完整藏文原文 · 德格版页 当前仅加载第 62 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཡིན་པའོ། །བདག་ནི་སངས་རྒྱས་ཀྱི་ཏིང་ངེ་འཛིན་གྱི་ཚུལ་ཁྲིམས་ཉིད་ལ་གནས་ཀྱིས། གཞན་དག་ཀྱང་སངས་རྒྱས་ཀྱི་ཏིང་ངེ་འཛིན་གྱི་ཚུལ་ཁྲིམས་ཉིད་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སངས་རྒྱས་ཀྱི་ཏིང་ངེ་འཛིན་གྱི་ཚུལ་ཁྲིམས་
D201.062.0015a01.01ཉིད་ནི་སེམས་ཅན་ཐམས་ཅད་ལ་སེམས་མཉམ་པ་ཉིད་གང་ཡིན་པ་སྟེ། འཇམ་དཔལ་དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ་གཞན་ཡང་དབུགས་འབྱིན་པ་རྙེད་པ་ལྔ་དག་བྱང་
D201.062.0015a02.01ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་བྱམས་པ་ལ་གནས་ཀྱིས། གཞན་དག་ཀྱང་བྱམས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བྱམས་པ་ནི་སེམས་ཅན་ཐམས་ཅད་ཀྱི་
D201.062.0015a03.01སྡུག་བསྔལ་བསྐྱབ་པའི་ཕྱིར་ལུས་དང་། ངག་དང་སེམས་ཀྱི་བསོད་ནམས་ཀྱི་ཚོགས་སོགས་པ་གང་ཡིན་པའོ། །བདག་ནི་སྙིང་རྗེ་ལ་གནས་ཀྱིས་གཞན་དག་ཀྱང་སྙིང་རྗེ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྙིང་རྗེ་ནི་སེམས་ཅན་ཐམས་ཅད་ཡོངས་སུ་
D201.062.0015a04.01སྨིན་པར་བྱ་བའི་ཕྱིར་སྡུག་བསྔལ་གྱི་ཡོ་བྱད་གང་མི་ལེན་པ་དེ་ཅི་ཡང་མེད་པ་དང་། བདེ་བའི་ཡོ་བྱད་གང་མི་གཏོང་བ་དེ་ཅི་ཡང་མེད་པ་གང་ཡིན་པའོ། །བདག་ནི་དགའ་བ་ལ་གནས་ཀྱིས། གཞན་དག་ཀྱང་དགའ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ།
D201.062.0015a05.01དེ་ལ་དགའ་བ་ནི་སྟོང་པ་ཉིད་དང་། སངས་རྒྱས་ཀྱི་ཆེ་བ་ཉིད་ལ་དགའ་བ་དང་། མཆོག་ཏུ་དགའ་བ་ཆེན་པོ་གང་ཡིན་པའོ། །བདག་ནི་བཏང་སྙོམས་ལ་གནས་ཀྱིས། གཞན་དག་ཀྱང་བཏང་སྙོམས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བཏང་
D201.062.0015a06.01སྙོམས་ནི་རྗེས་སུ་ཆགས་པ་དང་ཁོང་ཁྲོ་བ་སྤོང་བ་གང་ཡིན་པའོ། །བདག་ནི་རྣམ་པར་གཏན་ལ་འབེབས་པར་མཁས་པ་ལ་གནས་ཀྱིས། གཞན་དག་ཀྱང་རྣམ་པར་གཏན་ལ་འབེབས་པར་མཁས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་རྣམ་པར་གཏན་ལ་
D201.062.0015a07.01