完整藏文原文 · 德格版页 当前仅加载第 62 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
དབུགས་འབྱིན་པ་རྙེད་པར་འགྱུར་ཏེ། དེ་ལ་བདག་ལ་མི་སྟོད་གཞན་ལ་མི་སྨོད་པ་ནི། བདག་ལ་ཡོན་ཏན་ཡོད་པར་སྒྲོ་མི་འདོགས་པ་གང་ཡིན་པ་འདི་ནི་བདག་ལ་མི་སྟོད་པའོ། །གཞན་གྱི་ཡོན་ཏན་ཡང་དག་པ་ཆུད་མི་གཟོན་པ་གང་ཡིན་པ་འདི་ནི་གཞན་ལ་མི་སྨོད་པའོ། །བདག་ནི་
D201.062.0021b01.01ཡང་དག་པ་ལ་གནས་ཀྱིས། གཞན་དག་ཀྱང་ཡང་དག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡང་དག་པ་ནི་ཆོས་ཐམས་ཅད་ལ་འདུ་ཤེས་མེད་པ་དང་། འདུ་ཤེས་ལ་རློམ་སེམས་མེད་པ་གང་ཡིན་པ་སྟེ། འཇམ་དཔལ་དབུགས་འབྱིན་པ་རྙེད་པ་ལྔ་པོ་དེ་
D201.062.0021b02.01དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ་གཞན་ཡང་དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་བག་ཆགས་ཀྱི་
D201.062.0021b03.01མཚམས་སྦྱོར་བ་ལེགས་པར་འཇོམས་པ་ལ་གནས་ཀྱིས། གཞན་དག་ཀྱང་བག་ཆགས་ཀྱི་མཚམས་སྦྱོར་བ་ལེགས་པར་འཇོམས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བག་ཆགས་ཀྱི་མཚམས་སྦྱོར་བ་ལེགས་པར་འཇོམས་པ་ནི་སྔོན་གྱི་བྱིས་པའི་སྤྱོད་
D201.062.0021b04.01པ་ལ་སྨོད་པ་དང་། ཉན་ཐོས་དང་རང་སངས་རྒྱས་ཀྱི་ས་ལ་འདོད་པ་མེད་པ་གང་ཡིན་པའོ། །བདག་ནི་རྗེས་སུ་ཆགས་པ་དང་། ཁོང་ཁྲོ་བ་སྤོང་བ་ལ་གནས་ཀྱིས། གཞན་དག་ཀྱང་རྗེས་སུ་ཆགས་པ་དང་། ཁོང་ཁྲོ་བ་སྤོང་བ་ལ་དགོད་དོ་ཞེས་དབུགས་འབྱིན་པ་རྙེད་པར་
D201.062.0021b05.01འགྱུར་ཏེ། དེ་ལ་རྗེས་སུ་ཆགས་པ་དང་ཁོང་ཁྲོ་བ་སྤོང་བ་ནི་མི་དགེ་བའི་ཆོས་མ་སྐྱེས་པ་རྣམས་མི་སྐྱེད་པ་དང་། དགེ་བའི་ཆོས་སྐྱེས་པ་རྣམས་ཆུད་མི་གཟོན་པ་གང་ཡིན་པའོ། །བདག་ནི་མཉམ་པ་ལ་གནས་ཀྱིས། གཞན་དག་ཀྱང་མཉམ་པ་ལ་དགོད་དོ་ཞེས་དབུགས་
D201.062.0021b06.01འབྱིན་པ་རྙེད་པར་འགྱུར་ཏེ། དེ་ལ་མཉམ་པ་ནི་འཕགས་པའི་བདེན་པ་རྟོགས་པ་གང་ཡིན་པའོ། །བདག་ནི་དྲང་བ་ལ་གནས་ཀྱིས། གཞན་དག་ཀྱང་དྲང་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དྲང་བ་ནི་འཕགས་པའི་ལམ་ལ་རྟོག་པ་མེད་པ་གང་ཡིན་
D201.062.0021b07.01