完整藏文原文 · 德格版页 当前仅加载第 94 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར་རོ། །མཆོད་ཡོན་ཕུལ་ནས་མཆོག་ཞུ་བར་བྱའོ། །དཀར་པོའི་ཚེས་གཅིག་ནས་བརྩམས་ནས་འོ་མ་དང་ཟན་ཟ་བས་བསྒྲུབ་པར་བྱའོ། །ཡན་ལག་བརྒྱད་པའི་གསོ་སྦྱོང་ཅན་གྱིས་མེ་དང་ལན་ཚྭ་ཟོས་པས་རས་རིས་ཀྱི་སྤྱན་སྔར་གུ་གུལ་གྱིས་སྦྱིན་
D724.094.0087a01.01སྲེག་སྟོང་ཕྲག་བརྒྱད་བྱའོ། །དོང་ཙེ་བརྒྱད་རྙེད་དོ། །ཀུན་ཏུ་རུ་ཀའི་ལས་འདིའོ། །བིལ་བའི་ཡང་ལས་འདིའོ། །དེ་བ་དཱ་རུས་གྲུབ་པའི་དོན་དུ་རབ་ཏུ་སྦྱར་བར་བྱའོ། །འདི་ནི་རྩ་བའི་རིག་པས་ཨ་ག་རུའི་སྦྱིན་སྲེག་སྟོང་ཕྲག་བརྒྱད་བྱའོ། །འོ་མ་དང་བཅས་པའི་ཤིང་གིས་
D724.094.0087a02.01མེ་རབ་ཏུ་སྦར་ན་ནོར་ཐམས་ཅད་སྦྱིན་པར་བྱེད་དོ། །རིང་བསྲེལ་དང་བཅས་པའི་མཆོད་རྟེན་ལ་དྲི་དང་མེ་ཏོག་དང་བདུག་པས་མཆོད་པ་བྱས་ནས་སྔ་བར་ལངས་ཏེ། བླུགས་གཟར་དང་ལྡན་པས་མེ་རབ་ཏུ་སྦར་ནས་ནཱ་ག་གེ་སར་དང་པྲི་ཡང་ཀུའི་སྦྱིན་སྲེག་བརྒྱད་བརྒྱ་བྱ་སྟེ་ཟླ་བའི་ནང་
D724.094.0087a03.01དུ་བལྟ་བར་བྱ་བར་འགྱུར་རོ། །བེ་ཀངྐ་ཏའི་ཡམ་ཤིང་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱ་བྱའོ། །གཙང་མའི་སྔར་གྱི་ལས་ཀྱི་ཕྱོགས་སུ་པ་ལཱ་ཤའི་ཡམ་ཤིང་གིས་མེ་རབ་ཏུ་སྦར་ནས་བཅོམ་ལྡན་འདས་ལ་མཆོད་པ་བྱས་ན་གསེར་བརྒྱ་རྙེད་
D724.094.0087a04.01དོ། །རིག་པ་འདིས་པྲི་ཡང་ཀུའི་ཡམ་ཤིང་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱ་སྟེ་གསེར་སྟོང་རྙེད་དོ། །རིག་པ་འདིས་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་དྲི་དང་མེ་ཏོག་དང་བདུག་པ་ཕུལ་ནས་ཨུ་དུམ་བཱ་རའི་ཡམ་ཤིང་
D724.094.0087a05.01གིས་མེ་རབ་ཏུ་སྦར་ཏེ་སྦྱིན་སྲེག་སྟོང་ཕྲག་བརྒྱ་བྱའོ། །འདོད་པ་ཐམས་ཅད་མཆོག་དང་ལྷན་ཅིག་བྱེད་དོ། །མྱ་ངན་མེད་པའི་ཤིང་གིས་མེ་སྦར་ནས་ཡུངས་ཀར་དཀར་པོའི་སྦྱིན་སྲེག་བརྒྱ་བྱའོ། །མངོན་སུམ་དུ་གཟུགས་ཀྱིས་འོང་བར་བྱེད་དོ། །བདུག་པ་ལ་ལན་སྟོང་ཕྲག་
D724.094.0087a06.01བརྒྱ་བཟླས་ནས། གཙང་མས་གོས་གཙང་མ་གོན་ཏེ་འོ་མ་དང་ནས་ཟན་ཟ་ཞིང་རྟག་ཏུ་བཟླས་པས་འདོད་ཅིང་འདོད་པ་རྣམས་ཀུན་ཏུ་ཐོབ་སྟེ་འདོད་པ་ཐམས་ཅད་སྦྱིན་པར་བྱེད་དོ། །སྔོན་སྤྱད་པ་བྱས་པས་མཚན་མོ་ལྔར་འོ་མ་དང་ནས་ཟན་ཟ་བའམ་འོ་མ་འཐུངས་པས་སྟོང་
D724.094.0087a07.01