完整藏文原文 · 德格版页 当前仅加载第 62 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
དབུགས་འབྱིན་པ་རྙེད་པར་འགྱུར་ཏེ། དེ་ལ་སངས་རྒྱས་ལ་སྐྱབས་སུ་འགྲོ་བ་ནི་དེ་བཞིན་གཤེགས་པའི་བསླབ་པ་ལས་མི་འདའ་བ་གང་ཡིན་པའོ། །བདག་ནི་ཆོས་ལ་སྐྱབས་སུ་སོང་གིས། གཞན་དག་ཀྱང་ཆོས་ལ་སྐྱབས་སུ་འགྲོ་བ་ལ་དགོད་དོ་ཞེས་དབུགས་འབྱིན་
D201.062.0023a01.01པ་རྙེད་པར་འགྱུར་ཏེ། དེ་ལ་ཆོས་ལ་སྐྱབས་སུ་འགྲོ་བ་ནི་ཆོས་མི་སྤོང་བ་གང་ཡིན་པའོ། །བདག་ནི་དགེ་འདུན་ལ་སྐྱབས་སུ་སོང་གིས། གཞན་དག་ཀྱང་དགེ་འདུན་ལ་སྐྱབས་སུ་འགྲོ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དགེ་འདུན་ལ་སྐྱབས་སུ་
D201.062.0023a02.01འགྲོ་བ་ནི་སངས་རྒྱས་ཀྱི་ཚུལ་ཁྲིམས་ལ་ལྟ་བ་གང་ཡིན་པའོ། །བདག་ནི་ང་རྒྱལ་མེད་པ་ལ་གནས་ཀྱིས། གཞན་དག་ཀྱང་ང་རྒྱལ་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ང་རྒྱལ་མེད་པ་ནི་སེམས་ཅན་ལ་ཤིན་ཏུ་གུས་པ་གང་ཡིན་པའོ། །བདག་
D201.062.0023a03.01ནི་ཁོན་དུ་འཛིན་པ་མེད་པ་ལ་གནས་ཀྱིས། གཞན་དག་ཀྱང་ཁོན་དུ་འཛིན་པ་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཁོན་དུ་འཛིན་པ་མེད་པ་ནི་སེམས་ཀྱི་ཡོངས་སུ་གདུང་བ་ཉེ་བར་ཞི་བ་གང་ཡིན་པ་སྟེ། འཇམ་དཔལ་དབུགས་འབྱིན་པ་རྙེད་པ་ལྔ་པོ་དེ་
D201.062.0023a04.01དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ་གཞན་ཡང་དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཚུལ་འཆོས་པ་མེད་པ་
D201.062.0023a05.01ལ་གནས་ཀྱིས། གཞན་དག་ཀྱང་ཚུལ་འཆོས་པ་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚུལ་འཆོས་པ་མེད་པ་ནི་ཟང་ཟིང་མེད་པའི་སེམས་ཀྱིས་གཞན་ལ་ཕན་འདོགས་པ་གང་ཡིན་པའོ། །བདག་ནི་ཁ་གསག་མེད་པ་ལ་གནས་ཀྱིས། གཞན་དག་
D201.062.0023a06.01ཀྱང་ཁ་གསག་མེད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཁ་གསག་མེད་པ་ནི་སེམས་ཅན་ཡོངས་སུ་སྨིན་པར་བྱེད་པས་ཡོངས་སུ་ལེན་པ་གཏོང་བ་གང་ཡིན་པའོ། །བདག་ནི་ཐོབ་ཀྱིས་འཇལ་བ་མེད་པ་ལ་གནས་ཀྱིས། གཞན་དག་ཀྱང་ཐོབ་ཀྱིས་
D201.062.0023a07.01