完整藏文原文 · 德格版页 当前仅加载第 94 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
མེ་ཏོག་དང་། བདུག་པ་དང་། གཏོར་མ་སོ་སོར་བཞེས་པ་དང་། འདི་ལྟ་བུའི་མིང་གི་རིག་པ་བཟླས་སོ། །དེར་བུ་རམ་དང་། གང་བ་དང་། འོ་ཐུག་ཀྱང་ཤར་གྱི་ཕྱོགས་སུ་གཞག་པར་བྱའོ། །དྲི་ཟ་རྣམས་ལ་གཏོར་མ་དང་། ཏིལ་དང་ཏིལ་གྱི་ཐུག་པ་དང་། ཆང་གིས་
D724.094.0171b01.01བཀང་བ་ཅན་ལྷོའི་ཕྱོགས་སུ་གཞག་པར་བྱའོ། །གནོད་སྦྱིན་དང་། གྲུལ་བུམ་རྣམས་ལ་གཏོར་མ་འོ་མས་བཀང་བ་དང་། འོ་ཐུག་ནུབ་ཀྱི་ཕྱོགས་སུ་གཞག་པར་བྱའོ། །ཀླུ་དང་འདབ་བཟང་རྣམས་ལ་གཏོར་མ་རྩབ་མོས་བཀང་བ་དང་། ཞོས་བཀང་བ་དང་། ཟན་ཡང་བྱང་གི་ཕྱོགས་སུ་
D724.094.0171b02.01གཞག་པར་བྱའོ། །གནོད་སྦྱིན་མོ་རྣམས་ལ་གཏོར་མ་དང་དར་བས་བཀང་བ་དང་། ཆུ་དང་བསྲེས་པའོ། །བཅོམ་ལྡན་འདས་མ་ལ་དཀར་གསུམ་གྱི་གཏོར་མ་ཕུལ་ནས་མེ་ཏོག་ཐམས་ཅད་ཀྱིས་ཀྱང་མཆོད་པར་བྱའོ། །དེའི་ཕྱོགས་བཞི་རུ་གུ་གུལ་གྱི་བདུག་པ་དབུལ་ལོ། །ཨ་
D724.094.0171b03.01ག་རུ་དང་། ཏུ་རུ་ཥྐ་དང་། ག་པུར་རམ་དྲིའི་སར་ཛ་རའི་གཏོར་མའམ། ཟན་དྲོན་དང་ཕྱེ་ཕྱོགས་བཞིར་གཞག་པར་བྱའོ། །ཡོད་བཞིན་པ་མ་ཡིན་པས་ཇི་ལྟར་འབྱོར་པ་དང་། ཇི་ལྟར་ཡོད་པའི་གཏོར་མ་དབུལ་བར་བྱའོ། །བཅོམ་ལྡན་འདས་མ་ལ་ཡང་མར་གྱི་མར་མེ་
D724.094.0171b04.01དབུལ་ལོ། །དེ་ནས་མྱུར་དུ་རིལ་བ་སྤྱི་བླུགས་གཡས་ཀྱི་གཞོགས་སུ་གཞག་པར་བྱའོ། །རས་རིས་སམ་བདུན་པའམ། ཀུ་ཤ་བླངས་ནས་ལན་བརྒྱ་མངོན་པར་བསྔགས་པ་བྱས་ནས་ཁ་ཤར་དུ་ཕྱོགས་ཏེ་རིག་པ་བཞི་ལན་ཉི་ཤུ་རྩ་གཅིག་ཏུ་བོར་བར་བྱའོ། །བརྒྱད་
D724.094.0171b05.01བརྒྱར་མཚོན་ལས་རྒྱལ་བར་འགྱུར་རོ། །དེའི་མིང་ནས་སྨོས་པ་ཉིད་ཀྱི་དུས་གསུམ་དུ་བཟླས་པར་བྱའོ། །དེ་ནས་མཚུངས་པར་འདོར་བཞིན་པ་བྱས་པ་ལ་བཅོམ་ལྡན་འདས་ལ་གང་མེ་ཏོག་དང་། བདུག་པ་དང་། མར་མེ་ཡང་དོར་ནས་རྣམ་པ་གཞན་གྱི་གཏོར་མ་
D724.094.0171b06.01ཐམས་ཅད་བླངས་ཏེ་འཕང་བར་བྱའོ། །རྫིང་སྐམ་པོ་དང་། ཁྲོན་པར་གཞུག་པར་བྱའོ། །ཡང་ན་གཞན་ཡང་གཙང་མའི་ཕྱོགས་བླ་གབ་དང་བཅས་པ་ཡང་རུང་སྟེ། རྣམ་པར་དོར་བར་བྱའོ། །གང་དུ་ཝ་དང་། ཅེ་སྦྱང་དང་། ཁྱི་རྣམས་ཀྱིས་མི་ཟ་བར་རོ། །རྐང་
D724.094.0171b07.01