完整藏文原文 · 德格版页 当前仅加载第 62 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
མཁའ་ཁྱབ་པར་འགེངས་པ། སེམས་ཅན་ཡོངས་སུ་སྨིན་པར་མཛད་པ། ཁྱུ་མཆོག་ཏུ་གྱུར་པས་ཕྱི་མའི་མཐའི་མུའི་བསྐལ་པར་བྱིན་གྱིས་རློབ་པའོ། །དེ་ཅིའི་ཕྱིར་ཞེ་ན། མ་འདྲེས་པའི་ཆོས་དང་ལྡན་པའི་ཕྱིར་ཏེ། མ་འདྲེས་པའི་ཆོས་དང་ལྡན་པ་ནི་སྨོན་
D201.062.0044a01.01ལམ་གྱི་སྟོབས་ཀྱི་བྱིན་གྱིས་བརླབས་པའི་ཕྱིར་རོ། །འཇམ་དཔལ་དེ་བཞིན་གཤེགས་པའི་སེམས་ཅན་ཡོངས་སུ་སྨིན་པར་མཛད་པ། ཁྱུ་མཆོག་ཏུ་གྱུར་པ་མདོར་བསྟན་པ་ཡིན་ཏེ། རྒྱས་པར་ནི་ཕྱི་མའི་མཐའི་མུའི་བསྐལ་པར་བྱིན་གྱིས་བརླབས་ཀྱང་བསྟན་པར་མི་ནུས་སོ། །
D201.062.0044a02.01འཇམ་དཔལ་དེ་ལ་དེ་བཞིན་གཤེགས་པའི་ཀུན་ནས་མངོན་དུ་གྱུར་པ་ནི་ཕྱོགས་བཅུའི་འཇིག་རྟེན་གྱི་ཁམས་རབ་འབྱམ་ཐམས་ཅད་དུ་འཇིག་རྟེན་གྱི་ཁམས་རེ་རེ་དང་། གླིང་རེ་རེ་དང་། རྡུལ་ཕྲ་རབ་རེ་རེ་ལ་སྟེ། རྡུལ་ཕྲ་རབ་ཀྱི་རྡུལ་གྱི་ཕྱོགས་རེ་རེ་ལ་བྱང་ཆུབ་སེམས་དཔའ་རྒྱ་མཚོ་
D201.062.0044a03.01འཁོད་པ་ནི་རབ་ཏུ་མང་གི །འཇིག་རྟེན་གྱི་ཁམས་ལྔ་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གྲངས་མེད་པ་དག་གི་རྡུལ་ཕྲ་རབ་ནི་ཆེས་ཉུང་སྟེ། བྱང་ཆུབ་སེམས་དཔའ་དེ་དག་ནི་སེམས་ཅན་དང་། འཇིག་རྟེན་གྱི་ཁམས་དང་། གླིང་དང་། རི་རབ་དང་། རི་རབ་
D201.062.0044a04.01ཆེན་པོ་དང་། ཁོར་ཡུག་དང་། ཁོར་ཡུག་ཆེན་པོ་དང་། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དང་། འབབ་ཆུ་དང་། མཚེའུ་དང་། མཚོ་བྲན་དག་གང་ལ་ཡང་གནོད་པ་དང་སྒྲིབ་པ་མེད་དེ། སྔོན་
D201.062.0044a05.01ཇི་ལྟ་བར་ཕྱིས་ཀྱང་དེ་བཞིན་དུ་བྱ་བ་དག་འཇུག་སྟེ། དེ་བཞིན་གཤེགས་པ་མ་འདྲེས་པའི་ཆོས་དང་ལྡན་པའི་ཕྱིར་རོ། །བསམ་པ་ཇི་ལྟ་བ་དང་། འདུལ་བ་ཇི་ལྟ་བའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་
D201.062.0044a06.01ཅི་དང་། ལྟོ་འཕྱེ་ཆེན་པོ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། མི་དང་། མི་མ་ཡིན་པ་དང་། བྱང་ཆུབ་སེམས་དཔའ་དེ་དག་གིས་ཀྱང་འདི་ལྟར་ཀུན་ནས་དེ་བཞིན་གཤེགས་པ་གཉའ་ཤིང་གང་ཙམ་ན་བཞུགས་པར་མངོན་དུ་མཐོང་ངོ་། །
D201.062.0044a07.01