完整藏文原文 · 德格版页 当前仅加载第 94 函德格 110b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བྱིན་པ་དེ་དགའ་བར་འགྱུར་རོ། །གསོ་སྦྱོང་ཅན་གྱིས་དཀར་པོའི་{བཅྭ་,བཅོ་}ལྔ་ལ་རིང་བསྲེལ་དང་བཅས་པའི་མཆོད་རྟེན་དུ་ས་ལ་མ་ལྷུང་བའི་བ་བྱུང་གིས་དཀྱིལ་འཁོར་ཉེ་བར་བྱུགས་ཏེ་དྲི་དང་མེ་ཏོག་དང་བདུག་པ་ལ་སོགས་པ་རྣམས་ཀྱིས་མཆོད་པ་བྱས་ནས་གཟུགས་བརྙན་གྱི་
D724.094.0110b01.01སྤྱན་སྔར་ཨུ་དུམ་བཱ་རའི་ཤིང་གིས་མེ་སྦར་ནས་ཟླ་བ་གཅིག་གི་དུས་གཅིག་ལ་ཙཱ་རུ་བཟའ་ཞིང་ཚངས་པའི་ཡམ་ཤིང་གིས་སྦྱིན་སྲེག་སྟོང་ཕྲག་བརྒྱད་བྱའོ། །ཡིད་གཞུངས་པར་འགྱུར་རོ། །བྲམ་ཟེ་དབང་དུ་བྱེད་པ་ལ་གཟུགས་བརྙན་གྱི་མདུན་དུ་ཟླ་བ་གཅིག་ཏུ་འོ་མའི་སྦྱིན་
D724.094.0110b02.01སྲེག་བྱའོ། །དབང་དུ་འགྱུར་རོ། །རྒྱལ་རིགས་དབང་དུ་བྱེད་པ་ལ་གཟུགས་བརྙན་གྱི་སྤྱན་སྔར་ཙཱ་རུའི་སྦྱིན་སྲེག་བྱས་ན་དབང་དུ་འགྱུར་རོ། །རྗེ་རིགས་དབང་དུ་བྱེད་པ་ལ་ནས་དང་ཞོ་བསྲེས་པའི་སྦྱིན་སྲེག་བྱ་སྟེ་སྔར་བཞིན་དབང་དུ་འགྱུར་རོ། །དམངས་རིགས་དབང་
D724.094.0110b03.01དུ་བྱེད་པ་ལ་ནས་ལ་དྲིའི་ཏིལ་མར་གྱིས་བཏགས་པའི་སྦྱིན་སྲེག་བྱ་སྟེ་སྔར་བཞིན་དབང་དུ་འགྱུར་རོ། །གཞན་རྣམས་ལ་གཞན་གྱིས་མི་ཐུབ་པ་ལ་དུག་གིས་བཏགས་པའི་སྦྱིན་སྲེག་བྱ་སྟེ་དབང་དུ་འགྱུར་རོ། །དགྲ་ལ་བལྟས་ནས་བཟླས་པས་འཇིགས་པར་འགྱུར་རོ། །
D724.094.0110b04.01བརྒྱད་བརྒྱར་མངོན་པར་བསྔགས་པའི་ཆུས་རིག་པ་ལན་ཅིག་མངོན་པར་བསྔགས་པས་སམ། ལན་བདུན་མངོན་པར་བསྔགས་པས་ཀྱང་རུང་སྟེ་རྒྱལ་པོའི་ཕོ་བྲང་དུ་ངག་འཛིན་པར་འགྱུར་རོ། །དཀར་པོའི་ཚེས་གཅིག་ནས་བརྩམས་ཏེ་གཟུགས་བརྙན་གྱི་མདུན་དུ་
D724.094.0110b05.01སེང་ལྡེང་གི་མེ་ལ་གུ་གུལ་གྱི་རིལ་བུ་མར་གྱིས་བཏགས་པའི་སྟོང་ཕྲག་བརྒྱད་ཐུན་གསུམ་དུ་སྦྱིན་སྲེག་བྱའོ། །གང་འདོད་པ་དེ་རྙེད་དོ། །རིང་བསྲེལ་དང་བཅས་པའི་མཆོད་རྟེན་དུ་འོ་མ་དང་ནས་ཟན་བཟའ་ཞིང་འབུམ་ཟློས་ཤིག་དེ་ནས་བུ་རམ་གྱི་ཡམ་ཤིང་སོར་གཅིག་པའི་
D724.094.0110b06.01ཚད་འབུམ་སྦྱིན་སྲེག་བྱའོ། །ཅོད་པན་གསུམ་བཅིངས་པར་འགྱུར་རོ། །རིལ་བུ་སྒྲུབ་པར་བྱེད་པར་འདོད་པས། དོང་ཀའི་མེ་ཏོག་གི་གེ་སར་དང་། ནཱ་ག་གེ་སར་དང་། ཙནྡན་དཀར་པོ་རྣམས་གཅིག་ཏུ་བྱས་ནས་རྒྱ་ཤུག་གི་ཚིག་གུའི་ཚད་ཀྱི་རིལ་བུ་བྱ་སྟེ་མི་མཉམ་
D724.094.0110b07.01