མེ་ཏོག་དང་བདུག་པ་ལ་སོགས་པ་རྣམས་ཀྱིས་མཆོད་ཅིང་། བཅོམ་ལྡན་འདས་ལ་ཡང་གཏོར་མའི་ཆོ་ག་བྱས་ལ།
D724.094.0036a02.01དེ་ནས་སྒྲུབ་པ་པོས་ཁ་ཤར་དུ་ཕྱོགས་ལ་གུ་གུལ་གྱི་རིལ་བུས་སྦྱིན་སྲེག་སྟོང་ཕྲག་བརྒྱད་བྱས་ན་རྫས་ལག་ཏུ་ཕྱིན་པར་འགྱུར་རོ། །ནམ་མཁའ་ལྡིང་རྣམས་ལ་དུར་ཁྲོད་དུ་མཎྜལ་ལ་ཉེ་བར་བྱུགས་པ་བྱས་ནས་མཆོད་པ་དང་། གཏོར་མ་ཡང་ཇི་ལྟར་འབྱོར་པ་བྱ་སྟེ་ཀ་ར་བཱི་རའི་མེ་
D724.094.0036a03.01ཏོག་ལ་སོགས་པའི་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱས་ན་རྫས་ལག་ཏུ་ཕྱིན་པར་འགྱུར་རོ། །ལྷ་མ་ཡིན་རྣམས་ཀྱི་སྦྱིན་སྲེག་ནི་དབང་ཕྱུག་ཆེན་པོ་ལ་དྲི་སྣ་ཚོགས་ཀྱིས་མཆོད་པ་དང་། བཅོམ་ལྡན་འདས་ལ་ཡང་གཏོར་མ་བྱས་ནས་གཡས་ཀྱི་ལུས་ལ་ཤར་
D724.094.0036a04.01དུ་ཕྱོགས་པས་ཀ་ར་བཱི་རའི་ཡམ་ཤིང་གིས་སྦྱིན་སྲེག་སྟོང་ཕྲག་བརྒྱད་བྱས་ན་རྫས་ལག་ཏུ་ཕྱིན་པར་འགྱུར་རོ། །མ་མོའི་སྦྱིན་སྲེག་ནི་སྨིན་པའི་ཟས་དང་། ཤའི་གཏོར་མ་ཕུལ་ནས་ཕག་པའི་རུལ་མ་ལ་ཆང་གིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱས་ན་རྫས་ལག་ཏུ་
D724.094.0036a05.01ཕྱིན་པར་འགྱུར་རོ། །གནོད་སྦྱིན་རྣམས་ཀྱི་སྦྱིན་སྲེག་བྱ་བ་ནི་ཕྱག་ན་རྡོ་རྗེའི་སྤྱན་སྔར་རྣམ་པ་སྣ་ཚོགས་པའི་གཏོར་མ་ཕུལ་ནས་ཁ་ཤར་དུ་ཕྱོགས་པས་ཨརྒའི་མེ་ཏོག་གིས་སྦྱིན་སྲེག་སྟོང་ཕྲག་བརྒྱད་བྱས་ན་རྫས་ལག་ཏུ་ཕྱིན་པར་འགྱུར་རོ། །ཤ་ཟ་རྣམས་ཀྱི་སྦྱིན་སྲེག་ནི་དུར་ཁྲོད་
D724.094.0036a06.01དུ་དཀྱིལ་འཁོར་ཉེ་བར་བྱུག་པ་བྱས་ནས་ཏིལ་གྱི་ཏིལ་མར་གྱིས་བཏགས་པའི་ནི་མ་པའི་མེ་ཏོག་གིས་སྦྱིན་སྲེག་སྟོང་ཕྲག་བརྒྱད་བྱས་ན་རྫས་ལག་ཏུ་ཕྱིན་པར་འགྱུར་རོ། །འབྱུང་པོ་རྣམས་ཀྱི་སྦྱིན་སྲེག་ནི་དུར་ཁྲོད་ཀྱི་ཐལ་བས་དཀྱིལ་འཁོར་ཉེ་བར་བྱུགས་ནས་གཏོར་མ་ཡང་ཅི་འབྱོར་
D724.094.0036a07.01