完整藏文原文 · 德格版页 当前仅加载第 62 函德格 2a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་ལས་གྲུབ་པ། མེ་ཏོག་སྣ་ཚོགས་འཁྱིལ་པའི་ཆུ་བོའི་ནོར་བུ་སྡོང་པོ་དང་ཡལ་གས་བརྒྱན་པ། མེ་ཏོག་དང་། སྤོས་དང་། རིན་པོ་ཆེ་ཐམས་ཅད་ཀྱི་དྲ་བས་བྲེས་པ། བཀོད་པ་ཐམས་ཅད་འབར་བར་སངས་རྒྱས་ཀྱི་བྱིན་གྱི་རླབས་
D201.062.0002a01.01ཀྱིས་རྣམ་པར་སྤྲུལ་པ་ཡང་དག་པར་སྟོན་པའི་སའི་སྙིང་པོ་ནོར་བུ་རིན་པོ་ཆེ་ཐམས་ཅད་ཡངས་པར་འབྱུང་བས་ཕྱོགས་ཀུན་ཏུ་སྦྱངས་ཤིང་བཀོད་པའི་བྱང་ཆུབ་ཀྱི་སྙིང་པོ་ནོར་བུ་རིན་པོ་ཆེ་བཻ་དཱུརྱའི་རིགས་ཀྱིས་བརྒྱན་པས་རྒྱས་པའི་ཕུང་པོ་ནོར་བུ་རིན་པོ་ཆེའི་རྒྱལ་པོའི་ཁ་
D201.062.0002a02.01ཁྱེར་གྱིས་བསྐོར་བ། ནོར་བུ་མུ་ཏིག་རིན་པོ་ཆེའི་ཆུན་པོས་མཛེས་པར་བྱས་པ། གདུགས་དང་། རྒྱལ་མཚན་དང་། བ་དན་བཙུགས་པ། དྲིལ་བུ་གཡེར་ཀའི་དྲ་བའི་བླ་རེ་བྲེས་པ། ཙན་དན་སྦྲུལ་གྱི་སྙིང་པོས་བྱུགས་པ། དབང་གི་རྒྱལ་པོའི་ནོར་བུ་
D201.062.0002a03.01རིན་པོ་ཆེའི་དྲ་བས་གཡོགས་པ། རྒྱ་མཚོའི་གནས་རྣམ་པར་དག་པ་བཀོད་པ། ཀུན་ནས་འོད་ཟེར་གྱི་ནོར་བུའི་ཀ་བའི་དྲ་བས་གཏམས་པ། སེང་གེའི་རལ་པའི་ནོར་བུ་རིན་པོ་ཆེའི་སྤང་ལེབ་ཀྱིས་བཀབ་པ། སེང་གེའི་རྒྱལ་མཚན་མཆོག་གི་ནོར་བུ་
D201.062.0002a04.01རིན་པོ་ཆེའི་སྒོ་གང་དང་། རྟ་བབས་དང་། སྐར་ཁུང་གིས་བརྒྱན་པ། དར་གྱི་ཆུན་པོ་བྲེས་པས་མཛེས་པར་བྱས་པ་མེ་ཏོག་མན་དཱ་ར་བ་དང་། མན་དཱ་ར་བ་ཆེན་པོ་དང་། མཉྫུ་ཥ་ཀ་དང་། མཉྫུ་ཥ་ཀ་ཆེན་པོ་དང་། མདོག་མཛེས་དང་། མདོག་
D201.062.0002a05.01མཛེས་ཆེན་པོ་དང་། འཁོར་ལོ་དང་། འཁོར་ལོ་ཆེན་པོ་དང་། སྣ་མའི་མེ་ཏོག་དང་། བར་ཤི་ཀ་དང་། ཏ་ར་ནི་དང་། བལ་ལ་ཀོ་ཏ་ར་ནི་དང་། ཤིན་ཏུ་དྲི་མཆོག་དང་། དྷ་ནུ་སྐ་རི་ཀ་དང་། ལྷའི་མེ་ཏོག་ཡིད་དུ་འོང་བ་ཨུད་པ་ལ་དང་། པད་མ་དང་།
D201.062.0002a06.01