完整藏文原文 · 德格版页 当前仅加载第 94 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
ཐིག་ལེ་བྱས་པས་སྲོག་ཆགས་ཐམས་ཅད་དགའ་བར་འགྱུར་རོ། །ཆོ་ག་འདི་ཉིད་ཀྱིས་མ་ཤ་གཅིག་ཁར་བཅུག་སྟེ་ཇི་སྲིད་མྱུ་གུ་བྱུང་བ་དེ་སྲིད་དུ་བཟླས་པར་བྱའོ། །མྱུ་གུའི་ཕྱེ་མས་དབང་དུ་བྱེད་དོ། །ཕ་རོལ་འགུགས་པ་ལ་མྱུ་གུས་རྣམ་པར་སྟང་བར་
D724.094.0112a01.01བྱེད་དོ། །ལྡོང་རོས་སྒྲུབ་པར་འདོད་པས་གཟུགས་བརྙན་གྱི་མདུན་དུ་ཨ་ཤྭཏྠའི་འདབ་མར་བཞག་ནས་འབུམ་ཡོངས་སུ་བཟླས་པར་བྱའོ། །ཉི་ཟླ་གཟས་བཟུང་བ་ན་ཆོ་གས་བསྒྲུབ་པར་བྱ། གྲུབ་པ་ལ་ཐིག་ལེ་བྱས་ན་མི་སྣང་བར་འགྱུར་རོ། །ཚིམ་པར་བྱེད་པར་འདོད་
D724.094.0112a02.01པས་འོ་མ་ཅན་གྱི་ཤིང་གི་ཡམ་ཤིང་གིས་མེ་རབ་ཏུ་སྦར་ནས་འོ་མ་ཅན་གྱི་ཤིང་གི་ཡམ་ཤིང་ཞོ་དང་སྦྲང་རྩི་དང་མར་གྱིས་བཏགས་པའི་སྟོང་ཕྲག་བརྒྱད་སྦྱིན་སྲེག་བྱའོ། །དེ་ནས་རིག་པ་དང་བཅས་པ་ཚིམ་པར་འགྱུར་རོ། །གང་གཅིག་ཏུ་མཉམ་པའི་གནས་གང་དུ་ཚངས་པའི་
D724.094.0112a03.01སྲིན་པོ་འམ་གཞན་སེམས་ཅན་གང་ལ་ལ་སོ་སོར་གནས་པ་དེར་སོང་ནས་འབུམ་ཟློས་ཤིག་དེས་འདིར་འགྲུབ་པར་འགྱུར་རོ། །གཏེར་སྩོལ་བར་བྱེད་དོ། །འོ་མ་དང་ནས་ཟན་བཟའ་ཞིང་རིང་བསྲེལ་དང་བཅས་པའི་མཆོད་རྟེན་རས་རིས་བཞུགས་སུ་གསོལ་ནས་ལོ་གཅིག་
D724.094.0112a04.01བཟླས་སོ། །དེ་ནས་ནག་པོའི་བརྒྱད་པའམ་བཅུ་གཅིག་པ་ལ་ཉིན་མཚན་དུ་སྨྱུང་བར་གནས་པས་མཆོད་པ་རྒྱ་ཆེན་པོ་བྱས་ནས་གཏོར་མ་དབུལ་བར་བྱའོ། །གནོད་སྦྱིན་རྣམས་ལ་གནོད་སྦྱིན་གྱི་གཏོར་མ་སྲན་ཚོད་དང་། ཀ་ཀ་མོ་ཊི་ཀ་དང་། ཞོ་དང་། ཆུར་བ་དང་། འཁུར་བ་ཅན་
D724.094.0112a05.01སོ་ཁ་བ་དྷི་ལ་སོགས་པ་ཕྱི་རོལ་དུ་འབྱུང་པོ་ཐམས་ཅད་པའི་གཏོར་མ་ཕུལ་ནས་རས་རིས་ཀྱི་སྤྱན་སྔར་འོ་མ་ཅན་གྱི་ཡམ་ཤིང་གི་མེ་ལ་འོ་མའི་ཤིང་གི་ཡམ་ཤིང་གི་ཁྲུ་གང་གི་ཚད་ལ་ཞོ་དང་སྦྲང་རྩི་དང་མར་གྱིས་བཏགས་པ་སྟོང་ཕྲག་བརྒྱད་སྦྱིན་སྲེག་བྱའོ། །ཀུ་ཤའི་ཁྲེས་ལ་ཉེ་བར་
D724.094.0112a06.01འདུག་སྟེ་ནོར་བྱིན་ཅིག་གནོད་སྦྱིན་འོང་བར་འགྱུར་རོ། །མདུན་དུ་གནས་པ་ལ་དྲིའི་ཆུས་མཆོད་ཡོན་དབུལ་བར་བྱའོ། །དེ་ནས་དེ་རྣམས་བདག་གིས་ཅི་བགྱི་བ་བརྗོད་པར་བྱའོ་ཞེས་སྟོན་པར་བྱེད་དོ། །གནོད་སྦྱིན་བདག་གི་བཀའ་སྒྲུབ་པར་གྱུར་ཅིག་དེ་བཞིན་དུ་གྱུར་ཅིག་ཅེས་བྱས་ན་
D724.094.0112a07.01