德格《甘珠尔》D724

ཨ་ནེ་ན་པརྱ། བཱ་ཀྱེ་ན། ཨ་ཤུ་ཙི་ཤུ་ཙིར། བྷ་བཱ་མི་སྭཱ་ཧཱ། སྔགས་འདིས་ཆུ་ལ་ལན་ཅིག་ཡོངས་སུ་བཟླས་ནས་བཀྲུ་བར་བྱའོ། །སྔོན་དུ་བསྙེན་པ་དང་སྒྲུབ་པའི་དུས་སུ་དང་། ནད་པ་ལ་སྔགས་འདིས་ཁྲུས་བྱས་པས་གཙང་མར་འགྱུར་རོ། །མཚན་མོའི་སྟོད་

དུ་ཐུན་གསུམ་དུ་དམ་པའི་ཆོས་ཀྱི་ཁ་ཏོན་ལ་སོགས་པ་རྣམས་ཀྱིས་དུབ་བས་མཚན་མོའི་གུང་ལ་ཀུ་ཤ་ལ་སོགས་པའི་སྟན་ལ་གཙང་སྦྲ་དང་སྲུང་བའི་ཆོ་ག་དང་ཕྱག་རྒྱས་ཡོངས་སུ་བརྟགས་ཏེ་སྒྲུབ་པའི་ཐབས་ཀྱི་ཆོ་ག་བྱའོ། །དེའི་ཚེ་སྲུང་བ་བྱས་པར་འགྱུར་རོ། །སེང་གེའི་མལ་དུ་སྒྲུབ་པ་

པོས་རྟག་ཏུ་སེང་གེའི་སྟབས་ཀྱིས་ལྷོའམ་ཤར་གྱི་ཕྱོགས་སུ་མགོ་བོ་བསྟན་ནས་རྨི་ལམ་དུ་མེ་ཞི་བ་ཅན་ནམ་རྒྱས་པ་ཅན་གྱི་སྦྱིན་སྲེག་གལ་ཏེ་གྱུར་ན་ཤར་དང་། ལྷོའི་ལྷོ་རུ་ཀུན་ཏུ་གནས་ནས་རྐང་པ་རབ་ཏུ་བརྐྱང་བར་བྱའོ། །ནུབ་ཀྱི་ཕྱོགས་སུ་མགོ་བོ་བྱས་ནས་ལྷོའི་ཕྱོགས་སུ་ཁ་བལྟས་

ལ་ཉལ་བར་བྱའོ། །རིག་པ་རྣམས་དང་ཡང་དག་པར་ལྡན་པས་གང་ཡང་ཙནྡན་དང་། བིལ་བ་ལ་སོགས་པ་དང་། ནྱ་གྲོ་དྷ་དང་། ཨུ་དུམ་བཱ་ར་ལ་སོགས་པ་རྨི་ལམ་དུ་མཐོང་ན། བདག་ཉིད་ཡང་དག་པར་འཕགས་པའི་དངོས་གྲུབ་ཀྱི་མཚན་མའོ། །ངང་པ་དང་། བྱ་ཀཱ་རཎྜ་བ་དང་། ཁྲུང་

ཁྲུང་དང་། རྨ་བྱ་དང་། བྱ་རོ་ཧ་ན་རྨི་ལམ་དུ་བྱུང་ན་དེའི་དངོས་གྲུབ་མྱུར་དུ་བདག་ལ་འབྱུང་བར་འགྱུར་རོ། །གོས་དཀར་པོ་དང་མཉམ་པར་ཀུན་ཏུ་སྟོན་པ་འདི་ཡང་བདག་ཉིད་ཀྱང་ཚེ་འཕེལ་བར་མཐོང་ན་གདོན་མི་ཟ་བར་དངོས་གྲུབ་འབྱུང་བར་འགྱུར་རོ། །རྒྱལ་མཚན་གྱི་ཕྲེང་བས་ཁྱབ་པ་

དང་། རྨི་ལམ་དུ་ཁང་{བཟངས་,བཟང་}ལ་འཛེག་པའམ། མནན་པ་ལ་སོགས་པ་བྱུང་ན་དངོས་གྲུབ་ཀྱི་མཚན་ཉིད་དེ། གྲུ་ལ་མངོན་པར་འཛེགས་པ་དང་། དེ་བཞིན་དུ་དེའི་པི་ཝང་འཛིན་པའོ། །རྒྱལ་མཚན་དང་བ་དན་ལ་སོགས་པ་རྨི་ལམ་དུ་རེག་པ་བྱུང་བ་དང་། ཆུ་ཅིག་ཏིལ་མར་གྱིས་

རེག་པ་ཡང་དག་གྲུབ་པའི་མཚན་ཉིད་དོ། །རྨི་ལམ་དུ་བོང་བུ་དང་། རྔ་མོ་དང་། ཤིང་རྟ་ལ་སོགས་པ་རྣམས་མཐོང་བའམ། རིག་པ་ལ་སོགས་པ་ནི་དངོས་གྲུབ་ལ་བར་དུ་གཅོད་པར་ཤེས་པར་བྱའོ། །ངེས་པར་ཡང་འདོད་དོ། །དེ་ལ་སོགས་པའི་ཡོན་ཏན་ལྡན། །དགེ་བའི་ལས་དང་